كيف معدلي كويس افيدوني بلييييز

[ام ريمي]

سلام
انا باقي 10 مواد واتخرج ان شاء الله ومعدلي 3.16 وطبعا حملت الترم اللي فات 3 موااد عارفه صعبه بس اش اسوي المهم حملت الصوتيات للمره الثانيه وعلم الاصوات والدلاله والحين اخذتهم من جديد الترم ذا بس اخذت اربع مواد بس الصوتيات وعلم الاصوات والدلاله والشعر كنت ابي اعدل واخلي علم الاصوات الترم اللي بعده بس ماسمحلي النظام قلت الترم اللي بعد اخذ كمان 4 مواد اللي هي الادب الحديث وشكسبير واللغويات الاجتماعيه وحلقه بحث في اللغويات والترم الثالث اخذ التدريب ولغويات تطبيقيه طبعا مااقدر اخذ اكثر من 4 لانه عندي مسؤليات كثييره مايمديني واخاف اخذ اكثر واخذ f لذالك مارح اضغط على نفسي شويه شويه والدنيا مو طايره .
اش رايكم ياحلوييين تمااام كذاا ولا اعدل فيه ادوني نصيحه ربي يسعدكم .

[الايمان نبض الحياه]

تمام نظام الاربع مواد يعطيك وقت اكثر للمذاكره والتركيز

وحاولي ترفعين معدلك ، كنت بقولك تفصلين بين الصوتيات وعلم الاصوات لكن بما ان الوقت انتهى خلاص

توكلي على الله وشدي حيلك ،، بالنسبه للدلاله اذا كان نفس منهجنا دسم نوعا ما لكن سهل

الشعر مو صعب اكيد عندك خلفيه عنه من المقدمه

ابدأي بالمذاكره من الان ، اسمعي المحاضرات المسجله ، شوفي الشروحات باليوتيوب للاشياء اللي تصعب عليك

موفقه

[nour al3mr]

وعليكم السلام و رحمة الله و بركاته
الله يعوضك خير بباقي الأرآم و تتوفقي
خذي موآد قليل من التخصص و احرصي أنك توازني بين الأدبية و اللغوية
و أضيفي مادة حرة إضافية حتى و ان كنت درستي عدد الساعات المقرر عليك

الصوتيات وعلم الاصوات والدلاله والشعر الادب الحديث وشكسبير واللغويات الاجتماعيه وحلقه بحث في اللغويات التدريب ولغويات تطبيقيه

الصوتيات / اللغويات الاجتماعية / الشعر / مادة حره
علم الأصوات / علم الدلالة / شكسبير / اللغويات التطبيقية
حلقة البحث / التدريب / الادب الحديث

* درستي النقد الأدبي ( criticism ) ؟

[lo0ola.h]

الله يكون بعونك اختي...

بس بسالك مين كان يدرسك الاصات وعلم الاصوات؟؟؟
لاني نزلت المادة وخايفة احملها لانها مابتشرح :(

[ام ريمي]

شكرا للي ردوا علي الله يعطيكم العافيه .
انا اخذت الصوتيات وعلم الاصوات مع ليلي هاشم بس للامانه اسئلتها حلوه لكن اتوقع انا مو فاهمه المواد صح والله يوفقنا ونعدي هالمره