خاص للطلالب.. مدرس تحت الطلب

[المسيّر]

من ناحية احمد البشير انا خذيته في المستوى الثالث واتفقت معه 1200 ريال تقريبا اذا مانسيت على الليسيننق و الرايتنق و الريدينق طبعا بدينا وقت ابتداء الدورة التأهيليه فكنت اروح الدورة و اخذ حصص معه والمدة اسبوع واحد لان ماكان عندي اجازة الا اسبوع واحد فقط لاني جاي من الدمام المهم كلمته جوال قبل مااجي وقلت يمديك تغطي لي المناهج كلها في اسبوع قال يمدي ان شاء الله طبعا انا ادري انه مايمدي بس لاني مذاكر الرايتنق وقتها و الليسينيق بس باقي الريدينق فقلت يمكن لاني مذاكر يمدينا نغطي
المهم : راح الاسبوع كله في الريدينق وكان يجيني في شقة استأجرتها في حي الجامعه و المواعيد بالجوال لانه كان مزحوم الاخ و بشق الانفس كان يجي يواعدني الظهر بعدين يجي العشاء ومرات مايجي الا اليوم الثاني
المهم : انه في الترجمه لا يعلي عليه صراااااااحة لانه على مااعتقد تخصصه ترجمه واظاهر كان يشتغل في شركة مترجم لكن انه ثقيل في الكلام ولازم ينسدح علشان يروق .. يعني تخيلوا كل شوي وهو ينسدح وانا داخل جو مع الشرح ..
و تعرفون ان الريدينق قطع كبيره و متعبه وكان يترجم لي كلمه كلمه المهم انه ماخلص الاسبوع الا مادة الريدينق بس وعطيته 400 ريال بس (طبعا مرة فتحت انا وياه الرايتنق وتعرفون الرايتنق كله استراتيجيات و تعريفات و قوااعد تحفظ لكتابه مقال و قرمر يعني خليطي شوي فكان متلخبط لانه كان متعود على كتب اسهل وهي اللي لحقوا عليها دفعة 109 اما حنا يا دفعة 110 كان من حظنا الشين ان المناهج تغيرت في وقت دفعتنا فحسيت انه مو مضبوط في الرايتنق ولا راح ينفع فلا خليته يكمل ولا عشرين دقيقه .
لكن مادام الان راح سنة اكيد انه خذا وقت لكي يفهم الكتب بما انها جديده وعلى حسب علمي انه من افضل الموجود ومادامك بادي من الحين يمديك تغطي بس الموضوع في يديك يعني انتبه للنقاط التاليه :
1- انتبه تعطيه الفلوس دفعه وحدة يعني كل مامشيتوا عطه دفعه بسيطه وهكذا ..
2- انتبه تعتمد عليه اعتمادا ً كليا ً يعني خلك متابع هنا في المنتدى واعرف استراتيجية الأسئلة واطلعه عليها فكل مادة لها استراتيجية في المذاكرة فالرايتنق1 على سبيل المثال كنت اضيع فيه انا وقت كبير والان بعد ماعديته عرفت ان افضل طريقة لمذاكرة الريتنق طريقتين الاولى : اعرف كيف اكتب مقال واعود نفسي اكتب مقالات مع التقيد بالشروط المذكورة في الكتاب واعود نفسي اني اكتب في اكثر من موضوع وخاصه المواضيع التي وضعت في الاختبارات السايقه والطريقة الثانية ألخص جميع التعاريف و الاستراتجيات و القرمر في دفتر اتوقع ماراح تتعدى 20 صفحه وصدقني راح تتدعي لي.
3- لا تفتح مجال في السوالف ترى يحب السوالف وخلك جدي معه ماهو انا مغير اطقها حنك معه ..
هذا رأيي فيه بصراحة وبأمانه لانه درسني فهو عموما كما قلت جيد ومفيد اذا انت مشيت معه بالطرق التي ذكرتها
هذا والله اعلم
وبالتوفيق





احس اني صدعت من كثر ماكتبت

[nour al3mr]

^
الله يسعـدك

نصائح مهمة والله .. يكتب ربي أجرك و يعلي قدرك

::::::::::::

أخ سعـود

نعم يستطيع الطالب التخرج بامتيـآز دون مدرس .. كثير بموآضيع تجارب الخريجين في اللي كتب أنه اتخرج بامتيـآز دون أي مدرس

مذاكرة اول بأول - حضور الدورات تأهيلية - السؤال عن أي أمر مستعصي دون تأخير

وقبل هذا كله التوكل على الله عزوجل = )

[بتال المطيري]

طيب ابفىآ اسالكم .. هل مواد التخصص بالمستوى الثالث تعتمد على الحفظ. او على الفهم ..؟
والشي الثاني . يعني لو فرضا بديت معه من بعد الحج مباشره وخلال انعقاد الدورات التاهليه عشات بس اقدر ارتب نفسي مع الشرح .. تتوقعون افضل .؟ وهالفتره احاول اذاكر مع نفسي ومع المنتدىآ.؟ انا بصراحه خايف جدا من هالمستوىآ لانه باختصار بدايه...

[هدددددء]

انا اعرف واحد من الشباب تخرج بمعدل عالي جدا يقارب الـ 5
درس عنده
ونصحني فيه
واعطاني رقمه
basheer 0559645579
وبصراحه كان يمدحه كثيييييييييييير
بس مادري هو نفسه (احمد بشير) والاا لا

[غروب ج]

هلا بك اخوي بتال..اولآ الاعتماد والتوكل على الله .. ثانيا المعاصي سبب في عدم التوفيق..ودعاء الوالدين سبب في التوفيق,,,,بالنسبه للبدايه انا متاكد انك قادر والدليل طرحك للموضوع ولكن بالنسبه للمواد الاوليه مواد تاسيس ..ريدنق ..رايتنق.. لسننق.. تعتمد على الفهم والحفظ يعني الريدنق الكلمات الاكاديميه لازم تحفظ والاستراتيجيات والقطع لازم تفهم وتطبق..اللسننق لازم تحفظ السيدي وبنفس الوقت تفهمه يتكلم عن ايش ولازم تفهم ان جميع القطع اللي بالكتب الثلاثه والمعلومات واقعيه .. انا كنت ايام الدورات مع احد الاساتذه كنت اطلع واروح اخذ حصه بس مااستفيد لاني اطلع تعبان ماتفهم شى واشوف صراحه انك تحدد كل شى خلال الدورات بعدها يشرحها الاستاذ ..والبدايه من الان جيده....................................موفق

[بتال المطيري]

مشكور اخوي غروب ...والله يعطيك العافيه ..

[ابو ريان 126]

المشاركة الأصلية كتبت بواسطة sa0ud السلام عليكم هل يستطيع الطالب التخرج بمعدل ممتاز دون الحاجه الى مدرس خصوصي ؟

هلا اخوي سعود
والله يقدر بالراحه وبدون اي نصاب خصوصي يجيب ممتاز
اذا توكل على الله وبدا المذاكره كل ترم من بدري واعتمد بعد الله على الكتب وترك الملخصات الا كمساعده بعد ما يخلص الكتب وليست بديله للكتب

[منتسـب]

انا اذكر ان الواحد مايفكر يجيب مدرس الا اذا ذاكر وحس انه مو قادر يفهم المقرر

والا لا ياشباب

اعتمدوا على نفوسكم وجربوا تذاكرون من بدري