موضوع يخص طلاب كليتنـا ،، الرجاء الدخول :)

[سملّق :)]

السلام عليكم ورحمة الله وبركاته


بدون مقدمات ..


انا طالب في الكلية ... وكل شوي أدخل اشيك على المنتدى " حالي كحال اي طالب "

وبصراحة انا لاحظت ان هناك مشكلة صغيرة في هذا القسم بالذات من المنتدى

وهي أن هذا القسم يتمتع بحوالي 90% من السيطرة الانثوية

اللي خلاني أعطني هالنسبة الكبيرة .. هي عدد المواضيع في الصفحة الرئيسية

التي إن لم تكن كلها فأغلبها ( يخص الطالبات ) !!

ياجماعة المشكلة ماهي بسيطة .. زي ماتعتقدون !
المشكلة تفاقمت ومازالت تتفاقم ..


ياجماعة ،، والله لتدخلون المنتدى يوم من الأيام " لو سكتنا عن هذا الوضع وبقينا صامتين "

وتجدون أن ((((( لا شيء هنا يخصكم )))) !!!


ياأخوان هذا المنتدى فُتح للطلاب والطالبات !! فُتح عشان نستفيد منه كلانا

وليس طرف دون الآخر !!

فلماذا هذا التقاعس من الطلاب في كتابة المواضيع والمستجدات التي تحصل كل يوم !

لماذا يكتفي الطالب بأن يلقي نظرة في " محتويات المنتدى والتي لا تخص الا قسم الطالبات " ويخرج ؟

اصبحنا لا ندري ماذا يحصل لنا وماذا حصل ،، !!

اصبحنا لا ندري هل نزلت جداولنا !؟؟؟ تخصصاتنا ؟؟؟الحذف والاضافة ؟؟

حتى وصلت لمرحلة أني صرت اتابع مستجدات الكلية والتخصصات والحذف والاضافة الا مع مواضيع أخواتنا الطالبات !!


وأنا أعرف وواثق ثقة تامة أنها لا تخصنا نحن كطلاب ! ولكن ........ ( ماذا عساني أفعل ؟ ) !



يا أخوان ملاحظة صغيرة ::

هذا الكلام أعتبروه عتب مني .. اعتبروه عتب بين الاخوان

يا شباب أرجوكم رجاء خاص نبغا تفاعل ارجوووكم .. اكتبوا اي شيء يا شباب

حتى لو موضوع سامج .. اكتب .. ياخي يمكن يطلع مهم لشخص ما في مكان ما !

ابغا اشوف موضوع يخصنا نناقشه كأبناء كلية واحدة وتوجه مهني واحد !!

أكتب يا أخي الكريم اي شيء يدور في راسك .. فكرة ! نقاش ! سؤال !! أقتراح ! خبر جديد !! خبر قديم !!

اي شيء أييي ششششيء !



..........

ختاماً :

أحب أقول لأخواتنا الطالبات اللاتي يشاركننا هذا التخصص وهذه الكلية ويُعتبرن زميلات لنا :

هذا الكلام ليس لكم ولا يخصكم ... فأنا إنسان واعي و لست عنصرياً

وأنا أعرف دوركم الكبير والفعّال في المنتدى ، وأقدر لكم هذا الدور

وكم من مرة استفدت من مواضيعكم الجميلة ..

ولكن هذا الموضوع هو " عتب على أخواني الطلاب " على قلة نشاطهم في المنتدى والقسم :)

الى درجة أني لما دخلت اليوم المنتدى فجأة

أكتشفت أن كل مايحصل في القسم هذا هو " للطالبات فقط " حتى حسيت نفسي غريباً !

حسيت اني ماني معاكم في الكلية !!

........


في الختام أرجوا أن يكون هذا الموضوع سبباً للتغيير .. ولو نسبياً .. وصلى الله على نبينا محمد :)

[S.Bn]

Atj

^^

هذا الشخص يعاني من نفس المشكلة

[أبو دانتي]

أي والله أنك صادق بس المشكلة مو من خواتنا الطالبات !!
المشكلة مننا حنا :\

حتى بعض المرات أستفسر عن حاجات بالكلية يردون علي الطالبات ما شاء الله عليهم ههههههه

[мαѕooяy]

اول شيء استهدي بالله ،
عن نفسي مآقرأت كل الموضوع لأن يخص الأولاد اكثر
بس بقلك شيء ، أنتوآ أول ترم بتكونوآ هنا بالمنتدى
بعد كدا حتختفوآ زيهم ،
والسبب أنوآ لكم تجمع ثاني الشباب كلهم هناك ويتناقشوآ يوميا :)
هو قروب عالفيس لكلية الحاسبات ،
للأسف ماعندي القدرهـ اعطيكم الحسآب لانه ممنوع من المنتدى
لكن ان شاء الله واحد من الشباب يعرفكم عليه


ترى احنا كمان عصبنا بعدين لمينا عفشنا وشفنالنا مكان ثاني
بالتوفيق

[سملّق :)]

