استفسار عن مادة حرة من قسمكم !

[Queenito]

السلام عليكم
كيييف حالكم =)

ابغا اسالكم عن مادة الفرنسي " مادة حرة "

كيف اختباراتها اختياري او تحريري
ومدى صعوبتها
ودسامة المنهج

و نصايحكم ! ^____^
وشكرا مقدما

[JokeR7]

عليكم السلام

المادة فيها أربع دروس(دسمة نوعا ما )

لكن دكاترة المادة مضطرين "يمطون" المنهج إلى آخر الترم

الأسئلة إختيارية و ليس بيدهم أن يضعوها مقالية و لكن إسألي للإستفادة أكثر بالنسبة للأسئلة

المادة حلوة و مفيدة جدا (لكن حطي في بالك أن اللي ياخذها ما حيطلع بلبل و لكن عنده فكرة جدا كويسة عن الفرنسي)

لست مطالبة بالنطق بل فقط بالكتابة

لكن لما كنت أدرسها كانت ثلاثة أرباع أسئلة الطلاب في المحاضرة عن النطق كيف تنطق الكلمة الفلانية و كيذا يعني ,,

أهم شيء في الموضوع كله اختاريها عند دكتورة مضبوووطة مو عند وحدها سمعتها مش طيبة بين الطالبات(من ناحية الشرح و الدرجات فقط عشان محد يفهم غلط) و لا حتى دكتورة نص نص ..


موفقين...

[المحزوون]

الله لا يعســــــــــــرنا

[Queenito]

مررة شكررا لك خيوو

بتمنا من البنات بيقولوا لي الدكاترة الكويسين و ايش الشعب الي نزلت في الصيف

[mohshehri]

بالتوفيق لك بس اطلعي على المنهج قبل تاخذينها مع العلم ان اغلبها حفظ , ولا تسوين شي لين تتاكدين

[Brilliant Shores]

.


هلا والله كوينتو ..~


شوفي ياعسسل :) المنهج يعتمد بشكل كبير على الحفظ أنصحك فيها إذا انك تحفظي وعندك خلفية ممتازة في الانجليش

وبالنسبة للاستاذات انا اخذتها مع أ/ هيام اعتقد (الترم الماضي ماكانت موجودة لو لقيتيها في الصيف نزلي معاها)

تجيب لك الاسئلة نفس اللي في الكتاب وجزء من الاختبار يكون شفوي ~>بيركزوا كثييير على النطق أكثر من الكتابة

بيني وبينك إذا تبغي تحافظي على معدلك نزلي مادة ثانية أسهل تاخذي فيها a+.. الفرنسي ممتع بس كـ دراسة أحس

يبغى له حفظ وتتغلبي معاه

.
.

الله يوفقك وييسر لك ,,

[Queenito]

هممممممممممممم مرررة مترددة
>,>
ودا الي جا فبالي انو اخد مادة ترفع معدلي
بس انا بحب الفرنسي و كانت عندي خلفية بسيطة عنو
قلت امكن استمتع بالمادة <<< اهم نقطة
انو ابغا مادة ممتعة و استفيد منها
و كمان سهلة اجيب فيها درجة عالية

طيب كيف اقدر اطلع ع المنهج
موجود الكتاب pdf ?!?

[ngham]

المشاركة الأصلية كتبت بواسطة queenito هممممممممممممم مرررة مترددة >,> ودا الي جا فبالي انو اخد مادة ترفع معدلي بس انا بحب الفرنسي و كانت عندي خلفية بسيطة عنو قلت امكن استمتع بالمادة <<< اهم نقطة انو ابغا مادة ممتعة و استفيد منها و كمان سهلة اجيب فيها درجة عالية طيب كيف اقدر اطلع ع المنهج موجود الكتاب pdf ?!?

ممتعة وشيقة وسهلة

السيرة النبوية من قسم الدراسات الاسلامية

كلها عن الغزوات في عهد الرسول صلى الله علية وسلم

شي اخذناه في الابتدائية والمتوسطة والثانوي

[Chanel]

نصيحه خذي مادة عربية اسهل لك

فيه مادة اسمها علم نفس النمو ممتعه