اتخرج وانفك من الجامعه او اخر التخرج

[الطايف]

سلام عليكم انا طالب منتسب في هذا القسم لم يبقى على التخرج سوى 15 ساعه الي هي هذا الترم وموادي هي 332 و335 و343 و341 و448 ومعدلي هو 2،40 اطلب من الله ثم منكم رايكم هل اشد حيلي واتخرج او اجل للترم الجاي واحول ارفع المعدل شوي اتقبل اقتراحكم والله ولي التوفيق

[THE EXPERT]

شد حيلك وتخرج أحسلك

والحين ماعاد فيها رفع معدل .. بحكم انك في المستوى الأخير ماعاد يرتفع المعدل كثير

وبعدين موادك نازله عند دكاتره طيبين .. يعني الباقي عليك انت .. بس شد حيلك وأجتهد .. ولسى عندك وقت .. باقي على الأختبارات اكثر من شهرين ..

وأي شيء تحتاجه في موادك مايهمك راح أساعدكـ . بشرط أنك تبدأ مذاكره من الان ..

وفـــــالـــكــ التـــــــوفـــــــيـــــــق

[salems]

ماعندي شي أقوله لك الا أن الله يوفقك وتتخرج

[r7eel]

أحس المعدل مهم اخاف تندم بعدين اذا ما رفعته

اقتراحي .. عادي ممكن تأخر التخرج بس من غير ما تسحب ترم

قسم موادك على ترمين هالترم نزل3 مواد تخصص ومادتين حره

الترم الجاي مادتين تخصص ومادتين او 3 حره << كثيرصح بس مو مشكله اهم شي يرتفع المعدل

.. والله يوفقكـ وتتخرج ..

[dedo11]

صح ولا غلط
سمعت بنات يقولوا انه اذا خليتي المواد الحرة لاخر ترم للتخرج يعني مايحسبوها لكي؟
هل الكلام دا صح ولا غلط
انا اقول شدي حيلك واتخرجي لانه كل ماله يخترعون لنا شي في القسم
موفقا

[nour al3mr]

{.. وعليكم السـلام ورحمة الله و بركـاته ..}

يسـر الله لك كل أمـر وأثلج صدرك..

القرار يعود لقدرتك ..
إن كنت تجد في نفسك القدرة على أخذ هذه المواد في مستوى واحد فلتقدم على ذلك متوكلاً على الله و العزيمة و الإصرار دافعك..
وإن كنت تجد ذلك فيه مجازفه و ضغط عليك فلتقسم المواد على مستويين ..

فالمهم هو قدرتك على العطاء و المذاكـرة..
وفقك الله وسدد خطـاك ..

[سيف الضيف]

يمديك تاحذ ماده حره مع هالمواد وزي ماقال اخونا الخبير المواد عند دكاتره طيبين
غير341 ماندري عند من
انا نفس وضعك تقريبا وجدولي نفس جدولك غير في ماده سجلتها كلها هالترم مع ماده حره
الله يوفقنا وياك

[الطايف]

يعطيكم العافيه على ردودكم الحلوه وعقبالكم التوفيق والنجاح

[ابـ ريان ــو]

أخوي اسمع مني زين أولاً معدلك 2,40 يعني مقبول يعني لو تجيب في كل موادك الباقية درجة كاملة أتوقع لن تحصل على تقدير جيد ( 2,75 ) لأنه دائما في طلب الوظائف يطلبون التقدير ( جيد أو جيد جداً ... وهكذا ) فإذن لو رفعت معدلك فرضاً إلى 2,74 فسوف تبقى في دائرة المقبول . وانت جرب من خلال حساب المعدل التجريبي لجدولك الحالي ضع درجات عالية أو متوقع تجيبها وانا أجزم بأنك لن تخرج من تقدير مقبول سواء تخرجت الآن أو قسمت موادك على ترمين .
أنصك وبقوة تخرج وانفك واتفرغ الترم الثاني لاختبار القياس وسوف تتعين مدرس ان شاء الله وتندم على كل يوم حزنت فيه على درجة ضعيفة أو معدل متدني . بالتوفيق وشد حيلك بس.

[r7eel]

^
لو يقسمها علشان يقدر يضيف مواد حره ويجيب درجات عاليه حيرتفع لو يرتفع لين 2,75 يعني جيد
على كل حال الله يوفقك وييسر أمورك