طالبات بحث وتدريب سحر الجبروني

[الواهمه]

يابنات انا كمان معاكم عند سحر
بس تليفون الكتب مايشتغل عندها
الحمد لله لقيت مكان ادرب فيه
اتصلوا على جوالها في ساعاتها المكتبية
السبت والاثنين والربوع من الساعة 8 الى 9 ومن الساعة 10 او 11 الى 2
انا رحت سالتها كيف ابدا
قالتلي اول شي اختاري موضوع او موضعين تشوفيها سهله وتلاقيلها مراجع وتعالي نتناقش فيها
وهي اكيد حتسويلنا لقائات
وبالتوفيق للكل
وياريت نساعد بعض

[بيوتي]

بنات إيش الجديد

[بيوتي]

أخر موعد لتسليم البحث بكره
واخر موعد للمناقشه الاسبوع الجاي يوم الربوع

[لجين الشريف]

طمنوننآ كيف الدكتورةة والمنآقشة معهآ كيف !
تنصحوني اخذ معهآ الترم الجآي ان شاء الله ؟

وشكرآ

[memoooo.]

صبــاح الخير

الحمدلله يوم الاتنين ناقشت وكانت المناقشه مع دكتوره

سحر مرره حلوه الحمدلله ماتحسي انها مناقشه

كانها دردشه عن الي كتبتيه بس لازم الوحده

تكون فاهمه الي سوتوا كويس..

سألت عن معنى بحثي

سألت عن اهميه البحث

كمان الدراسات النظريه قالت ماراح اسألك بس سألتني عنها

سألت عن النتايج

وسألت عن الاسلوب الي استخدمتيه لتحليل الاستبانه

كمان سألت عن التقرير وعلى ايش ادربتي في المستشفى

والقسم الفلاني ايش عملتي فيه وايش استفدتي من التدريب

يالله ياارب بعد كل دا تعطيني a+

لجين الدكتوره مره كويسه وتعاملها راقي بكل معنى الكلمه

بس استني تنزل الدرجات ونقولك لو تمام في الدرجات او لا
^ـ^

[بيوتي]

الله يعطيكي العافيه يارب وان شاء الله a+
طمنتيني الله يطمنك
بس ابغى اسالك البحث عند الاستاذه سحر مافي في متطلباته الدراسات النظريه
إيش سألتك فيه وهل إنتي كتبتي في بحثك ولا لا

ومتى كان الموعد تبع المناقشه في اي ساعه وكم ساعه جلستي وفين كانت وعملتها معاكي احد ولا وحدكم
سامحيني على الاسئلة

[memoooo.]

يعني انا الجانب النظري حطيت فيه دراسات لكتاب

وحطيت هرم ماسلو ونظريه الدوافع وفيه نظريه تالته نسيتها

دي النظريات الي سألتني عنها بس شكلها بالعاده ماتسأل احد

عن الجانب النظري امكن انا سألتني عشان شافتها رسمات وهرم

موعد المناقشه كان الاتنين الي فات وجلست عندها تقريبا نص ساعه

كانت تناقشني لوحدي وفيه بنت تختبر ماده محاسبه ووحده تعدل على بحثها

مع الدكتوره التانيه..

ربي يوفقك ويسهلك..

[بيوتي]

قصدي يعني متى في الصباح الظهر ولا ساعاتها المكتبيه ولا متى ؟
سامحيني ازعجتك و
وماقصرتي الله يعطيك العافية

[لجين الشريف]

طمنونآ كيف درجآتكم !
ومعليش وين تدربتو

[لمووووره]

كيف الدرجات يابنات