نماذج مراجعة

[بنت شيوخ>>جده]

يا استاذي الفاضل هده السؤال يوجه للأستاذه نفسها لانو احنا الطابات ايضا نجهل الاجابه ؟؟واكمان احنا قسم الطالبات على حسب الاستاذه والله في اساتذه لانعلم ليه يصعبوا الاسئله ويبغونا نكون غرب مو عرب عذرا احنا ما درسنا برى زيهم حتى نكون كاملين في كل شي؟؟ وبعضهم زي العسل والحمدالله الين دحين اساتذتي قمه في كل شي خصوصا استاذه الاء المحمدي ودكتوره مآثر الراوي و ودكتوره امل شعيب واستاذه هيفاء الروقي نذاكر كويس ننجح ما نذاكر طبعا نرسب وكمان احسهم يراعون مصلحة الطالب يبغونه ينجح مو يرسبوه وكمان يرفعوا معنوياته مو من اول محاضره تحبيط؟؟ويطردوه من القسم ؟؟ اسئله على حسب المذاكره مو تعجيزيه؟؟ بإستثناء الرايتنغ والتفرقه العنصريه بين الطلاب والطالبات طبعا الله يعييين

[Jasmine Al-Qahtani]

المشاركة الأصلية كتبت بواسطة بنت شيوخ>>جده وبعضهم زي العسل والحمدالله الين دحين اساتذتي قمه في كل شي خصوصا استاذه الاء المحمدي ودكتوره مآثر الراوي و ودكتوره امل شعيب واستاذه هيفاء الروقي نذاكر كويس ننجح ما نذاكر طبعا نرسب وكمان احسهم يراعون مصلحة الطالب يبغونه ينجح مو يرسبوه وكمان يرفعوا معنوياته مو من اول محاضره تحبيط؟؟

صادقة عزيزتي انا درست مادة مع الدكتورة مآثر ومادتين مع الاستاذة الآء المحمدي الله يعطيهم العافية والله انهم اخلاق وهمة عاليه في التدريس كلهم نشاط ويشرحو بنفس مو كأنو مفروض عليهم التدريس والا مغصوبين عليه وتشجيع يحببوك في اللغة مو يعجزوك ويحسسونك عمرك مابتتعلمين

ما انسى اول ترم متفاءلين وفرحانين بالقسم ونلاقي التحطيم من كل جانب حسبي الله ونعم الوكيل ما انسى استاذة الله يسامحها كانت كل كلاس تقولنا حولو ماتقدرو تمشو في القسم ومن هذا التحبيط


المعذرة دكتور اذا كنت خرجت عن الموضوع .. بس حبيت اعلّق على كلام عزيزتي
وكلمة الحق تنقال مو كل القسم استاذات دراكولا
مثل مافيه الطيبه فيه الغير ذلك

وشكرا