طالعه ثانوي ولا ادري اي مدرسة اروح لها ☹ help me

[Sam29]

السلام عليكم اولا

زي ما كتبت بالعنوان انا متخرجه من المتوسطة و طالعة ثانوي ولا ادري اي مدرسة اروح لها او بالاصح اي نظام !!

الي يقول نظام المقررات حلو و اللي يقول نظام الفصلي الجديد له مستقبل اكثر ☹

و كمان ما ادري وين اروح بمدرسة حكومية ولا اهليه ؟ واظمن معلماتها لان يمكن تكرهني المعلمه بالماده و ينزل مستواي و تسد نفسي<\4

دورت بالنت كثير و دوخت بين اراء الناس

و اعرف ان التاشير و التخطيط اعرف انه مهم بس بيكون عادي لو بدونه لان اعرف انو لمصلحتي عشان ما اتعب بالجامعه"̮

و كمان نسبتي عاليه ماشاءالله ، بس ما ابغى مدارس مرا تشد علي تخليني انكتم زي المتوسطة اللي رحت لها ، ولا مرا فالته البنات و المعلمات لازم تعرف مصلحتي

اخاف اروح لمدرسة مو كويسة و يروح مستقبلي بسببها ☹

و ليومكم ذا ما اعرف وين ربي بيحطني بس اسال الله ان يكون فيها خير لي و اكون خير له وا يبعد الشر عني و يبعدني عنه


نسيت اقولكم انا بجدة حي الصفا 12

[Somaiah Yousef]

وعليكم السلام ورحمة الله

حبيبتي ليش كل ذي الحيرة ؟؟

ترى اللي شاطرة تقدر تثبت نفسها في أي مدرسة وبما إنك متخرجة من المتوسطة بمعدل ممتاز

ف ما أظن حيختلف الوضع في الثانوي

بالنسبة للمدرسة

روحي أقرب مدرسة لبيتكم وأبتعدي عن المدارس الأهلية .. خليك في الحكومي وشدي حيلك :)

أما النظام .. غريبة اللي اعرفه إن كل المدارس الحين حولت ع النظام الجديد :)

خليك ع الجديد لأنه أفضل من ناحية قلة المواد ونظامهم قريب من نظام الجامعات

وماتفرق في المستقبل كلها نفس النتيجة بتخشي الجامعة زيك زي النظام العادي

ومووفقة يآرب

[Sam29]

المشاركة الأصلية كتبت بواسطة فيونكـه وعليكم السلام ورحمة الله حبيبتي ليش كل ذي الحيرة ؟؟ ترى اللي شاطرة تقدر تثبت نفسها في أي مدرسة وبما إنك متخرجة من المتوسطة بمعدل ممتاز ف ما أظن حيختلف الوضع في الثانوي بالنسبة للمدرسة روحي أقرب مدرسة لبيتكم وأبتعدي عن المدارس الأهلية .. خليك في الحكومي وشدي حيلك :) أما النظام .. غريبة اللي اعرفه إن كل المدارس الحين حولت ع النظام الجديد :) خليك ع الجديد لأنه أفضل من ناحية قلة المواد ونظامهم قريب من نظام الجامعات وماتفرق في المستقبل كلها نفس النتيجة بتخشي الجامعة زيك زي النظام العادي ومووفقة يآرب

لان ما اعرف ربي فين كاتب لي الخير (: فلازم استخير

ايه في نظام مقررات و نظام فصلي مدري اي نظام اروح له و كله شبه نظام الجامعه بس يقولوو الفصلي افضل !

واللي يعقدي اكثر عشان صحبتي بتروح مقررات فمدري اروح معها ولا لا ):

[Ibra 3bdallah]

بالنسبة لي انا درست في نظام المقررات

نظام كان جميل جدا جدا جدا

6 مواد لكل ترم وكل المواد اللي تدرستها مواد طبيعية ( رياضيات 5 مستويات - احصاء - عربي 3 مستويات - فيزياء 3 مستويات - كيمياء 3 مستويات - احياء 3 مستويات - 5 مواد دين ( تفسير وحديث وفقه وتوحيد وقرآن - علوم ادارية + تربية مهنية - لغة انجليزية 5 مستويات - حاسب مستويين - علم البيئة - اجتماعيات - مهارات حياتية )

هذي المواد اللي درستها في نظام المقررات
واعتبره نظام سهل ويساعد الطالب على التركيز في المواد المهمة لحياته الجامعية بعيدا عن المواد الثانوية والغير اساسية
انصحك بالدخول لذا النظام وفالك التوفيق

[رنيم سليمان]

شخصيًا لا انصح بنظام المقررات إلا في المدارس التي تطبقها بشكل صحيح

وعلى قدر جهدك في المرحلة الثانوية ستلتمسي يُسر المرحلة الجامعية بإذن الله


من ناحية المعلمات ففي جميع المدارس ستواجهي شخصيات مختلفة وهذه من تجارب الحياة لنا ولك

لكن لا يمنعنا ذلك في نفس الوقت أن نسأل عن الأفضلية ثم نختار

ومادام طريقك هو طريق الاستخارة فمسيرتُك موفقة : )