طالبات المستوى الثالث ....( لتكن البداية بضاعة ليست مزجاة ).. ((متجدد)) ..!!

[ام حمدان]

هلا بنوتات


مثل ماقالت لكم رفيقتي الغاليه نوري

انا درست للان ماده حره وحده فقط والمقرر علي دفعتي مادتين حره درست وحده منهم الترم الماضي وهي علم نفس نمو psy241
اظن كذا رمزها

المهم اخترتها مع استاذه كويسه ا.ريم الحربي

اخترت هذي الماده لانها مجملا سهله وكمية دروسها معقوله وايضا لان اختبارها موضوعي يعني فقط صح وخطا واختيارات زي التحضيري

ونتجتي فيها الحمدلله كانت تمام

فاللي عندها ميل لمواد علم النفس ونزلت لها الماده هذي ضمنقائمة المواد الحره لاتتردد في اضافتها مع هالاستاذه اسئلتها صراحه كانت اسهل من غيرها
-----------

بالنسبه للتاخير

انا بصراحه مامشيت عالخطه بالضبط لعبت فيها شوي طبعا في اسباب

مثلا في المستوى الرابع

حذفت الرايتنق2 لاني كنت امر بظروف خاصه وحسيت نفسي مضغوطه ولازم احذف ماده حتى اخفف شوي على نفسي فاخترت الرايتنق لان ماراح تاخرني كثير في الخطه

وترتب على هذا الشي اني ادرس الرايتنق2 في المستوى5 والترجمه في المستوى 6
وايضا الترم الماضي وهو المستوى السادس بالنسبه لي
كنت مضطره ماامشي عالخطه تمام لاسباب مختلفه


لكن عموما انا مرتبه نفسي والخطوه الي اعملها افكر في عواقبها يعني مااحذف شي او ااجله جزافا


وبسبب كل الامور الي ذكرتها لكم سابقاً الي تؤدي لتاجيل الطلبه لاي ماده يضطر الاغلب مننا لزيداه ترم او اكثر حتى نتخرج

عموما لكل حادث حديث الان افضل في المستويين الثالث والرابع تمشوا عالخطه زي ماهي بدون اي تغيير لان مثل ماقلناكم هي كلها متطلبات لازم تنهوها

-----

نسيت اقولكم معلومه مهمه جدا جد ماادري تعرفوها من قبل او لا واتمنى ماتنفجعوا منها

في المستويات 3 و4 معروف ان اسئله القراءه والكتابه والاستماع

تخرج عن المنهج بنسب متفاوته حسب كل منهج


ولو تحتاجوا توضيح اكثر عن هالنقطه حاضرين ياعسولات