صحة فرد ومهارات تفكير النجدة بليز

[طالبة مااااث]

السلام عليكم ورحمة الله وبركاته

أبغى أسأل الحلوين اللي درسوا تنمية مهارات تفكير is101 وصحة فرد chs231 كيف المادتين حلوة
وحشة
تدوخ
تحول

وبالنسبة لرذاذ سلطان في صحة فرد كيف أسلوبها وشرحها وأسئلتها ؟؟؟

ومشكورين

[araweta]

هلا بك أختي

مافي شعبة صحة فرد تعطيها استاذة رذاذ .. هي 3 شعب وحدة لنداء جمبي و2 لـ هدى جلال عبد الوهاب ..

وانا ما عندي فكرة عن دولا الاستاذة ان شا الله البنات يفيدوكي :)

[طالبة مااااث]

يعطيك العافية
نبهتيني قصدي هدى عبدالوهاب أو نداء جمبي

[neaty]

بالنسبه لمهارات التفكير درستها الترم اللي فات دسممه وطويله بس اذا زاكرتي اول بأول تمشي

[تخصص 13]

في صحة فرد احسلك تاخذيها مع استاذه هدى لانها مره تراعي في التاخير والنشاط واختباراتها اسهل لكن بما ان اختبار النهائي موحد فمره كان صعب
والماده نفسها كانت ممتعه في دراستها لكن تحسيها دسمه لمن تذاكريها للإختبار بالذات النهائي

اما ماده المهارات ما اعرف عنها شي لاني مادرستها لسع

[rnd]

و عليكم السلام و رحمة الله وبركاته


انا أخذت المادتين ظن واحس انه الثنتين بترم واحد صعبه ..

لان المادتين دسمتين ويبغالهم حفظ و تركيز ..

مو لصعوبتها ، لكن عشانها دسمة و معلومات كتيييير تصيري تلخبطي فيها ..

اخذت صحة فرد مع نداء جمبي : الترم اللي راح بصراحه مرة ذوق في التعامل و

تراعي برضو كمان عكس كلام البنات اللي سألتهم عنها و خوفوني منها و أسألتها عاديه برضو يعني لاهي صعبة ولا سهله..

محاضراتها بعضها تعطينا هيه بورق لكن هدى ساعات تقولك دوري عن المحاضرة من النت و ذاكري !


و مهارات تفكير : عند امل خلاف : دكتورة مصرية طيوبه .. بس تجيب النووووووم لانه صوتها ناعم ظن و اصلا الماده كلها كلام و رغي ..!!

ان شاء الله اكون افدتك ..

بالتوفيق يارب ..

[طالبة مااااث]

مشكورة rnd يعطيك العافية بس من جد نداء كويسة ؟؟ طيب ليه هالكلام عنها ابعدي عنها وووو...
عالعموم جزاك الله خير

[Roa'a]

ترى مهارات خذفوا نص الماده وصغروا الكتاب
والماده مرررررررررررررررررررررررررررررررررررره سهله
والدرجات فيها على كلام الاستاذه 90% a+
ترى الماده حلوه وانا اخدت بدايتها بس بعدين سحبت كلامها مره سهل وبسيط وينحفظ بسرعه
اما صحة فرد فأنا ما اخدتها بس على كلام البنات انها تذاكريها وتشوفيها سهله بس الاختبارات فيها
ماتعرفي من فين جابوا الاسئله :(


=)

[ساكنه في بيتنا]

المشاركة الأصلية كتبت بواسطة طالبة مااااث مشكورة rnd يعطيك العافية بس من جد نداء كويسة ؟؟ طيب ليه هالكلام عنها ابعدي عنها وووو... عالعموم جزاك الله خير

من جد من جد نداء مرررره كويسه تفهمك الماده مزبووووط و تخرجي من المحاضره و انتي فاهمه مررره كويس و تحسسك بأهمية العلم اللي تاخديه

و تحترمك كطالبه و تجاوبك اذا عندك اي سؤال و تعاملك معامله جدااا راقيه و تشجعك لو كان عندك طموح ..


وكل ما شافتك مهتمه و مجتهده معاها تكبري في عينها اكتر ..


بس اللهم اسئلتها شويييتيييين يبغالها تركيز و فهم و تحسي ما تدري من فين جابتها << يحقها دام تشرح من قلبها ..

كتيييييييييير بينات ما يحبوها و يعبروا انها ظالمهو ما تراعي و وووو << انا اشوف انو دولا يا اما كانوا مهتمين ولا ما كانوا يحضروا المحاضرات ..

بس بجد تعاملها حلو ..