رجااااء لازم نتعاون :(

[BUTTERFLY.2009]

السلام عليكم ورحمة الله وبركاته
كيف حالكم > طبعا انا عافة انه الكل متوتر وخايف
بس رجاء لازم نتعاون ونساعد بعض ما لينا غير بعض الله يسعد الجميع
دحين انا ما حضرت الاختبار حق التصميم الداخلي عشان انا من اهل المدينة
اللي راحوا ايش صار معاهم ؟؟؟ ايش قالولهم بالتفصيل الله يخليكم
وانا سمعت انو في ورقة تعبية بيانات ينفع اروح السبت اعبيها ولا متى
لازم نصير يد وحدا زي كل الاقسام
والله يطمن و يوفق الجميع

[إبتسآمه أمل]

وعليكم السلام ورحمة الله وبركاته

اهلين اختي

كلامك 100٪

ويد الله مع الجماعة

انا اليوم رحت والاختبار اتأجل ليوم الاحد الساعة 8

واي فيه ورقة عبيناها اللي هي اختيار الاقسام

احنا رتبنا الاقسام عن طريق الاودس بس اليوم الاستاذه قالت لا اختيارها يدوي من هنا

الورقة طالبين منك "اسمك، رقمك الجامعي، رقم جوالك، مسارك، معدلك ونسبتك الموزونة، ترتيب الرغبات"

والاختبار ما راح عليك بس لو تقدرين تروحين الجامعة قريب يكون احسن

لانهم كانوا يقولون حنوقف عند عدد معين

وطلبات الاختبار اعتقد عارفاها "قلم رصاص hp، مسطرة 30 سم، براية، مساحة، الوان خشبية"

وبس

اتمنى اكون افدتك واي استفسار انا جاهزه باذن الله

^^

[BUTTERFLY.2009]

الله يسعد قلبك يارب (( ابتسامة امل ))
بس ايش افضل اروح بكر اعبيها ولا السبت ممكن
لانه انا من اهل المدينة صعب انزا بكرا بس خلاص الجمعة نازلة ان شاء الله
واسسفة تعبتك معايا حبيبي

[إبتسآمه أمل]

واياك يارب

لا عادي احنا اخوات ومثل ما قلتي لازم نتعاون مثل باقي الاقسام

والله انتي زي ما قلتي بانك من اهل المدينة وصعب تنزلين وكذا

بس بنفس الوقت اخاف اقولك خليها السبت ويكون وقفوا عند عدد معين التصميم الداخلي

وبصراحه من بداية اليوم كانوا يقولون ما بنقدر ناخذكم كلكم بنوقف عند عدد معين وما وقفوا واخذونا كلنا

يعني ما اعرف اذا سالفة عدد معين من جد ولا هم حاطينها من راسهم

شوفي ظروفك واللي يتيسر لك اكيد ربي اختاره لك وفيه الخير باذن الله

بالتوفيق

^^

[BUTTERFLY.2009]

طيب حبيبتي الله يوفقك يارب

[[] JoJo []]

طيب انا كنت افكر اسجل تصميم داخلي و قالوا لي ان الرسم والفنون اهون
و انا اساسا بحول و برفع معدلي

و الخميس انزل جده
اقدر السبت اسجل رسم و فنون .؟؟

و تنصحيني فيه و الا ابقى على التصميم الداخلي .؟

[7abeeba]

انا تصميم داخلي وكتير من صحباتي حولو للرسم بعد ما درسوا ترم واحد من شدة الضغط
ودامك ناوية تحولي خدي الاسهل احسن لك ولا تتعبي نفسك مع التصميم الداخلي
بالتوفيق لك يارب

[إبتسآمه أمل]

مثل ما قالت حبيبة

يعني لما كنت هناك الاستاذات قالوا

التصميم الداخلي ضغط وعمل ميداني كل وحدة تشوف ضروفها

وتحسب حساب بان وظيفتها بتكون بالميدان وساحة العمل يعني اغلب شغلها حيكون مع المهندسين وكذا

وقالت الرسم اخف وكمان بامكان الوحده تاخذ فيه ماجستير ودكتوراه وكذا

وتقول له مستقبل

بس بما انك تبين تحولين يعني ادخلي الرسم وحاولي ترفعين معدلك

بالتوفيق يارب

^^