استفسار بخصوص ورقة الاجابات

[ولـــ(العاطفة)ـــيد]

السلام عليكم
ياريت تفيدوني بخصوص ورقة الاجابات
انا كتبت اسمي ورقمي الجامعي فقط
ما كتبت اسم المادها ورمزها والقاعة
بيرصدو لي درجة والا (f)

[abadi2006]

والله يالغالي انت وحظك اذا ورقه الاسئلة معاها وكتبت اسمك ورقمك علي الاسئلة راح ينتبهوا لها

واذا المراقب ذكي بينتبه للموضوع

عموما انتظر نزول الدرجة وان شاء الله خير

[ولـــ(العاطفة)ـــيد]

الي خلاني اسأل اني رسبت في المادة وانا متاكد اني ما راح اجيب اقل من 80 وتذكرت انها المادة الوحيدة الي ما كتبت اسم المادة ورمزها
طيب باقي في امل لو راجعتهم

[abadi2006]

دام كذا يالغالي

راجعهم ومنت خسران شي
اطلب نموذج اعادة تصحيح للمادة من قسم الكليه

بس طلع لك فى النتيجه f يعني اقل من 60 درجة
ولو طلع لك dn يعني فعلا خطأ في الاسم او بيانات ورقة الاجابة

وفى كلا الحالات راجعهم افضل

والله يوفقك

[nor811]

ولا تشيل هم كل اختباراتي اكتب فيها رقم الطالب والاسم وتكفي ما يحتاج اكثر من كذا

[الله يسهلهاا]

ما اتذكر اني قد كتبت اصلا رمز الماده والا المبنى والقاعه
لان مالها دخل المهم رقمك الجامعي والاسم

[ولـــ(العاطفة)ـــيد]

المواد الصعبة الي كنت خايف منها اجتزتها وبدرجات عاليه ولله الحمد
والمادة السهلة الي ما كنت خايف منها وكنت واثق تماما من النجاح حملتها
يالله مو مشكلة ننزلها ترم صيفي ان شاء الله مافيني اراجعهم وادوخ راسي معهم ادري ماراح استفيد شي
والله يعطيكم العافيه على الايظاح
وبالتوفيق للجميع

[ابوالحمزة]

أخي أنا صارت معي نفس الحركة السنة الماضية وثاني يوم استفسرت من الأستاذ فهد السكرتير وطمنني وقال مافي مشكلة خصوصا إنك موقع على ورقة التحضير وفعلا النتيجة نزلت لي عادي

الله يوفقك يارب

[alazaa0a]

السلام عليكم لا الدعوه مالها شغل انا الحين في السمستر السادس وطالع للسابع ولا عمري سجلت لا اسم الماده ولا رمزها .. وبالتوفيق

[أبو سحلب]

المشاركة الأصلية كتبت بواسطة ولـــ(العاطفة)ـــيد المواد الصعبة الي كنت خايف منها اجتزتها وبدرجات عاليه ولله الحمد والمادة السهلة الي ما كنت خايف منها وكنت واثق تماما من النجاح حملتها يالله مو مشكلة ننزلها ترم صيفي ان شاء الله مافيني اراجعهم وادوخ راسي معهم ادري ماراح استفيد شي والله يعطيكم العافيه على الايظاح وبالتوفيق للجميع

مو صحيح ما راح تستفيد شي ، أنا أكثر من مرة تصير لي أخطاء و مشاكل و أروح الجامعة و أحلها بنفسي !

صح إنها موب بالسهولة ، لكن في النهاية بتاخذ حقك بإذن الله !

على فكرة أنت طالب جامعي و بتتخرج ، إيضاح تكتب كذا بالضاد ليس بالظاء : )