سؤال يراودني @_@..

[LeLou]

السلام عليكم و رحمة الله و بركاته..
كيف حال جميع السكاويين و السكاويات؟!

عندي سؤال صعب و يتراود في بالي منذ مدة..
أنا راح اتكلم بالعامي و باللغة اللي راح تجي على بالي فسامحوني لأنه الكلام غير منمق..

دحين الكل يتكلم عن الحب..
و أعتذر لأنه موضوعي راح يزيد من الكم الهائل من المواضيع اللي تتكلم عن ده الشي..

أنا من الناس إللي ما أعطي الناس الحب أنا أبادل الناس الحب..
يعني إذا أعطاني الشخص الحب أعطيه في المقابل..
و إذا كان الحب كبير أعطي في القابل من غير حدود و لا قيود..
و في ناس غرقتها بالحب و لأني ((و أعوذ بالله من كلمة أنا)) حساسة و حنونة بديت أحس أني أهتم بالناس لدرجة ممكن تكون منفرة؟! @_@..

طبعًا إللي أتكلم عنها صديقتي و الحب كان في حدود الصداقة لا أحد يروح مخه لبعيد..
و مو واحدة صراحة أكثر من مرة..
و صرت أخاف من أني أحب أحد حتى لو كان بالمقابل..
كنت متوقعة أنه مافي شي في العالم راح أعطيه نصيب من قلبي من غير ما يكون أعطاني لكن مع الأسف طلع فيه..
طول عمري كان شعاري أنا ما همني قد أيه أحب الشخص المهم قد أيه هو يحبني<< طبعًا تنطبق على جميع الحالات حتى مع الأصدقاء و الأهل..
و دحين صار مخي مرة ملخبط..

أبغى أسأل ثلاثة أسئلة:~
كيف أحكم على الإحساس أنه حب؟!
أيش الفرق بين الحب و الإعجاب؟!
هل من الممكن أن يكون الحب و الاهتمام منفر،، متى ؟! ((أتمنى من الجميع يجاوب على دا السؤال))

كل يوم بعد يوم أكتشف أني إنسانه فاشلة في حياتي،، دائمًا الناس كانوا يلجؤوا لي لحل مشاكلهم و الآن لا أستطيع الإجابة على تساؤلاتي..
--------------------------------------------------------------

مرة صديقتي العزيزة سألتني نفس السؤال..
أرسلت لي أنا متضايقة و مو قادرة أنام و راح أبكي..
فلما سألتها طلع الموضوع و ما فيه أنها واقعة في الحب..
أنا و بكل ثقة قلت لها هذا مو حب هذا إعجاب..
الحب شي يجي من العشرة و المعرفة بالشخص الآخر أما هذا اللي انت فيه اسمه إعجاب..
الآن صرت ماني قادرة أفرق بينهم و راسي مصدع من ده الموضوع..
--------------------------------------------------------------

إذا كان موضوعي غلط أتمنى من الإدارة حذفه..
و أتمنى أسمع آراء الطرفين بخصوص هذا الموضوع خصوصًا السؤال الأخير لأنه نفسي أسمع إجابات عليه و أول مرة في حياتي أتجرأ و اسأله..

جعلنا الله و إياكم من عتقائه من النار فيما تبقى من هذا الشهر الفضيل و من المقبولين في ليلة القدر..
و عيدكم مبارك قبل الزحمة ||~

[RHF]

مممممممم الصراحة كلامك صعب

وشوفي مو فشل انك ما تقدري تحلي مشاكلك ، الواحد بعض الاحيان يكون انسان خطير يحل مشاكل الناس بكل سهولة ، ولمن يجي على نفسو يعجز

الفرق بين الحب و الاعجاب ، الاعجاب يؤدي الى الحب ، ازا اعجبتي بشخص تقريبن ممكن يتحول الاعجاب لحب ، وازا كنتي تحبي احد اكيد انك حتكوني معجبة بيه في نفس الوقت

كيف تفرقي ازا كنتي تحبي او معجبة ،، الاعجاب اقل من الحب ، ولاكن مني عارفة اوضحلك كيف ممممممم هههههههه

مممممم الحب ،، والله ما اعرف كيف اقولك ، بس الاكيد انك تكوني حاسة بحبببببببب ، بحاجة في قلبك ، لشخص معين ، كيف قلبك يدق بقوة ، كيف تخافي عليه ، وتفكري فيه طول الوقت :(

وزي كدا يعني مممممممم دوري شخص او شخصة ، واقعين في الحب ، وشوفي حالهم واحساسهم حتفهمي قصدي
،،

انا اقولك كيف ممكن يكون الاهتمام او الحب منفر ،،

لمن يزيد الشي عن حدو ،، يعني لو اهتمامك زاد بصاحبتك بطريقة يعني يمل منها ، وقتها صاحبتك حتتضايق ، تقولك انا مجرد صديقة ، ليه تعامليني كدا ؟

وبالنسبة مسلن كنتي واقعة في الحب ، ممكن الغيرة الزااايدة تنفر حبيبك منك ، لانو مسلن ما يقدر يستحمممممممل الشي دا منك ، يحس انو تعب معاكي ، وحتسير وقتها مشاكل ، وقتها حيكون فيه ( تنفير ) < مني عارفة اجيب الكلمة صح

//

عاد انا قولت الشي اللي اعرفو ، و مو شرط يكون صح ، يعني مجرد رأيي و وجهة نظر

//

اتقبلي مروري ، راااهاااف

[LeLou]

أهلا رهوفة..

