طلاب وطالبات اللغة الإنجليزية دفعة 10 تعليم عن بعد.......

[برتني]

ازيك يااااااااااااااااا ساطع بيه !!

اختبرت ولا اجلت ولا وش سويت ؟

[الســــــــــاطع]

المشاركة الأصلية كتبت بواسطة برتني ازيك يااااااااااااااااا ساطع بيه !! اختبرت ولا اجلت ولا وش سويت ؟

هلا بالست برتني,,,, الحمد لله اختبرت وربك يجيب مطر....

بس انا مئلتلكش ياختي... طارق سيدا في الريدنق جاب 19 كلمة والفراغات 5.... شفتي الزاي.

وكمان نفس نوذج اسئلة الفصل الماضي عشان عراف ان الطلاب ما راح يركزون عليها كتير....

[برتني]

طارق سيدا هذا ملاحقكم ... الله يعينكم يارب

ان شاء الله تعديها على خير .. تفائل بالخير

كرهته وانا ماعرفه .. اعوذ بالله

[أبو أحمد%]

ابشركم نزلت درجات الlistening
and writing

[مروى سكر]

يعني اعقلها واتوكل والله يوفقكم ياااارب حمستوني

ان شاء الله ربي يوفقني هو بالنسبة ليه حلم لكن انا تؤثر عليه الاحباطات

الشكر الجزيل للكل

[برتني]

اعقليها وتوكلي .. ولا تخلين احد يحبطك ابد

[Last Hope]

اذا تبي رأيي! التخصص صحيح حلو وممتع لكن صعب اذا اجلتي مذاكراتك
طبعاً ماحد يبغى يحبطك وكمان لا تخلي احد يحبطك لكن! ادرسي الموضوع كويس واستخيري!
بقولك دا الكلام لاني من التخصص والمواد متعمقة اكثر بالادب الانجليزي رح ناخدها بالتفصيل الممل
يعني رح نتعمق باذن الله بالقصص الادبية والروايات والشعر وفي منهج خاص لشكسبير
اذا تشوفي نفسك تحبي هذه النوعية من الادب فتوكلي ع الله واختاري التخصص.
تقدري تعرفي المواد اكثر اذا دخلتي ع الاوديوس، شوفي الخطة الدراسية
وموفقين ان شاء الله يارب :)

[الســــــــــاطع]

المشاركة الأصلية كتبت بواسطة برتني طارق سيدا هذا ملاحقكم ... الله يعينكم يارب ان شاء الله تعديها على خير .. تفائل بالخير كرهته وانا ماعرفه .. اعوذ بالله

انا اختبرت عند السيد سيدا, صراحة الإختبار كمان كويس وحسيت نفسي حليت زين وأعمال السنة زينة بس المشكلة في طريقة تصحيحه......

[أبو أحمد%]

شباب في احد اخذ الترم الماضي مناهج بحث
اعطوني فكرة عن المادة
لأني حاب اضيفها الترم القادم

[برتني]

المشاركة الأصلية كتبت بواسطة أبو أحمد% شباب في احد اخذ الترم الماضي مناهج بحث اعطوني فكرة عن المادة لأني حاب اضيفها الترم القادم

راح اعطيك فكره عن الماده .. لانو ما اعتقد في اختلاف بين الشباب والبنات في هذي الماده
الماده .. تسوي بحث عن قصه قصيره غالبا او طويله مافي فرق

تتكلم عن حدث رئيسي بالقصه .. >> انا مثلا تكلمت عن قصه قصيره تحولت لفيلم

عن بنت حاولت الانتحار ودخلوها المستشفى وقالو لها انو باقي معاك اسبوع عشان تعيشي وبعدها بتموتين

واتكلمت عن الانتحار بالقصه وكيف انو الانتحار مو حل .. وكيف انو مو كل الناس محظوظين زي
بطله الفيلم هذي .. وجبت احصائيات بالمنتحرين في العالم وفي امريكا

وفي خطوات معينه تمشي فيها مع الاستاذ حبه حبه الى ماتخلص بحثك بشكل نهائي .. وتجيبه معاك يوم الاختبار


الاختبار


يجيبو لك قطعه وانت تطلع الاخطاء اللي درستها طول الترم في طريقة الاقتباس مثلا او في علامات الترقيم

ويجيبو لك وورك سايتد << هذي نفس المراجع اللي اخر الكتب غالبا تجي .. انو تكتب اسم الكاتب وبعدين الكتاب وبعدين تاريخ النشر والناشر ... اشياء ماراح تعرف قصتها الا اذا انشرحت لك


الماده بشكل عاااااااااااااااااااام ... معقده بشكل مبسط << اتحداكم تترجموها خخخخخخ

احلى مافيها لما تشوف بحثك كااامل بعد تعب وجهد ... ولما تنجح وترتااااااااح منها
وكل مواد المستوى الخامس تجيب الهم منجد .. يعني خلص بدري وامش ع الخطه عشان ماتتراكم عليكم المواد الصعبه للاخير ويطيح المعدل مررررره وحده