بحث اقتصاد قياسي..

[تشوشو]

السلام عليكم..

كيفكم ؟؟...إن شاء الله بخير..

المهم بدخل على طول

عندي مادة اقتصاد قياسي مع الدكتورة لبنى ابو العلا

وطالبه بحث ونستخدم فيه برنامج ال spssوناخذ متغيرات وداله وكذا يعني

الي اخذو الماده ممكن تفيدوني وكمان كثير بنات مو عارفين كيف نسوي البحث

وهي مو مفهمتنا مزبوط كيف نسويه

مره تعبت منها

ممكن وحده من الي اخذو الماده تقولي كيف سوت البحث المطلوب للماده هذي

لان عليه 10 درجات او 15 مو فاكره


فايااااريت تفيدوني وادعيلها من قلب قلبي الي تفهمني مزبوط ايه الحكاية..



وشكرا...

^_^

[5o5a]

يا عسل انا اخد معاكي الماده دي دحين
انا رحت لها مكتبها وفهمتني كيف اسويه
لو مثلا اخترتي داله الاستهلاك
تشوفي ايش الاشياء اللي تأثر عليها ( الدخل مثلا )
تروحي مؤسسه النقد و من الجدوال الاحصائية تجيبي بيانات للمتغيرين دي ( الدخل و الاستهلاك ) لمده عشر سنوات
و تحطيهم في برنامج spss تطلعي النتائج زي ما سوينا في المعمل بالزبط
دا الجزء العملي

اما الجزء النظري فتتكلمي عن المتغيرات و ايش علاقتهم ببعض وكيف يأثرو على بعض و النظريات الاقتصاده الخاصه فيهم


ان شاء الله تكوني فهمتي عليا
ولو تبي تستفسري اكتر روحيلها المكتب و هيا تفهمك اكتر


وبالتوفيق يا عسل :)

[الهنوفه]

طيب صح لو اخدت داله استهلاك القمح او الارز وتتأثر بإيش ؟؟ بالدخل وخلاص ؟
ومن فين اجيب البيانات ؟ ولو غلط ايش في امثله لمتغيرات ثانيه ؟ وايش الصح ؟