أفضل معهد لغة انجليزية

[ابو وســــام]

المشاركة الأصلية كتبت بواسطة حلاها زايد ابو وسام انت اكتب في قوقل وشوف اذا هو ولا لأ وانا رايي انك تحط فلوسك في جيبك وتمشي فيها وسام وام وسام يخليهم لك يارب احسلك ترا المعاهد عندنا اسعارهم نااار مدري يحسبونا نايمين على بنك ولا ايش اتعلم انت بنفسك من المواقع خصص لنفسك وقت كل يوم وجيبلك دفتر وابدا شوف المواقع واي كلمه ماتعرفها اكتبها بالدفتر وترجمها بقوقل واسمع نطقها واكتب معناها وربي هاذي الحركة خطيره تخليك تتعلم وتتطور بسرعة وترا اللغة الانجليزيه اجتهاد شخصي وربي يوفقك بالانجلش وتتخرج بالممتاز يااااارب

مشكووووره أختي ع النصيحة الحلوة
ووسام وأم وسام والله أولى من كل شي بس انا قلت ابغى أقوي اللغة عندي شوي وأستفيد.
وفكرتك مررره حلوة بس المشكلة اني شوي كسول.. لكن اذا حطيت الفلوس في معهد أكيد باجتهد عشان أحلل الفلوس ههههههه
وان شاء الله ربك يسهلها علينا كلنا ... ويفرجها عليكي ويحققلك مرادك يااارب
وجزاكي الله كل خير ع الدعوات الحلوة

[ابو وســــام]

المشاركة الأصلية كتبت بواسطة حنين الود إتفضل معلومآت عنه طلعت في نتيجه البحث.. (تجربه طآلب ) المعهد غالي ومبالغ في سعره 3500 مستوى 3 شهور بنفس التوزيع السابق شهر اضافي علشان المعمل تخلصه المحصله 32 ساعه. والعرض الثاني 5000 ريال لمستويين. نصيحه مايصلح غالي وزحمة شهر ونص علشان تبدأ.وهذا رابط المعهد http://www.lsi.edu/ بيرلتز .. معهد بيرلتز: مريته كذا مره وبغيت اسجل فيه 8 طلاب اقصى حد في القاعه مدرسين اجانب منهج خاص بهم، يعتمد المحاوره مع الطلاب ساعتين وربع يوميا يعيبه انه غالي 2960 ريال المستوى 6 اسابيع لكن ارى انه ممتاز

مشرفتنا حنين الله يجزاكي عنا خير ماقصرتي عواااااافي
بس أسعارهم مررره غاليه
ايش رايك ببرتش كونسل؟

[حنين الود]

وإيآك..
معهد أكتر من رآئع ..
بس lsi الوحيد الي ماجربته ولا أعرف هل هوآ أفضل من بريتش كآونسل أو لا ..

[Girl dreams]

معهد البرتش كانسل جداً رائع وانا جربته واكثر شي رح تستفيد من ناحية المحادثات لأن اللي يدرسون أجانب ورح يخليك تسعى لتطوير لغتك عشان تقدر تتواصل مع المدرسين والأفضل انه بعد كل مستوى يحدد لك ايجابياتك وسلبياتك باللغة وإستخدامها << مابسوي دعااااايه..

طبعاً الفرع الرجالي مابعرف مكانه
والفرع النسائي بالحمراء بمركز التنوير قريب من مستشفى الولادة والأطفال..

وللي حاب يطور لغته عن طريق النت سواء كانت اللغة الإنجليزية أو الفرنسية أو أياً كان هذا الويب سايت
http://www.livemocha.com/

ماعليكم غير تسجلون وتحددوا اللغه اللي تبغوا تاخذوا كورسات فيها..تقدرون تدرسون اكثر من لغة .. الميزة الرائعة فيه بعد ماتخلص الليسن رح يحدد لك كويز وأسئلة تجاوبون عليها وتقدرون ترسلوها لخبير باللغه بنفس الموقع يصحح لكم أخطائكم ..

الميزة الثانية تقدرون تسجلون أصواتكم عند قراءة أي قطعة وفيه دكاترة يقيمون نطقكم للكلمات..

وبث.. الله يوفقكم ..

Girl dreams

[JuStice]

.

أفضل معهدين حسب رأيي ,

بيرلتز والبريتش كونسل .. أما باقي المعاهد فـ عليها كلام وملاحظات ..

أنا ما جربت ولا معهد لكن قرأت كتير عن المعاهد في المواقع والمنتديات وهالمعهدين الوحيدين اللي سلموا من الذم , (فروع جدة) .

كان لي زيارة لمعهد بيرلتز بداية رمضان , السعر الأساسي للمستوى الواحد هو 3300 ريال ! لكن أظن فيه عرض لرمضان وصار السعر 2400 أعتقد .

يا ريت الخبراء وأصحاب التجربة يفيدونا بارك الله فيهم وجعله في ميزان حسناتهم

.

