وش الأفضل من التخصصات مستقبلياً ؟؟؟

[prince2310]

السلام عليكم ورحمة الله وبركاتة

ياخواني

انا ابغى ادرس انتساب إذا شاء الله بس عندي كم سؤال في التخصصات الإدارة التاليه

1- موارد بشرية
2- ادارة الخدمات الصحية والمستشفيات
3- إدارة التنظيم والتطوير الإداري

يعني بالنسبه لكل تخصص بعد التخرج وشو الوظائف المتاحه لهذه التخصصات الثلاثة و وشو الشركات اللي تاخذ من هالتخصصات

[حسن الياسين]

اهلين يا برنس
مسائك عسل ان شاء الله

تسأل عن التخصصات
انا بقول لك رد يمكن تستغربه شوي
لكن انا ماراح اقول لك هذا او هذاك افضل انا بقول انت وش تحب
او بالاصح انت وين تلقى نفسك فيه بأي تخصص
وين تشوف انك ممكن تبدع بأي مجال
كل واحد بعيد عن الثاني خصوصا اداره الخدمات الصحيه هذي تتبع وزاره الصحه وخدمتها غالبا حكوميه
موارد بشريه تشمل قطاع خاص وعام
وايضا التطوير والتنظيم الاداري

بس كل هذا لايهمك انت شوف وش يخدم مصلحتك اولا ووين تلقى نفسك وين تحس انك ممكن تتبتكر وتبدع بالمستقبل عشان تقدر تثبت وجودك وتسبق غيرك بمراحل

وبما انك باقي مادخلت الجامعه اذن عندك وقت كبير للتفكير
فكر برواقه وهدووء
وعسى الله يوفقك ان شاء الله
تحياتي يالغالي
اخوك
حسن الياسين

[prince2310]

ياخوي حسن بالصراحه انا افضل الخدمات الصحية لكن هل بعدين فيه وظائف لها وهل راتبها معقول انا احين شغلتي سكرتير في شركة لكن انا افضل شئ في المستشفى بس انا اللي ابغى اعرفه مضمون هالمسار ولا بعدين اتورط بالشهاده ؟؟؟؟

[حسن الياسين]

هلا يالغالي حلو يكون عندك هدف واضح وشيء انت تحبه مثل ماقلت لك

الراتب هذي امور ماليه ماتدري بعد ماتتخرج كيف راح يكون الوضع الاقتصادي للبلد وقتها
لكن بكالريوس تخصص اداره مستشفيات انا اقول تخصص طيب والدوله خصوصا وزاره الصحه
متجهه بشكل مكثف الى الصحه بعد التعليم
وتعتبر اكبر ميزانيه تصرف من الدولى لأحد قطاعاتها الحكوميه
اذا كان الفنيين المتخرجين من الاكاديميه الصحيه يستلمون بحدود 7000 ريال
فما بالك ببكالريوس اكيد يكون الراتب طيب ان شاء الله

اتمنى لك التوفيق يالغالي وان شاء الله اشوفك مو بكالريوس تكمل للماجستير والدكتوراه بنفس تخصصك
تحياتي
اخوك
حسن الياسين

[prince2310]

تسلم ياخوي على ردك المباشر لإستفساري

بس هم ودي اسمع آراء ثانيه ابغى اجمع اكثر من رأي

اخوي حسن ابغى اعرف بعد التخرج من مسار إدارة الخدمات الصحية هل ضروري اروح الهيئة السعودية للتخصصات الصحية علشان آخذ شهادة وإذا كانت ضرورية هل الهيئة تقبل شهادة الإنتساب