فكره اتت على البال

[روقان]

اتوقع اني اشغلتكم بس لازم تعذروني لان هذي السنه الاولى بالجامعه وثاني شيء كل الكلام اللي قلتـه كان شاغلني

وحبيت افضفض لكم كل اللي ببالي وشكرا على تعاونكم

[ReeM..M]

المشاركة الأصلية كتبت بواسطة روقان شوفوا كل كلامكم ع العين والرأس بس ابغاكم تكونون محلي تخيلو انكم جايبين في الثانويه نسبـه 96.88 وشادين حيلكم وودكم في تخصص الا شوووي يحطمونكم باختبار القدرات ثم اختبار التحصيلي حتى شروط البعثه تعجيزيه طبعا ما بيدنا حيلـه الا اننا نقدم على الجامعه نلحق انفسنا الا نلقى الجامعه سنه تحضيريه كانها رابع ثانويه يعني بالعربي شهاده الثانويه بلها واشرب مويـتها

كلامك كلووو صح
انا مره أأيدك
السنه التحضريه حطمتني

عزبونا شدة حيل في التنوي
بعدين قدرات
<<< الاخت دي دخلت القدررات وماتدري انو نسبتو اللي تدخل الجامعه كانت تحسبو بس كدا
ربنا ستر وحليت وجبت نسبه كويسه
بس انقهررررت من التحضيري
كنت ابغى ادرس على طول اللي ابغا
بالنسبه لي انو نسوي مظاهرات وكداااااا
مرررررررره مافي امل يوقفوها حنكون مع نفسنا

وشكرا على الموضوع دا

[أحلى جوجو]

واللهي خلاص ايش راح نسوي

هما كل سنه يطلعو شي جديد مشي حالك حالك يمشي :)

[روقان]

اتوقع ان كثير من الامال بتتحطم من السنه التحضيريه لما تخلص

والله يكون بعوننا يا المتحطمين

[مايلي]

فعلا انا مقهوره من السنه التحضيريه يعني يايطبقوها على كل الجامعات يابلاش منها ولانها سارت في عبد العزيز
خلق الله كلها انكتت على ام القرى ونسبهم 97 موزون ماخلولنا فرصه ندخل الطب
وعاد النظام عندنا زفت مايدخلونك اي قسم ماكتبتيه في الورقه وم قفلو الطب خلونا ملطوعين والي اقل مننا انقبلو لانهم كاتبين قسم تاني في الورقه واقل مني بعشر نسب تصدقون بالله شي من جد يقهر

[روقان]

ما يلي تصدقي قدمت على ام القرى من النت وانقبلت وحددو معاي مقابله شخصيـه وكنت بروح بس فكرت قلت مشوار


مكه ثاني شيء اخوي اللي اكبر مني نصحني وقال ابعد عن ام القرى وطبعا انا شطور وسمعت الكلام

[مايلي]

كم الموزون حقك عشان اقلك اذا كان عندك امل فيها ولا لا

[روقان]

اقولك قدمت وانقبلت بالطب قبول مبدئي وحددو معاي مقابله شخصيه وما رحت < كسل مني كان وثاني شيء سمعت نصيحه اخوي وبصراحه ما ادري احس بتآنيب ضمير وراح اقولك درجاتي وانتي احسبي النسبه (( 76 قدرات 68 تحصيلي 96.88 ثانويه )) << احسبي النسبه الموزونـه وزودي من عندك اذا انتي كريمه

[soma al7elwa]

حتى انا قدمت على ام القرى

بس كانت المقابلة الشخصية في نفس يوم تقديم الاوراق بعزوز

وغير كدا كنت شايلة هم انو مشوار ولا اعيش بسكن اروح الجمعه الليل وارجع الربوع

واستخرت ربنا وقلت عزوز

اصلا انا قدمت على كل الجامعات اللي في المملكة

اهلية وحكومية

والحمدلله جا نصيبي في عزوز

وللمعلومية

ترى عزوز احسن جامعه حكومية للبنات في المملكة بعد جامعه الملك سعود

والاقبال عليها شديد

وناس تسو ى وناس ما تسوى

وصار البكالوريوس زي الثانوية

ماله قيمة لانو كل الناس معاها

فشددوا الاجراءات عشان يعرفوا يدرسوا مين واللي يتخرج منها ويكون جامعي يستاهل انو يتقال عنو جامعي

عموما

دي وجهة نظر

ممكن تكون صح وممكن تكون غلط

وزي ما قالوا الحبايب اللي قبلي

السنة التحضيرية اتحطت عشان لاسئلة في الثانوية العامة صارت من المدرسة

واللي في الاهلية وجايبين 100% يا مكترهم

صح ولا لا؟

بس الاهم التأسيس

لانو حسب ما سمعت الرياضيات كلو مبني على منهج تالت

يعني السنة التحضيرية دي زي المنخل

تبين اللي يستاهل انو يكمل دراسة ويصير انسان جامعي او لا

صح ولا انا غلطانة؟؟

[مايلي]

81.95
احمد ربك مارحت قفلو الطب على 86 وانا 84.77 ماانقبلت التحصيلي 80 والقدرات 73