تجمع طالبات المستوى الخامس شروحات واستفسارات ماقبل الدورة التأهيلية

[ام حمدان]

ويفتح عليك ياعسل
هي ماتحدد لكم شي في الاختبار تقولك ترجمي وبس
لكن هذا النوع هو الي الكل يستخدمه في المجالات الاكاديميه حتى يضمنوا عدم خروجهم عن مضمون النص
واكيد بتقولكم هالكلام في الدورة
موفقين

[s.w]

يسعدكم ربي بس وييين البنات انا مررررة مشغولة الفترة هذي عشان كذا ماادخل كثير ولسا مامسكت الكتب بس باذن الله اذا مسكتها اجي هنا ونحاول نفهم مع بعض بس ياريت البناااات يتفاعلو اكثر معقولة مافي احد مستوى خامس غير ملاك؟؟؟؟؟؟؟

[الملاك الأبيض]

المشاركة الأصلية كتبت بواسطة s.w يسعدكم ربي بس وييين البنات انا مررررة مشغولة الفترة هذي عشان كذا ماادخل كثير ولسا مامسكت الكتب بس باذن الله اذا مسكتها اجي هنا ونحاول نفهم مع بعض بس ياريت البناااات يتفاعلو اكثر معقولة مافي احد مستوى خامس غير ملاك؟؟؟؟؟؟؟

البنات نااايمين هههه طلبوا مني افتح تجمع واختفوا بس مافي مشاكل مادام في استفادة وام حمدان الله يسعدها ماقصرت هي الوحيدة الي تعطيني وجه وتررد ولا كان فشلة ههههههه

يلا s.w. ترى انا انتظرك هنا ماني رايحة مكان ههه ربي يسهل امورك يارب

[the elegant]

يسسعد مسآءكم جميعاً

ملوكه وأم حمدان فديتكم والله
وي رب يجعلها في ميزآن حسناتك

ملوكه ربي يسعدك لسسه ماأخذت الكتب
ودخلت اليوم أبغآ أحد يحمسني ولقيتك
بإذن الله بس أجيب الكتب لي رجعه
ودآئما ملآك سبآقه للخيـر ربي يوفقك ويوفق أم حمدآن للخيـر ي رب

[الملاك الأبيض]

هلا عزيزتي ايليقنت نورتي التجمع واهلا فيك باي وقت بجد نفسي البنات يدخلو المنتدى حتى نحمس بعض

ليسا دوبني افتح كتاب الادب وقريت اول قصة ومافهمت شي بصراحة ماادري الرجل والحرمة ايش يبغون بس جالسين يشربون ويتكلموا اشياء فاضية ويقولها لاتعملي لو ماتبغي وهي تقول له الا ابغى اعمله .. وانا اقول في نفسي طب ايش هو الي تبغى تعمله ومايبغاها تعمله ؟؟؟؟>>لو فهمتوا علي فهموني هههههههههه بجد اول قصة لحسة مخ بصراحة
وبعدين خلصت القصة لقيت الصفحة الي انتهت فيها القصة 109 وكان فيها اسئلة وشرح عن القصة وبعدين الصفحة الي وراها نطت الى 213 وقصة جديدة خاالص وانا صرت اناظر كذا واقول
what hill is going on with this freak book ????

في احد مثل كتابي يابنات بليز طمنوني عشان لو كان فيه غلط اقدر ابدله او اشتري النسخة الصحيحة علما باني شريته من مكتبة الاصلاح بجد حاسة نفسي حايسة واقول لنفسي انا ايش دخلني هذا القسم بس

[SARO0O]

مرحبا يااحلى صبايا

اعذروني عالتأخخير

المهم صبايا انا ابغى اشتري الكتب عشان اقدر اساعد في التجمع

بس ماابغى الكتب مصورة ابغى الاصلية وين القاها
وهل ممكن القاها في الخوارزم وسط الجامعه

انتظر ردكم

يسلمو ملووكة عالتجمع

سرو ...

[الملاك الأبيض]

هلا سرو منوررة واهللييين فيك ياقمر

امم بالنسبة للكتب انا اعرف انها موجودة النسخ الاصلية داخل خوارزم تبع الجامعه نفسها

بس ماعندي فكرة لو كانت موجودة في خوارزم الي في شارع الجامعه الي قبال كلية الهندسة ولا لا

على العموم اتصلي قبل لاتروحي لهم

خوارزم العلميه 6817090- 6817037


حي الجامعة – شارع عبد الله السليماني-مقابل كلية الهندسة
www.khawarizm.com


موفقة يارب

[pop corn]

هاي صبايا

أنا كمان لسا ماشتريت الكتب
بس بإذن الله أول ما اشتريها واعرف اش فيها أجيكم على هنا

شكرا ملوكه على التجمع

[SARO0O]

مرحبا ياحلوين

ايه انا ابغى اللي داخل الجامعه مشكورة ملووكه

بنات وحشتوني ويبغالنا نسوي تجمعات منفصلة لكل ماده تخص مستوانا ونحط لها رابط داخل هالتجمع عشان نبغى تركيز في ماده مو كذا زي مادة الترجمه سؤال هنا وسؤال في الصفحه اللي بعدها وتشتيت وكذا
فاافضل تجمعات منفصله ولا شو رايك ملووكه
لما اتفقنا انا وانتي يا ملوكة هذا اللي في بالي بس مدري عن رايكم
يسير الاسئله العامه زي السؤال عن الكتب واي شي عام هنا اما اللي يخص نففس االمادة وطريقة الاسئله وكذا تكون في التجمع الخاص بالمادة نفسها

هذا رايي وشوفو اذا يناسبكم يسير نبدأ بالتجمعات

سرو ...

[الملاك الأبيض]

يب ياسرو هذا الي مفروض يصير لانو بجد تشتيت لو نبغى ندور على كل معلومة بصفحة راح نتعب

فالافضل نبدا بعمل تجمع لكل مادة على حدة وفيها نسال بعض ونجاوب بعض وننزل روابط وملفات ...الخ
وانا افضل انو انت تبدي التجمعات هذي وانا بتلاقيني اول المشاركين وياليت تبدي بتجمع لمادة الادب لانو منهجها يبغالو كررف مضبوط . في انتظارك