حمله للاعتراض على اختبار الفرنسي

[ابوساره vip]

السلام عليكم ورحمة الله
اليوم كان اختبار اللغه الفرنسي والي اختبروا شافوا ان اكثر من نصف الاختبار جاء من خارج التحديد الي حدده الدكتور وكان الاختبار صدمه
فمن باب التعاون وضعت هذا الموضوع محاولة لايجاد حل ولتبادل الاراء في ماهية الطريقة المناسبة لايصال صوتنا لدكتور الماده لانه من الظلم ان يضيعنا تعبنا بشي لايد لنا فيه

لذا آمل التعاون من الجميع ولاننسى مشورة المشرفين الكرام

[المسعودي الهذلي]

كان الله في عونكم
أتمنى ان الاخوان اللي معك يشاركونك فالموضوع حتى تتخذون الطريقه
المثلى لأيصال صوتكم ..
وفقكم الله ويسر امركم

[QLQ20]

والله سبقتني كنت بفتح الموضوع والله صعب بعدين الاختبار جاء 10 اختيارات والباقي كتابه مرره ظلم وبعدين اسئلة اول مره اشوفها مع العلم اني ذاكرت بس احترت بين امرين هل اغامر واحل اللي اعرفها واللي ماعرفها اكتب له اي شي واكون مع العلم اللي اعرفه ماينجحني فقررت اني اكتب رقمي الجامعي غلط علشان تنزل لي الماده dn ولا ينزل المعدل واختبرها الترم الجاي والله ماتوقعت كذا مع العلم انه اكثر اللي يختبرون الاترام السابقه يقولون سهله ودرجاتهم حلوه الله يكون في العون هذا اللي نقدر نقوله

[GOLDEN-GUN-1]

من هو دكتور المادة ؟
الله يوفقكم ويصبركم

[ابوساره vip]

دكتور الماده الشاولي
المصيبه ان الاختبار في صفحه واحده
يعني 100 درجه على صفحه واحده والاجابه في نفس الصفحه !!!! قمة الظلم

[المحزوون]

المشاركة الأصلية كتبت بواسطة golden-gun-1 من هو دكتور المادة ؟ الله يوفقكم ويصبركم

دكتورها الولد الابيض الي مغطس عقاله لنص جبهته .. اذكر سوا معنا نفس الحركة يوم كنت مستوى ثالث وجانا في القاعة يقول الي حضر الدورة بيجيك اكثر من 100 والي ماحضر الله يعينه وكان وقتها مشدد على الي حضروا الدورة انهم مايطلعون شي من اخبار الدورة للمنتدى ولا بيغير طريقته والشباب تحفظوا واجتزناها برحمة الله ولا الاختبار كان كله كتابة ..

[GOLDEN-GUN-1]

المشاركة الأصلية كتبت بواسطة المحزوون دكتورها الولد الابيض الي مغطس عقاله لنص جبهته .. اذكر سوا معنا نفس الحركة يوم كنت مستوى ثالث وجانا في القاعة يقول الي حضر الدورة بيجيك اكثر من 100 والي ماحضر الله يعينه وكان وقتها مشدد على الي حضروا الدورة انهم مايطلعون شي من اخبار الدورة للمنتدى ولا بيغير طريقته والشباب تحفظوا واجتزناها برحمة الله ولا الاختبار كان كله كتابة ..

ههههههههههه لا لا باين عليه دكتور يحب الخير للناس اقول ياصبر الارض على اشكاله

[GOLDEN-GUN-1]

المشاركة الأصلية كتبت بواسطة ابوساره vip دكتور الماده الشاولي المصيبه ان الاختبار في صفحه واحده يعني 100 درجه على صفحه واحده والاجابه في نفس الصفحه !!!! قمة الظلم

لاتخلونه يابو سارة روحوا لرئيس القسم وتفاهموا معاه والله يوفقكم

[المحزوون]

المشاركة الأصلية كتبت بواسطة golden-gun-1 ههههههههههه لا لا باين عليه دكتور يحب الخير للناس اقول ياصبر الارض على اشكاله

الله يوفقكم وتجتازونها من غير منة احد يارب العالميييييييييييييين :)

[ابوساره vip]

مشكورين جميعاعلى المرور
لكن يد وحده ماتصفق اذا مافيه تعاون من كل الشباب ماراح نطلع بنتيجه