المشاركة الأصلية كتبت بواسطة rhf مممممممم الصراحة كلامك صعب وشوفي مو فشل انك ما تقدري تحلي مشاكلك ، الواحد بعض الاحيان يكون انسان خطير يحل مشاكل الناس بكل سهولة ، ولمن يجي على نفسو يعجز

يا ناسو عليك حسستيني أنه كيمياء خخخخ..
\\\
يب أنا عارفة ده الشي بس أنا كنت من الناس إللي محتوية نفسي لأبعد الحدود و ما أحد يدرى عني شي و مشاكلي أنا أحلها و لله الحمد،، عشان كدا كنت أقدر أساعد الناس بمشاكلها..

الفرق بين الحب و الاعجاب ، الاعجاب يؤدي الى الحب ، ازا اعجبتي بشخص تقريبن ممكن يتحول الاعجاب لحب ، وازا كنتي تحبي احد اكيد انك حتكوني معجبة بيه في نفس الوقت كيف تفرقي ازا كنتي تحبي او معجبة ،، الاعجاب اقل من الحب ، ولاكن مني عارفة اوضحلك كيف ممممممم هههههههه مممممم الحب ،، والله ما اعرف كيف اقولك ، بس الاكيد انك تكوني حاسة بحبببببببب ، بحاجة في قلبك ، لشخص معين ، كيف قلبك يدق بقوة ، كيف تخافي عليه ، وتفكري فيه طول الوقت :( وزي كدا يعني مممممممم دوري شخص او شخصة ، واقعين في الحب ، وشوفي حالهم واحساسهم حتفهمي قصدي ،،

يب فاهمة إنت أيش تبغي تقولي ..

انا اقولك كيف ممكن يكون الاهتمام او الحب منفر ،، لمن يزيد الشي عن حدو ،، يعني لو اهتمامك زاد بصاحبتك بطريقة يعني يمل منها ، وقتها صاحبتك حتتضايق ، تقولك انا مجرد صديقة ، ليه تعامليني كدا ؟ وبالنسبة مسلن كنتي واقعة في الحب ، ممكن الغيرة الزااايدة تنفر حبيبك منك ، لانو مسلن ما يقدر يستحمممممممل الشي دا منك ، يحس انو تعب معاكي ، وحتسير وقتها مشاكل ، وقتها حيكون فيه ( تنفير ) < مني عارفة اجيب الكلمة صح // عاد انا قولت الشي اللي اعرفو ، و مو شرط يكون صح ، يعني مجرد رأيي و وجهة نظر // اتقبلي مروري ، راااهاااف

ميرسي كثير رغم أنه أنا ما كان هذا قصدي و لا هذا اللي حصل معايا بس استمتعت بسماع رأيك..
و فهمت أيش تبغي تقولي بالزبط..
أسعدني مرورك يا عسل ||~

[RHF]

هههههههههههههههههههه

والله مت ضحك


( تم تعديل الرد )

[LeLou]

المشاركة الأصلية كتبت بواسطة rhf هههههههههههههههههههه والله مت ضحك ( تم تعديل الرد )

هههههههه،، يا ناسو عليك مرة تووووحفة..
أنا كمان ضحكتيني،، ميرسي على الفرفشة شوي..

[غرك غرورك]

أنا و بكل ثقة قلت لها هذا مو حب هذا إعجاب..
الحب شي يجي من العشرة و المعرفة بالشخص الآخر أما هذا اللي انت فيه اسمه إعجاب..



طيب هــذا الكــــــــلام الـــــــــــصـــــــح

[هايدي 2020]

راح تكون لي عودة ..~~>

مآألومكً على اللي دفعكً وخلآكًـ تكتبين الموضوع ..

$ آعلم إنكً في حآل مؤلم بسبب عدم وجود مايحدد مشآعركً ..

سوف آدخل بمزآج آعلى في آقرب وقت لكي آعاونكً

.. تقبلي مروري السريع: لي عودة إن شاء الله

# كآن الله في عونكً ...

[LeLou]

المشاركة الأصلية كتبت بواسطة غرك غرورك طيب هــذا الكــــــــلام الـــــــــــصـــــــح

عارفة بس أيش تقولي على التناقض في بعض الأحيان..


و شكرًا على مرورك..

