كيف كنتوا تنظموا وقتكم في التحضيري ؟؟ [ عنوان مبهم ]

[لولو الشهري]

السلاام عليكم حبيبااايبي
ارجوووكم ابغاكم تعلموني
انا سنه تحضيري واحس اني تايهه شوي فابغاكم تفهموني يادكاترة المستقبل كيف كنتوا تذاكرون وتنظمون وقتكم بالتفصييييل وماااطول عليكم وبالتوووفيق ياااااااارب
ووووووووووووووشكرررررررررررررا

[محمد عماد]

وعليكم السلام ..

انا حتكلم عن نفسي بكل صراحة ( مع ان طريقتي خطأ وما انصح احد بيها )
بس عشان ما اخرج من الموضوع بدون ما ارد


ايام التحضيري ما كنت منظم وقتي ولا كان عندي جدول ولا اي حاجة
كنت بس قبل اسبوع من الاختبارات اذاكر مذاكرة بجد
وبعض المواد ما كنت اذاكرها الا ليلة الإختبار .. وكنت اروح الإختبار مواصل

ممكن يكون نظامي سيء للبعض .. بس كنت اجيب درجات عالية والحمد لله

اتذكر الفيزياء ما كنت افهم ولا شيء من الدكتور
وكنت اطنش المادة هذي ولا كأنها معانا
بس يوم الإختبار كنت احفظ الشيتات حفظ صم
ودخلت الإختبار ونجحت في المادة والحمد لله جبت a+ ما شاء الله تبارك الله

انا كنت اشوف انو السنة التحضيرية مجرد اعادة للثانوي تماما .. وما فيها اي شيء جديد
عشان كذا كنت اتكاسل في المذاكرة
صحيح اني جبت درجات عالية .. لكن حصيلتي العلمية ليست مثل درجاتي اطلاقا

وطبعا نظامي حاليا في الطب مختلف 180 درجة عن التحضيري ..

ان شاء الله اكون افدتك
والله يوفق الجميع

[د. هدّولا]

وعليكم السّلام ورحمة الله وبركاته ,

كُل عآم وأنتِ بخير ..
- صَراحة أقولِك كتنظيم وقت ماكان عِندي كنت أصحى أنام أداوم ونظآم ملخبط !
بس أول شي المآدّة اللي أحس إنّي مفهيّة فيها , كتابها لايُبارح سريري ..
بمعنى كل شوية أفتح الكتاب أقرأ فيه أدور في النت , أسأل صاحباتي زي كدا ..

- هي مو بِمعنى المذاكرة أول بأول بس إني ماكُنت أفوّت درس أو محاضرة إلا وأنا فاهمتها
وبالنسبة لمذاكرتها قرب وقت الإختبارات أفتح الكتاب وأنطلق !
يعني لاتطلعي من المحاضرات إلا وإنتي فاهمة كل كلمة مشروحة , ولو مافهمتي وقت البريك روحي للدكتورة توضحلك النقطة اللي مافهمتيها , عشان وقت ماتذاكري مايكون عندك غير تراجعي المعلومات وتحفظي ان كانت في أشياء تنحفظ وتحلي نماذج ...

الشي الثآني : في المآث والفيزيكس اعتمادي كان على الملخصات ..
في الكيم والإحصاء كنت أذاكر من الكتاب ومن الشّرح اللي تقوله الدكتورة ( على أساس إني كنت أكتب معاها في المحاضرة )..


الشّئ الثالث : يوم الخميس الصّباح ويوم الجمعة , ماكنت أضيعها أبدا ..
كُنت اراجع اللي أخذه في الأسبوع وأتأكد أن كل شي فاهمته


الشّئ الرابع : قبل الإمتحانات بأسبوعين تبدأ عملية العزل , أنطلق في مكان معزول في البيت وأحط كتبي
وأرتب لي ( جدول ) أمشي عليه لمدة اسبوعين ..
والحمدلله مررة كان يفيدني بس أهم شي تلتزمي بالجدول يعني لو أنتي حواسة في المذاكرة خلي الأسبوعين تلاتة , على حسب اللي يناسبك ..




الشّي الخامس : كلامي عن أن مافي تنظيم مو معناه نجح معايا بينجح معاكِ , أتوقع انتم أختبرتوا الدوري الاول
يعني اكتسبتي خبرة ايش الاشياء الغلط اللي سويتيها اتجنبيها والاشياء الصح امشي عليها في الدوري التاني !




وبالتّوفيق ياقمر :)

[واثق الخطى 1]

والله انا بالنسبه ليه التحضيري كان ابو الدشره ما كان في تنظيم لوقتي وما كنت اذاكر الا قبل الاختبارات باسبوع للنصفيه والفاينل اسبوعين باستثناء الانقلش اللي ماعمري فكيت الكتاب الا مع الدكتور ومهارات الاتصال والحاسب يكفيها يوم الاختبار لكن
كنت اعصر نفسي واسب نفسي وانا اذاكر لان راكمت الدروس عليه وكنت كل الاختبارات اروح مواصل ما اذكر ان قد نمت قبل اختبار لكن في حاجه كانت تفيدني صراحه وبقوة وهي ان امسك 4 او 5 نماذج اختبارات احلها كامله طبعا احلها كتابه هذا النظام كنت متأقلم معاه
لكنه فاشل100% مع الطب

بس ما انصح في النظام ذى اشوف لو تذاكري اول باول والله ترتاحي واذا مثلا ما فهمتي نقطه وانتي تراجعي محاضره اليوم بامكانك تروحي اليوم الثاني للدكتور يفهمك
واهم شي انك تحلي بيدك كتابه نماذج اختبارات

[علي,ع]

بالنسبه لي قبل الاختبار باسبوع او اقل اذاكر والحمدلله هذا النظام ماشي معي وجبت درجات عاليه
وكنت اروح مواصل لكن اكون ماخذ قسط كافي من النوم قبل ما اذاكر

لكن انا اقول لكل شخص نظامه الخاص فيه طبعا يختلف النظام هذا حسب التخصص اللي راح تدخليه واذا كان الطب فحطي عليه صلييييييب لانه ماينع ابدا ابدا
موفقه