^

وأنا هذا اللي اقصده في كلامي

المشكلة ماهي من الطالبات .... المشكلة من قلـة مشاركة الشباب في المنتدى

الطالبات لولا الله ثم هم ،،، كان مداهم فصلوني من الكلية خخخخخخ

بالعكس انا اللي اقصده أني اتمنى ان يكون مجهود الشباب وعملهم في المنتدى زي 50% من عمل ومجهود اخواتنا الطالبات الله يجزاهم بالخير :((

[ATJ]

قلبي الصغير لا يتحمل :(

فطرت قلبي يا رجل :(

انا تكلمت عن هالمشكله من زماااااااااااااان اعتقد من قبل 4 سنوات ونا اتكلم عنها بس مافي أي تجاوب < صراحه مو 4 سنوات هي تقريباً 3 سنوات < يقال لي ارقع

لآلآ امزح مو 3 سنوات الا سنه وحده .. ولا اقولك ما اكذب عليك قبل اسبوع

المهم يعني انه من زمان ونا اتكلم واتكلم واتكلم الين جف الحبر و سال الدمع و العصفور صوصو

طيب شوف بما اني شخص قديم على المشكله و عرضتها على اشهر الاطباء الجراحين و افتو لي بأن هنالك حلين

الاول : نجمع قطّه و نشتري لـ شباب الكلية لاب توب جماعي بحيث ان كل نص ساعه واحد يدخل و يشارك و يعني نسوي جدول .. لأن تعرف اللاب توبات غاليه و صعب كل شخص ياخذ له لاب توب

أو الثاني : اننا نرد على بعض فالمواضيع .. يعني كل هذا الرد مثلاً نخليه موضوع و انتا تسوي اقتباس على ردي و ترد فـ موضوع جديد .. يعني نسوي اننا كثيرين مثلاً

بس عن نفسي انا لو بيدي شي كنت سويته و ما بأبخل على اي شخص بالفائده

و ان شاء الله يوم السبت لو رحت باكتب تقرير عن الملتقى < لأ احد يعتمد اقول لو رحت

ع العموم شكراً على القصيده و صح لسانك < مواصل و جيعان لا تعليق ها

و شكراً

[سملّق :)]

^^^^


أنت مو أنت وأنت جيعان !

على العموم بخصوص الحل حقك يا راعي الحلول ...

اذا كانو طلاب كليـــة

( حااااااااااااااااااسبااااااااااااااااااااات )


( حاااااااااااااااااااااااااااسبااااااااااااااات )


تعرف وش يعني طالب يدرس الحاسب ولا عنده جهاز حاسب ؟؟؟؟


هذا زي اللي يدرسون في تخصص ( علم الفلك )


جالسين يدرسون شيء ،، وهم ماعمرهم شافوه

هذولا لو يحولون على تخصص تربية وطنية أصرف لهم

،،،،،،،،



الا صدق


في تخصص تربية وطنية ؟

[ATJ]

المشاركة الأصلية كتبت بواسطة سملّق :) ^^^^ أنت مو أنت وأنت جيعان ! على العموم بخصوص الحل حقك يا راعي الحلول ... اذا كانو طلاب كليـــة ( حااااااااااااااااااسبااااااااااااااااااااات ) ( حاااااااااااااااااااااااااااسبااااااااااااااات ) تعرف وش يعني طالب يدرس الحاسب ولا عنده جهاز حاسب ؟؟؟؟ هذا زي اللي يدرسون في تخصص ( علم الفلك ) جالسين يدرسون شيء ،، وهم ماعمرهم شافوه هذولا لو يحولون على تخصص تربية وطنية أصرف لهم ،،،،،،،، الا صدق في تخصص تربية وطنية ؟

الله يهديك انا ما قلت رد باقتباس فـ موضوع جديد

وبعدين تقول احنا ليش قليل !

على كلامك يعني الي يدرس هندسه طيران لازم يكون عنده طياره

تخصص التربيه الوطنيه شامل كل التخصصات

من الطب للهندسه للعلوم

اي تخصص يأهلك تصير مدرس تربيه وطنيه

[silver ^_^fox]

انا اشوف انوا قروب الفيس بوك قلل من اهمية المنتدى وهذا حال الدنيا

تعال عالفيس وتلاقي كل الاخبار

[S.Y.M]

سوري بدخل نفسي في الموضوع مع انه مو من صلاحياتي >> ماحب اللقافة ترا

أشوف أنه حتى لو كان فيه قروب عالفيس فإنه مايعوض المشاركة والتفاعل عالمنتدى

أولاً مو الكل عنده حساب بالفيس وحتى لو فيه ممكن مايحب يدخله كثير لانه مضيعة وقت

ثانياً فيه مواضيع ماتقدروا تطرحوها عالفيس لانه للنقاشات البسيطة وبرضو صعب البحث فيه
وغالباً يكثر الهرج الي ماله داعي ويقلب دردشة عادة !!

ثالثاً مافي مانع المشاركة بالمكانين بس كل مكان بالي يناسبه اكثر

وفيه اسباب ثانية لو تبون بس يبيلها عصر مخ >> احب اطلع مشاكل بكل شي


وسوري ع الفلسفة واللقفنة :p


..