استشارتكم تهمني الله يوفقكم في الصيفي

[رياض2010]

ببدا في الموضوع مباشرة
إخواني عندي الان 85 ساعة وبنزل المواد التالية
مقدمة في اللغويات
مقدمة في الترجمة
شكسبير
دراما
ابي الكل يدلي بدلوه بداية من المشرفتين نور العمر وأم حمدان والكل جمعيآ بدون استثناء
ولكم الشكر

[mml]

اهلين اخوي
على حسب علمي عشان تاخذ شكسبير لازم تكون ماخذ دراما
شوف لك مادة غيرها

وباقي المواد زي مقدمة بالترجمة ومقدمة باللغويات والدراما انا اشوفها كويسة
بس برضو لازم تعرف مين الأساتذة لانه يفرق .. الأستاذ ممكن يصعب او يسهل المادة

ان شاء الله يفيدونك باقي الأخوان
بس حبيت اسألك ليش 4 مواد .. الي اعرفه الصيفي بس 9 ساعات


موفق يارب

[المحزوون]

المشاركة الأصلية كتبت بواسطة mml على حسب علمي عشان تاخذ شكسبير لازم تكون ماخذ دراما شوف لك مادة غيرها موفق يارب

اختي حنا الطلاب نختلف عنكم .. انتم لابد ان تنهي المتطلب لكي تضيفي المادة بس حنا لو نبي نضيف اي مادة لو من مواد الماستر اضافوها لنا .. كل مافي الموضوع ارسال معاملة الكترونية بطلب المادة وتضاف بدون اي مشاكل .

وانا سمعت اخوي ان صالح بدرة بيدرس الدراما في الصيف واذا هذا الكلام صحيح الي يفوتها غلطااااان

موفق اخوي والوعد في الصيفي ان شاءالله

[saadoony]

المشاركة الأصلية كتبت بواسطة المحزوون اختي حنا الطلاب نختلف عنكم .. انتم لابد ان تنهي المتطلب لكي تضيفي المادة بس حنا لو نبي نضيف اي مادة لو من مواد الماستر اضافوها لنا .. كل مافي الموضوع ارسال معاملة الكترونية بطلب المادة وتضاف بدون اي مشاكل .

أخوي يعني أفهم من كلامك أني أقدر أجمد المواد اللي يدرسها طارق سيده لما قبل التخرج
الأمر الآخر أنا باقي لي الإستماع 2 والكتابه 2 من المستوى الرابع وودي أنزل المواد التاليه :
مقدمه في اللغويات - مقدمه في الأدب - مقدمه في الترجمه فهل بالإمكان ذلك

وانا سمعت اخوي ان صالح بدرة بيدرس الدراما في الصيف واذا هذا الكلام صحيح الي يفوتها غلطااااان

موفق اخوي والوعد في الصيفي ان شاءالله

[المحزوون]

المشاركة الأصلية كتبت بواسطة saadoony أخوي يعني أفهم من كلامك أني أقدر أجمد المواد اللي يدرسها طارق سيده لما قبل التخرج الأمر الآخر أنا باقي لي الإستماع 2 والكتابه 2 من المستوى الرابع وودي أنزل المواد التاليه : مقدمه في اللغويات - مقدمه في الأدب - مقدمه في الترجمه فهل بالإمكان ذلك وانا سمعت اخوي ان صالح بدرة بيدرس الدراما في الصيف واذا هذا الكلام صحيح الي يفوتها غلطااااان موفق اخوي والوعد في الصيفي ان شاءالله

نعم تستطيع ان تضيف المواد التي ذكرت من دون ان تجتاز متطلبها فعلى سبيل المثال انا اجتزت ولله الحمد الصوتيات والنحو واللغويات التطبيقية ولم ادرس مقدمة في اللغويات .

لا تستطيع اضافتها من الاوديوس ولكن تستطيع بارسال معاملة الكترونية بطلب الاضافة .

بالتوفيق اخي ..

[ابو الاء]

المشاركة الأصلية كتبت بواسطة saadoony أخوي يعني أفهم من كلامك أني أقدر أجمد المواد اللي يدرسها طارق سيده لما قبل التخرج الأمر الآخر أنا باقي لي الإستماع 2 والكتابه 2 من المستوى الرابع وودي أنزل المواد التاليه : مقدمه في اللغويات - مقدمه في الأدب - مقدمه في الترجمه فهل بالإمكان ذلك

نعم تقدر ،

انا بفضل الله اجتزت النحو و الصوتيات و علم الاصوات و اللغويات التطبيقية و حلقة بحث في اللغويات

مع اني ما اخذت مقدمة في اللغويات >> متطلبها

ابعد عن سيده >>> تمشي سيده

[رياض2010]

أختي mml الله يجزاك الجنة ويرحم والديك الان طالع من المستوى السادس للسابع لكن ما حدثت البيانات
بالنسبة للدكاتره ان شاء الله يكونون اللي على خاطري
سؤالك عن الأربع مواد والله ما ادري بس حبيت اغامر
شكرًا على مرورك

[mml]

^ اذا على كذا
ضيفها وانا اختك :p
ماشاء الله عليكم .. عندنا تعقيد مو طبيعي

اخوي رياض
انا يوم اسألك عن المواد .. اقصد انه الحد الأقصى تضيف 9 ساعات فقط
بس سمعت اشاعة انه ممكن يصير 12 ساعة .. ف حبيت اتاكد منك


موفقين

[رياض2010]

اخوي المحزوون سعيد لمرورك الله يوفقك
بالنسبة للدراما مع سلامة تخوف بس ان شاء الله يطلع كلامك صحيح مع بدرة
وأهنئك على تفائلك
ولك اجمل تحية

[رياض2010]

أختي mml بالنسبة للحد الأقصى 9 ساعات لكن قرات من الاخوان في المنتدى
اللي مأخذ 90 ساعة بامكانه أخذ 12 ساعة
ولك اجمل تحية