تجمع طلاب وطالبات الـit الخاص بمادة تحليل نظم,,cpit 250 (حوار طوال الترم)

[tooowwwt]

اليوم بس داومت عشان المحاضره وفي النهاية اتكنسلت يقولوا في مشاكل في مبنى الطالبات
اصلاً الجامعه اليوم كلها فيها شيء مريب جرس الحريق شغال
ويقولوا في كلية الحاسب انطفت الكهربة لفتره والنت مقطووع
يلا خير وربنا يعوض على المشوار

[mind glance]

تم تثبيت الموضوع وحذف الردود التي لا تحوي فائدة أكاديمية

وارجوا الالتزام بقوانين المنتدى واهمها:

يمنع منعا باتاً الخروج عن صلب الموضوع و جعله ساحة للمناقشات الجانبية ( chat ). وسيتم حذف الردود الخارجة عن صلب الموضوع .

وفي حال تكرار المخالفات سيتم إلغاء التثبيت

[Lelo]

السلام عليكم ورحمة الله

أشكر الاخت الغاليه على التثبيت

,,,,,,,,,

وجهة نظر

( من لا يشكر الناس لا يشكر الله )

من هذا المنطلق ومن كوننا ندعو على التعاون والتآزر

قد نحتاج إلى ان نعبر عن شكرنا وامتناننا لمن يضع شيئا ما أيا كان لمساعدتنا

فردود الشكر المحفزة للجهود لا بد منها

وبدون التشجيع لا يمكن ان يكون ناتج هذا الموضوع شيئا مثريا للغير فيما بعد

ويمكن للإدارة لاحقا (نهاية الفصل) ولها الحق في ذلك ان تمسح جميع الردود التي لن يستفيد منها اللاحقون

وتترك الردود المحتويه على الخلاصه والفائده

أتمنى ان تؤخذ ملاحظتي بسعة صدر

وأسأل الله التوفيق والاخلاص في العلم والعمل

[tooowwwt]

كمان اليوم مشواار على الفاضي نص ساعه كانت حلوه وخفيفه بس مو على قد المشوااار,,,وبعدها بريك 4 ساعات ربنا المعووض ):
بس والله الساندويتش طلع يبغالوا بناء سستم

[Lelo]

انا كنت غائبه بسبب المرض


وننتظر تفاصيل هذي المحاضرة في قسم البنات من اي بنوته تحكينا ايش اخذوا وايش عملوا

<<< خايفة اكتب اي شي ويحسب عليا شات >______________<

[tooowwwt]

المشاركة الأصلية كتبت بواسطة Lelo انا كنت غائبه بسبب المرض وننتظر تفاصيل هذي المحاضرة في قسم البنات من اي بنوته تحكينا ايش اخذوا وايش عملوا <<< خايفة اكتب اي شي ويحسب عليا شات >______________<

Lelo أول شيء سلامتك ألف سلامه
والحمد لله ترى ما فاتك شيء,,,,كان في لخبطه في التنسيق والمبنى في البداية
وبعدها ما قدر الدكتور يوفر لابتوب عشان يشرح على السلايدات كما هو مخطط له

وبعدين دردشنا شوية وهوا جالس تقريباً ما شرح شيء جديد وكلها على بعضها نص ساعه ومشينا

شبه لنا مثال بناء السستم بــ ببناء ساندوتش ,,,,وأيضاً الأسبوع دا مافي لاب

ان شاء الله راح نبدأ مضبوط على المحاضره الجيه لا تفوتك

[tooowwwt]

والله إلي بيصير مو طبيعي أبداً
يعني بالله ما عندي غير هذه الماده وبعدها بريــــــــــــــــــــــــــــــــــــــــك ألمن الساعه 2 ونص
أصحى وأضرب مشوار وكمان مع شوية غباء أنسى وأروح على مبنى الكلية بعدين أفتكر وأرجع أروح على مبنى 75 وزحمة سيارات ومافي مواقف وعالم ما تعرف تسوق وترفع الضغط وفي الناهية أصير متأخر وأوقف في آخر الدنيا وأضربها جري على المبنى
ولمن أدخل وأنا بأناهج من الجري إلي جريته أحصل الطلاب خارجين يقولوا ما حضر الدكتور

يعني أتكنسلت المحاضره <<<مني متأكد للمره الكم نضرب مشوار على الفاضي

اليوم عصبت بطريقة وانقهرت على المشوار لكن حسبي الله ونعم الوكيل...
بس شكله أكيد الدكتور حصله ظرف طارئ ربنا يعينه

لكن المفروض يكون في تبليغ بالإيميلات أو يكون في طالب مسؤول عن تبليغ الباقين يعني يكون على صله مع الدكتور. في كم دكتور يستخدموا هذه الطرق

هيا شكلها الدراسة مع البنات نحس<<<<حانضرب,,,ترى أمزح لحد يزعل

[.: نبراس :.]

السلام عليكم و رحمة الله و بركاته

مرره شكرا يا ليلو على الموضوع ,, منجد كتير نحتاج اننا نتواصل مع زملائنا الطلبه

بس يارب يكونوا متعاونين معانا عشان لا نحقد عليهم زي دفعة دكتور محمد خميس

يا أخ تووت << مو عارفه اقرأ الاسم

ترا حتى نحن نجري تحت الشمس و الحر

و نتسابق عشان نقعد في الكراسي الاولى الي قدام الشاشه

يعني برضوا بهدله و تعب و في الاخير ما جاء الدكتور

يارب يكون سبب غيابه خير

أبغ أستفسر اذا سمحت عن المحاضره الي كانت الشبكه فيها خربانه

قالكم الدكتور عن اسم الكتاب الي حندرس فيه ؟؟

او عندكم معلومه من الدفعات الي قبلنا عن اسم الكتاب او حتى اذا كنا حنعتمد في دراستنا على الكتاب ولا سلايدات ؟؟ ,, ياما اشترينا كتب و لا فتحناها

ياريت لو تقدروا توصلوا لمكتب الدكتور تسألوه عن اسم الكتاب عشان ندور عليه في الشقري

و شكرا مقدما

موفقين

[اميرررة الورود]

السلام عليكم

انا حبيت افيدكم في الي اعرفه عن الماده
الاستاذ ماجد انسان رائع بمعنى الكلمة
والماده معاه سهله وبسيطة ويوصل المعلومه باسهل طريقة ماشاء الله عليه
وترى على فكره محاضراته دائما تتكنسل بس احيانا كان يقول في المحاضره الي قبل واحيانا يرسل مسج على الجوال لانو استئذن ياخذ رقم وحده من البنات

درسنا معاه من كتاب وملزمه بس نحن الوقت ماكفانا ناخذ كل المنهج فاخذنا من الكتاب جزء بسيط ماكان له داعي نشتريه
بس انتو اسئلوه اذا حتاخذو جزء كبير من الكتاب او لا

الله يوفقكم

[حبوب الحبوب]

ودي اضيف شي انا اليوم كنت بالصدفة الصباح في مستشفى عرفان ولمحت الدكتور ماجد في المستشفى وكان واضح عليه الأرهاق
ولما رجعت الكلية سالت عنه عرفت انه والده تعبان

ان شاء الله ما يشوف شر والله يشفي والده