[LAURA H]

انا من واقع تجربتي معهد دايركت انجلش في نيو هورايزن ممتاز واسعاره مقبوله نوعا ما.. وفي مدرسات اجنبيات.. اما عن قسم الرجال والله ماادري.. لو تحب تستفسر المعهد موجود بحي الروضة بس مااعرف الرقم,,
موفقين,,

[ابو وســــام]

الله يجزاكم خير كل اللي ردوا
الجميع يمدح بريتش كونسل وبيرلتز.. بشوف واحد منهم وان شاء الله تتسهل

بالتوفيق للجميع ان شاء الله

[ملك الاحساس]

اخوي انا اشوف معهد وول ستريت من افضل المعاهد وجبت لك بعض العروض

1-ثلاثة اشهر مفتوحة المستويات 3900 ريال

2-خمسة اشهر 5900 ريال
3-اربعة اشهر مفتوحة المستويات 4900

موقع المعهد www.wsi-ksa.com

نصحية أبعد عن معهد دايركت انجلش ماعندهم سالفه

[ابو وســــام]

المشاركة الأصلية كتبت بواسطة ملك الاحساس اخوي انا اشوف معهد وول ستريت من افضل المعاهد وجبت لك بعض العروض 1-ثلاثة اشهر مفتوحة المستويات 3900 ريال 2-خمسة اشهر 5900 ريال 3-اربعة اشهر مفتوحة المستويات 4900 موقع المعهد www.wsi-ksa.com نصحية أبعد عن معهد دايركت انجلش ماعندهم سالفه

بارك الله فيك اخوي ماقصرت
العروض مررره حلوة بس ما ادري كيف الدراسة عندهم ((المدرسين وطريقة التدريس .....

[E M A N]

أنا أنصحك تبتعد عن وُول ستريت
سيآستهم في التدريس يحددّولك مستوآك في بدآية الكورس
وبعدين تدآوم كل يُوم في الوقت اللي ينآسبك يعني
مثلاً اليُوم تدآوم الصبح وبُكره وقتك ضيّق
فتدآوم العصر أو المغرب مآعندهم مشكله
إلى هنآ حلو ..
بس تدري كيف نظآمهُم ..
يدّونك سي دي بدآية الكُورس حسب مستوآك
ولمّآ تجي تدآوم تستلم السي دي و تختآر كمبيوتر و تدرس مع نفسك
عن طريق السي دي ، صرآحةً نظآم عقيم وفآشل
يعني معليش النت كلّه برآمج و جلسة البيت أفضل
من نآحية الدرآسه عن طريق الكمبيوتر
ونهآية كل أسبوع يقآبلك أستاذ بريطآني
و يختبرك إذا عدّيت الكورس تنتقل لـ اللي بعده ..
وإذا فشلت ترجع تدرس السي دي نفسه ..
أبداً مآدخل مزآجي :(
.
.

وبالنسّبه لـ البريتش كونسل
هذي تجربتي فيه

المشاركة الأصلية كتبت بواسطة e m a n فكرَه جيّده وتخْدُم .. أخذت كُورس في الـbritish council .. مركز الفآرسي اللّي قرَيب من دوّآر السُّفن .. الدّور الرّآبع المعْهَد جِدّاً مُمتآز وجوّ الدرآسه عندَهُم غير تقليدي و مآفِيه ملَل رغْم إنّ الكُورس اللي دخلْته كآن 3 سآعات باليُوم متوآصْله بس مآ أفتكر إني قلت يُوم مآلي نفْس أرُوح .. :) رُحت لهُم سوّيت تحديد مستوى بـ50 ريآل .. الإختبآر كآن عبآره عن برقرآف تكتبينه عن نفسِك .. و من خلآله تنآقشِك فيه أستاذه بريطآنيّه تسألِك شفّهِي وطبعاً منّهآ بتقتبِس مستوآك في الإستمآع و المُحآدئه و تصحّحلك البرقرآف عشآن تشوف مستوآك في الكتآبه + ورقه فيهآ أسئله (نسيت محتوآها ) بس أفتكر كآنت 4 صفحآت وبنفس الوقت سدّدت الرّسُوم 2200 للمستوى الوآحد .. إجمالاً عندهُم 15 مستوى و كُل مآخلّصتي مستوى وأخذتي اللي بعدُه يطيّحُولك 50 ريآل بالنّسبه لـ الدّوآم فيه فتره صبآحيّه ومسآئيّه مدّة الدور 7 أسابيع 6 سآعات أسبوعياً تتقسّم حسب أيّآم دوآمك .. سبت و أثنين و ربُوع (سآعتين في اليُوم) أحد و ثلُوث (3 سآعات في اليُوم) الكلآس فيه 16 طالبه .. وكنّآ قرُوبآت طُول فترة الكُورس 4 قرُوبآت و كُل قرُوب 4 بنآت ، كآنت فيه اختبآرات كُل أسبُوعين تقريباً استمآع و تحدّث و قراءه وكتآبه و جوّ الكُورس يُومياً يغلب عليه طآبع المُشآرَكه كآنت توزّع علينآ أورآق تقريباً كُل نص سآعه وفيهآ أسْئله شخْصيّه تتعلّق بالتوبيك تبع محآظرة اليُوم و نسوّي انتفآضه في الكلآس و كل وحْده لآزم تقُوم من مكآنها وتسأل بنآت الكلآس و نسأل المِس برضُو و لمّا يخلّص الوقت نرجع أماكنّا و ننآقش الإجابات :) جوّ فيه حركه وحمآس :) و نهآية الكُورس طبعاً شهآده مُعتمده .. حسّيتني شرحت بأمآنه بسّ لأنّي كُنت أسأل عنّه و وقتهآ كنت أدوّر اجآبه شآفيه زيّ كذا بسّ مآلقيت :( يآحظّكم فيني

إستخير قبل كل شي ..
موفّق