الاختبارالبرمجه 2 لشمال جده ((رايكم بالاختبار؟))

[amar6969]

سلام عليكم

والله الاختبار اليوم شي فوق الوصف

بالنسبه لي الكود كان اصعب شي

سويت كود يشهد بيه التاريخ العالمي كلو هههههههههه

بس حبيت اشوف كيف ابدعتو

[مهموم والله]

اختبرتو بدري نحن فرع الجامعة يوم الخميس بعد القادم إن شاء الله ..

كيف الاختبار ياغالي وهل طلبوا كتابة الكود بطريقة معينة يعني استخدمتوا بالكود كل شيء الفنكشن والسويتش واللوب ..؟؟ ولا جابوا لكم شيء واحد بس ..؟؟

والاختبار ياريت تذكر لنا كيف نظامه اختيارات وكتابة كود فقط ..؟؟

وبالتوفيق لك ان شاء الله وعقبال الفل مارك انت وبقية الشباب ..

دُمت بخير

[Life as Game]

حسبنا الله عليهم ..
حشرونا الاسبوع دا كلو اختبارات ..حسبي الله عليهم حسبي الله عليهم
ما تتصوروا طلب بحث الاساليب اليوم..واختبار حوسبة السبت اللي راح ..وارجل واحد جاب 21 من 25
والثلوث اليوم اختبار برمجة مررة وقت ضيق واسألة كتيرة والدرجات على اخر سؤال 10 والباقي من درجة وتلاتة ..والخميس اختبار ثقافة والسبت اختبار احصاء ,,
حسبي الله عالسبب في الاهمال دا ,,يتركوا الدكاترة يلعبوا في فينا لعب ,,

[mgm]

والله الاختباار يمكن اصعب شي فيه الكوود<<ااحس الدكتوور بتنحول عينه الين ما يفكك الطلاسم الي كتبتها


والشي الثاني الي يرفع الضغط الوقت مااافي وقت بالعاافيه المرااقب خلااني اكمل الكوود <<

الله يستر ياباااشاا وان شاء الله تكووون الدرجاات احلى من الحووسبه بكره يجييك طاارق وان شاء الله خير

[Life as Game]

المشاركة الأصلية كتبت بواسطة mgm الله يستر ياباااشاا وان شاء الله تكووون الدرجاات احلى من الحووسبه

قابلني لو طلعت احلى من الحوسبة ..اصلا كان لعبة بجنب البرمجة

بكره يجييك طاارق وان شاء الله خير

مين طارق دا ؟؟
ترى ما اعرف الدكاترة الا بأشكالهم والله خخخخخ ,,
لايكون حق الحوسبة ؟؟
بعدين ليش يجيني ..مطلوب امنيا مسلا؟؟
على فكرة سمعت عن المصيبة اللي صارت من الامن ..وطالب مو عارف مين هوا ؟؟
مفروض يطردوا كل الحراس اللي عندنا ويجيبوا غيرهم ..يكفي الازعاج اللي يسببوه عند البوابة

[mgm]

طارق جبر دكتور البرمجه >>خلص الترم وما تعرف من الي يدرسك برمجه


لا حق الحوسبة اسمه اعتقد سليمان ماني متاكد


مطلوب امنيا << لا تعليييييييييييق


مصيبه من حقين الامن لا ما سمعت شي عنها <<مدري من الي ضاحك عليهم وقاايلهم انهم ضبااط

لا البوابة هذي شي ثااني احس واناا دااخل مع البوابة اني جاالس اختبر ف دله

[Life as Game]

المشاركة الأصلية كتبت بواسطة mgm طارق جبر دكتور البرمجه >>خلص الترم وما تعرف من الي يدرسك برمجه لا حق الحوسبة اسمه اعتقد سليمان ماني متاكد

هههههههه ,,
دوبي اعرف انو طارق ..
انتا متأكد انو اللي مسوي توم كروز على قول واحد من الشباب ؟؟ <<المشكلة الادمي دا ما يعرف من الممسلين الا توم كروز

مصيبه من حقين الامن لا ما سمعت شي عنها <<مدري من الي ضاحك عليهم وقاايلهم انهم ضبااط لا البوابة هذي شي ثااني احس واناا دااخل مع البوابة اني جاالس اختبر ف دله

ياراجل ..صارت موصييبة كبيرة ..انطعن واحد من الظباط تحت القلب تقريبا ..
اكيد تعرف الخال اكبر واحد فيهم ..الراجل تلقف على واحد من الشباب عند البوابة يقول ليش تسرع ومدري ايش ,,وسب اهل الطالب
الموهيم
طلع راعي السيارة شنب ساطي و مسح بالسكيورتي الزفلت وانتا بكرامة ..
وطعنو في صدرو بس الحمدلله جات سليمة ..وهرب الولد ..<<من حقون التحظيري

طبعا الكلام كلو اللي فوق منقول من الشباب يعني مو %100 انو الاحداث نفسها ..بس تقريبا حقيقي اللي صار,,
حتى ما تتزكر انو جلسوا ينادوا بأسماء طلاب معينين في اختبار الحوسبة؟
وبس انتهينا ..
والحمدلله عالسلامة ,,
عشان كدا اقترح يتم فصل اي سكيورتي يعتدي على الطلاب ..وخصوصا حركاتهم اللي نشوفها كل صباح .

[amar6969]

والله من جد كاااااي شفتهم ماسكين واحد فاك لهم شنطة السياره ويفتشو محسسيني انو ((احد كدب عليهم قالهم تحرسو قصر الملك عبدالله )) كلها جامعه وطلاب جاين بكتب واقلام ومراسيم ومساحات مدري يفتشو على اش؟؟

[NęMỏỠỗ 90]

يارجل ما عندك احد , باللهي فين ادارة الجامعة (بالاخص وكلاء الكليات) ومنسوبيها يجلسو مع الطلاب ويتكلمو معاهم سواء عن المشاكل اللي سارت . او من ناحية شرح الدكاتره للدروس او اسلوبهم مع الطلاب , والله انو احنا الطلاب اللي ضابطين الجامعه بأنفسنا وصابرين صبر ايوب بس خليها على الله

[Life as Game]

^^
والله انها مقفلة معايا منهم ..رايحين مشاوير وجايين مشاوير وفي الاخير الاختبارات نمص حمر فيها ,,
شرح بالعربي والاختبار بالانجليزي ..وممنوع القواميس ,,طيب انتا دايما تترجم لنا في الشرح مين حيترجم في الاختبار ؟
وادا هما مو قد التدريس بالانجليزي ياخي لا يختبرونا بالانجليزي ,,مو شرح بلغة وكتاب و اختبار بلغة تانية ..

ولا البوفيه الي ماراح اتكلم عنها بس

الله يعديها على خير بس