دكتور سليمان ال شيخ ومنال ....

[كرزه]

سلاااااااااااااااااااااام عليكم
ابغى انفر بجلدي من البدايه قبل لا اتوووهق
حبيت اعرف اكثر عن دكتووره منال احد سمع عنها من قبل /شنو جنسيتها / كييف اسلوبها
لأن حتدرسني مادتين ..
وكمان دكتور سليمان ال شيخ كيف اسلوبه وكيفه مع البوونس << هذا اللي فالحين بيه

وشووووووووووكرا مقدما
اللي يعرف لا يبخل علينا

[mind glance]

ايش المواد اللي حتدرسيها مع دكتورة منال؟

[Nosa]

وعليكم السلام ورحمة الله وبركاته

ما ادري ازا قصدك على د. منال عبدالعزيز ولا دي وحدة جديدة كمان :s
ازا هيا .. فاخدت عندها مادتين (داتا بيس وكومبايلر)
الدكتورة مصرية .. في نفس الغرفة مع د. زينب :)
مررررة فاااهمة ما شاء الله وشرحها حلووو بس لازززم تركزي معاها وتكتبي نووتز لانها ما تكتب كل شي
والمذاكرة بتكون من المحاضرات فلازم تهتمي بيها :)
بس في التصحيح .. دقييييييييييييييييقة لابعد درجة والدرجات تطييير بدون ما تحسي لو ما ركزتي
بس برضو سهل الواحد ياخد معاها a+ باذن الله :)

ما اعرف احد غيرها يعطي دي المادتين اصلا .. في كل الاحوال يعني ما في مفر


وطمنيني اش عملتي في هياكل؟ << ان شاء الله ما اكون ملخبطة في العنوان :)

[CS وبس]

^
^
^

نفس السؤال

بس كيف عرفتي إنها حتدرسك ؟؟

إللي أعرفه إنهم ما نزلوا أسماء الأستاذات !!

[Silent Hill]

سليمان ال شيخ

هذا موجود بالكليه اول مرا اسمع به..

[كرزه]

هياكل نجحت فيها ولله الحمد
اما سليمان يقولوا يدرسنا بزنس والله اعلم << اذا هذا اسمه
اما اساتذة المواد فرحنا الجامعه وسألنا
بالنسبه لدكتوره منال تدرسنا قواعد بياات ومبادئ شبكات

[red flower]

^

شبكات تدرسها منال ؟؟؟

يقولوا د. اعتماد تدرسها ؟؟


ياريت تكون منال
مررره تجنن دي الانسانه
برغم انها فعلا دقيقه في التصحيح زي ماقالت نوسا
بس شرحها روعه

[eih]

الدكتورة زمان كانت بتدرس شبكات بس بعد ماجات الدكتوره اعتماد سارت هيا اللي ماسكه شبكات

[Nosa]

7

زماااان زماااان

لانه قبل د. اعتماد كانت د. ليلى
وافتكر اول ما اخدنا معاها داتا بيس قالت انه اصلا تخصصها شبكات

بس غريبة .. د. اعتماد اش حتمسك اجل

وصراحة ما اتخيل د. منال تمسك شبكات -_-

على العموم ربي يسهلكم

[mind glance]

دكتورة منال طيبة
وزي ما قالت نوسا عنها بالضبط كدة
اكتبي معاها نوتز في المحاضرات...كل شي تقوله حتى لو ما كنتي فاهمته
لما تذاكري حتفهمي

بالنسبة لقواعد البيانات
اول المحاضرات كلها كلام نظري...ومحا تكتب على السبورة
فاكتبي معاها التعاريف كللللها...لأنه الدوري الاول كله "عرفي"
وفي هنا في المنتدى في قسم الملخصات موضوع فيه التعاريف اللي تفيدك ان شاء الله اذا ما لحقتي تكتبي معاها

بالنسبة للشبكات...ما اعرف كيف حيكون نظامها

عموماً...حتبدأ اكيد من اول اسبوع بس مقدمة...لكنها تحسب الحضور والغياب
وانصحك من دحين لا تتأخري على المحاضرات ولا دقيقة
لأنها ما تسمح لأي احد مين ما كان يدخل بعدها...سواء بدري او متأخر محد يدخل بعدها
واذا مضطرة تتأخري على المحاضرة كلميها من بدري<< عملتها مرة وسمحتلي ادخل متأخر البنات انفجعوا من جراءتي داخلة متأخرة :02:

والله يوفقك يارب