دعوة للفضفضة ...!

[Ignor]

جامعه خايسه لاتحسبوا الأنتظام عايشين في نعمه

[شخصية مستهدفة]

الله يسعدكم يارب..

بكرة بروح لها د/ منال

بس تتوقعون تعطيني وجه ؟؟؟

أحس ان روحتي بكرة حتكون عالفاضي و ما حستفيد شي !!!

[Ignor]

اللي أعرفه دكتوره منال ماتظلم أحد بس أسئلتها دقيقه ويمكن ماركزتي ؟؟
إحنا بالدوريات نحوس معها كيف لو جاء الأختبار مره وحده من 100 ؟؟؟ شي يدوووووووووخ الله يعوضك

[شخصية مستهدفة]

igonr

حبيبتي والله العظيم بعطيك معلومة تعامل د/ منال معاكم أنا شفته و انقهرت منه ...

شفتها كيف معاكم زي العسل و احنا عندنا كأنها تعامل ناس جايين من طبقة ثانية !!!!!

أسلوبها سخيـــــــــــف معانا ... حتى يوم الامتحان جالسة تصرخ عالطالبات وكأنها تكلم بنات روضه !!!!

أعرف وحده من زميلاتي امتحنت معاها سيمانتكس لما جات البنت تمتحن جات وحده وجلست بجنبها استغربت بس

عدت الموضوع بعد الامتحان بكم يوم جات وحده لزميلتي << نفسها اللي جلست جنبها بالامتحان و قالتلها مرررررة

شكراً ؟؟ قالتلها على ايش ؟؟ قالتلها البنت .. يوم امتحان السيمانتكس جيت و جلست جنبك و نقلت منك الاجابات زي

ما هيّ بالضبط .. والحمدلله طلعت النتايج و أخذت 80 !!!!

زميلتي انصدمت منها بس راحت تشوف النتيجه و قالت أكيد زي ما نقلت نفس اجاباتي بالضبط معناته أكيد ان درجتي 80<<< بديهي

لما فتحت عالأوديوس لقت نفسها ماخذه F

ممكن تفسرولي ايش معناته ؟؟؟

نفس الاجابات !!!!

لما راحت البنت تشتكي سوولها لجنة و حكاية ورواية و توقيع و خرابيط و في الأخير قالولها احنا نكلمك عشان تشوفي ورقتك !!!

لهم سنة ما دقوا عليها !!! طبعاً ايش يهمهم ؟؟!!

حبيبتي ignor صحيح دراستنا كإنتساب صعبة و تشيب الراس...

لكن على قد ما أسئلتها كانت صعبة أنا حسيت اني حليت الحل اللي ينجحني!!!

وبعدين المفروض ما يشددون على طلاب و طالبات الانتساب لهالدرجه !!!

أو عالأقل تكون درجة نجاحنا minimum من 40 مو 60 زي الانتظام بحكم اننا ما عندنا أي مساعدة ثانية غير

الامتحان النهائي !!!

والله شي يتعب ... أنا لو ماني صاحبة حق ما راح أتكلم ...

لكن تعبنا من الظلم !!!

[حنين الود]

من دون ماتنقلي أخبار البنات دولا وتشتتي نفسك وتتعبي نفسك مع الكلام انا أقولك روحي وشوفي ورقتك يعطوكي موعد تجي تشوفيها .. وإن شاء الله خير لاتاخدي الموضوع بحزازيات وزي كدا لين مايمشي موضوعك بالتساهيل ان شاء الله وبعدها طلعي كل حاجه في نفسك اهم حاجه التوكل على ربنا والدعاء انو تطلعي ناجحه يارب .. ولو حصل وماكتب ربنا النجاح السيمستر الجاي تاخديها وتعوضي وتجيبي فيها درجه عاليه ترفع معدلك أعلى من ماكان كمان لاتستصعبي الأمور ياما شفن ffffff ومشينا وعدينا ورفعنا معدلاتنا يله شدي حيلك ولاتصاحبي الكئيبات صاحبي بنات يساعدوكي تشدي حيلك ومتفائلات ومبتسمات يساعدوكي وتقوي نفسك معاهم وتقويهم وتتعاونوا والله دا شي مرررررره مهم

