جداول الإنتساب الترم الرابع ( إستفسار).

[mobarak0911]

لمن لديه عصا موسى وخاتم سليمان في فك طلاسم الجامعه
الحين الجدول ( حسب الإستبانه- من الأودس)
قراءه 2- 3 ساعات
إستماع 2- 3 ساعات
إسلاميه 3- 2 ساعات
مناهج البحث - 3 ساعات
الكتابه 1- 3 ساعات (بديل - سيحذف من الجدول)
الفرنسيه 1- 3 ساعات ( لم ترصد الدرجه - ناجح إن شاء الله)
بعد حذف الفرنسيه والبديل يبقى 11 ساعه.
سؤالي:
هل أقدر أضيف الكتابه 2 أو يجب إجتياز الكتابه 1 كمتطلب؟
وش المواد اللي أقدر أضيفها ليكون عندي 17 أو 18 ساعه؟
لأنه هبال صراحة أضيع ترم على 11 ساعه.
أرجو إفادتي وشكرا لكم.

[ام حمدان]

ماانصحك تآخذ كتابه 2 وانت ماخلصت كتابه 1
ركز علي كتابه 1 وانجح فيها والترم القادم إن شاء الله ضيف كتابه 2

ولا تستهون بموادك كلها تحتاج مجهود غريبه منزلين لك مناهج بحث مع ان كتابه 2 متطلب لها ؟
عموما
الي تقدر تضيفه

عربي 201 لو كنت مااخذته من قبل + مبادئ اداره عامه او ماده حره

ويصير جدولك 17 ساعه

بالتوفيق

[mobarak0911]

يسعد صباحك أم حمدان وأشكرك
مناهج البحث ممكن فكره بسيطه عنها الله يعافيك؟

[ام حمدان]

والله للان مادرستها وافكر اخذها الترم هذا إن شاء الله (لسى مو اكيد)

هي ماده دسمه حبتين يعني تتكلم على مافهمت من الي اخذوها عن خطوات البحث وطرق التوثيق يعني من هالقبيل
وعندنا في شطر الطالبات لازم تكون الطالبه انهت الرايتنق1و2 +مقدمة في الادب عشان تقدر تدرس هالماده لانه يوجد فيها بحث ادبي عليه 30 درجه لطالبات الانتساب
بينما الطلاب ماعندهم بحث مثلنا ومطلوب منهم فقط مذاكره منهج الماده
تقدر تتطلع على ملخصات الماده وكل شي عنها في قسم الملخصات هنا وتآخذ فكره اوضح عنها
رمز الماده 331
http://www.skaau.com/vb/showthread.php?t=32443

بالتوفيق

[ابو الاء]

مبارك
جدولي نفس جدولك
انا راح احذف الكتابة واحد اختبار بديل
وراح انزل فرنسي 2 ( ان شاء الله تعالى )
يصير جدولي 14 ساعة

بس لا تنسى بالحسبة الطبيعية 17 ساعة لان الكتابة 1 راح تختبرها بس ماهي في الجدول

ومناهج البحث سألت في المنتدى الزملاء قالوا سهله توكل على الله وخذها
والله اني محتار

عموما بيصير جدولي كالتالي

ثقافة 301
ريدنق 2
لسننق 2
فرنسي 2 ( ان شاء الله )
مناهج بحث

[mobarak0911]

هلابك أبو آلاء
من شوي قريت عن الماده يسسسسسسسسسسسرعه أشوفها مقبوله جداً
لكن اللي أبيه
قول خل أنزل الفرنسيه 2
والبديل موب محسوب
وعلى قولة أم حمدان إداره عامه مثلا كذا 17 ساعه زي اللوز
وش رايك؟؟؟؟؟؟؟

[ابو الاء]

اولا
من رايي نترك الادارة العامة والمواد الحرة للاترام القادمة ان شاء الله ( علشان نحلي بها )
ثانيا
تقول الجدول مع الادارة العامة بيصير 17 ساعة
ولكنه فعليا 20 ساعة لانك راح تذاكر الكتابة معهم
فكذا الجدول مضغوووووووط جدا جدا


انا اشوف ان 14 ساعة مع الكتابة اختبار بديل ( الجدول متوازن )

[mobarak0911]

هههههههههه
حلوه تحلي حسيت إنك قايم من الغداء
أخوي
الرايتنق سبق وذاكرناها طيب
ولما الترم هذا 14 واللي بعده 11 وعلى
كذا متى تبي تسمع مبروك التخرج وتشتري ملف علاقي (أخضر) للماستر
مدري وجهة نظر لكن جامعتنا الحبيبه ماني شايف فيها تحليه
عموما الله يوفقك أبو آلاء

[ابو الاء]

انا اللي رافع ضغطي هالفرنسي ليه ما تنزل درجاته

عموما من هنا الى العصر اذا مانزلت الدرجات
الله يحييك مبارك على العشاء الليلة
بسوي احتفال بمرور شهر على اختبار الفرنسي
تذكر اختبارنا كان 16-2 واليوم 16-3

[mobarak0911]

الله يسعدك يابو آلاء والله إني ضحكت
بعدين وسع صدرك وأنا أخوك الدنيا فانيه
نزل اليوم بكره كلو يمشي
بس والله ضحكت من سالفة الإحتفال وش رايك نسوي تمثال بعد تخليدا لذكراه
الله يسعدك الله يسعدك الله يسعدك