[LeLou]

المشاركة الأصلية كتبت بواسطة هايدي 2020 راح تكون لي عودة ..~~> مآألومكً على اللي دفعكً وخلآكًـ تكتبين الموضوع .. $ آعلم إنكً في حآل مؤلم بسبب عدم وجود مايحدد مشآعركً .. سوف آدخل بمزآج آعلى في آقرب وقت لكي آعاونكً .. تقبلي مروري السريع: لي عودة إن شاء الله # كآن الله في عونكً ...

باتنظارك يا عسل..
ترى الموضوع مو مرة خطير و أنا من النوع إللي أتعافى بسرعة،، و لله الحمد..
واحدة صاحبتي مرة قالت لي: إنت عندك ذكاء عاطفي عشان كدا طول عمرك متحكمة بمشاعرك و محتوية نفسك..
و زي ما الذكاء يزيد و ينقص الذكاء العاطفي برضو يزيد و ينقص و إنت قاعدة تمري بنقص في الذكاء العاطفي..

عجبتني فلسفتها و حسيتها صحيحة..
و إن شاء الله أحاول أستعيد ذكائي العاطفي في أقرب وقت..
بس أنا كنت بعرف آراء الناس و إجاباتهم على الأسئلة خصوصًا: إذا ممكن يكون الاهتمام منفر؟!

\\\

شكرًا على المرور الجميل||~

[Majed7]

عشانـ يكونـ الموضوع واضح بالنسبه ليا .. إنتيـ قصدك إنه أعطيـــتيـ ناس أكثر مما أخذتيـ منهم - والبعض ما بادلك شيء نهائيا فيصير أخذ وما أعطاكيـ بالمقابل - :)

أنا أشــوف طبيــعتك ( كونك إنسانه مستمعه لهموم الغير ) سبب رئيسي في عدم توازن الأخذ والعطاء ..

الأشخاص اللي حولكـ يشوفونكـ ملجأ لهم وقت الهموم - فهما يجونكـ وقت ما يحتاجونك - وأتوقع إنهم ما يفكروا بالمقابل إنك راح تحتاجيهم فيـ بعض الأوقات " وما راح يعرفوا إنك محتاجتهم بدونـ ما تتكلمي " ..

كلاميـ هذا زيـ الأم وولدها الصغير ..

الأم يوميا تجيـ وتشوف ولدها إذا هوا أكل وشرب ولبس ووقت النوم متغطيـ كويس عشانـ ما يبرد .. فالولد الصغير يكبر على هالعاده والاهتمام - وفرضا وصل 20 سنه - أمه على نفس الحال تجيـ وتهتم بكلـ هالامور ..

فالولد هذا تأقلم إن أمه مصدر إعطـــاء مو أخذ ومو متوقع إن أمه راح تتشكى عدم مبادلته الاهتمام :)




فـ إنتيـ ممكن تتقبلي هالشيء طبيعي .. لأنـ فيـ هالدنيا فيه ناس تاخذ كثير وتعطيـ شويه , وناس تاخذ شويه وتعطيـ كثير , وناس فيها نوع من التوازن - وهذي الفئه مرره نادره ولكنها محظوظه لأنها تهتم ويـٌـــهتم فيها - ..


ما راح أطولـ عليكيـ راح أجاوب على أسئلتك - طبعا وجهة نظر مو أجوبه علميــه - :-


كيف أحكم على الإحساس أنه حب؟!
إذا كانتـ العاطفه راجحه على العقل .. والأفعال أغلبها تكونـ بدون تفكير وتخطيط مسبق


أيش الفرق بين الحب و الإعجاب؟!
الحب هوا تعلق بالشخص أو بالشيء .. أما الإعجاب هوا لفت وشد إنتبـــاه الشخص لـ حاجه معينه ( تستمر فتره طويله أو قصيره على حسب ) وبعدها يفقد هالشيء بريقه وينتهي الإعجاب وقتها ..

الحب يستمر - غالبا - والإعجاب فتره مؤقته
هل من الممكن أن يكون الحب و الاهتمام منفر،، متى ؟!

يب أكيـــــــــــــد .. الاهتمام إذا كانـ في غير وقته أو الحب إذا كانـ لشخص غير مناسب

في غير وقته مثلا اتصلتيـ على وحده من صاحباتك وكلمتيها بالساعات وهيا ما قدرت تقولك آسف بس بذاكر عنديـ بكره كويز .. فـ ما تكلمت وقالت هذي صاحبتي مو مشكله

اتصلتيـ عليها يوم ثاني وبرضوا كلمتيها بالساعات وهيا فيها نوم وقالت يلا النوم يهونـ لعيونها ..

ومو شرط اتصالـ ممكن تقولينـ لها بجي عندك البيت بسأل عنك وأشوفك - وهيا ما تقدر تقولـ لا
لكيـ - ..

فـ مره ومرتين وثلاثه تبدا هالبنت تنــفر منك وتصيري مصدر إزعاج لها وإنتيـ العكس ..


أما الحب لمن يكونـ لشخص غير مناسب بصراحه حالات كثيره ليـ عوده إن شاء الله عشان أتفرغ لها