[حبيتك تنسيت النوم]

لا لا هانت .. لا تتركيها

تكفين كلها 8 مواد

أقسم بالله انكدينا كد حمير - عزكم الله - وجاء الوقت اللي نطلع فيه

أصبري و الصبر مفتاح الفرج


وبخصوص الآبلايد انا خابر النظام القديم .. تدفعين 100 ريال وتراجعين ورقتك
اذا طلع الحق معك .. تاخذين فلسوك ودرجتك تتعدل
واذا الحق مع الدكتوره .. تروح فلوسك والدرجه تبقى مثل ماهي .

اذا انتي متأكدة من حلك راجعيهم

والله يوووووفقنا أجمعين .

[Ignor]

ولله ماني عارفه إيش أقولك كل شي جايز مع هالأستاذات لكن لله يعوضك وماراح أشكي لك الظلم اللي أنا واجهته عشان ماأزيدك هم ....... الله يوفقك

[شخصية مستهدفة]

حنين الودّ تشرفني معرفتك <<< ما صدقت أحد يقولها اتعرفي على بنات متفائلات..

ignor
مشي حالك يا قلبي عندنا و عندك خير...

اليوم رحت الجامعه من الساعه 11 الصباح و مارجعت البيت إلا 7 المغرب !!! وربي تعبت...

في البداية حسيت اني خلااااااااااااااااااااااااااااص فقدت الأمل لأني رحت أقابل د/ منال و طلعت غايبة

و رحت أقابل أ/ جميله المشطاطي و قالولي ما تجي إلا 3 العصر..

انلطعت الوقت ذا كله طبعاً جلست أراجع المادة اللي عندي فيها امتحان

لما صارت الساعه 3 و ربع قلت يلا خليني أروح لــ أ/ جميله

ولما وصلت لقيت مكتبها مقفل!!!

اتضايقت و قلت خلاااااااااااااااااااص ورحت الامتحان و أوّل ما خرجت من الامتحان إلا أ/جميله بوجهي ..

علمتها عالقصة >> لا و أزيدكم من الشعر بيت من كل بنات الانتساب ما نجحوا في الأبلايد إلا ((( 4 ))) بنات ؟؟؟؟

معقوله كل اللي رسبوا العيب منهم و ما ذاكروا ؟؟؟؟؟

برضو المعلومة هذي قلتها لــ جميله ..

قالتلي أول أسبوع بعد الاجازة هذي الجاية تعالي الجامعه و راح نفتح لك ورقتك !!!

قلتلها يعني أخاف الشغلانة تاخذ وقت و تطول قالت لي لا maximum 1 week ??

و ربنا يعين !!

[شخصية مستهدفة]

أخوي حبيتك تانسيت النوم<<< أحب الأغنية هذي مررررررررررة

هي ردة فعل بصراحه لأني كنت مصدومة و من كثر ما كنت متنرفزة قلت بطلع من الجامعه و بدرس بمعهد صحي ...!!

و آخر شي تراجعت ...<< لحسة مخ على قولهم

بس خلاص رجعت لرشدي

يسلمووو عالمرور

[نص دافوره]

المشاركة الأصلية كتبت بواسطة حبيتك تنسيت النوم لا لا هانت .. لا تتركيها تكفين كلها 8 مواد أقسم بالله انكدينا كد حمير - عزكم الله - وجاء الوقت اللي نطلع فيه أصبري و الصبر مفتاح الفرج وبخصوص الآبلايد انا خابر النظام القديم .. تدفعين 100 ريال وتراجعين ورقتك اذا طلع الحق معك .. تاخذين فلسوك ودرجتك تتعدل واذا الحق مع الدكتوره .. تروح فلوسك والدرجه تبقى مثل ماهي . اذا انتي متأكدة من حلك راجعيهم والله يوووووفقنا أجمعين .

بالله من جد يدفعووون الطلاب فلوووس عشااان يشوووف الورقه

كاااانوا كذا يسووون

والله انها فعلا مسخرررره