تجمع الحاسوبيين والحاسوبيات دفعة 13

[ayosh-md]

دحين احنا اول ترم نحط جداولنا ولا ايش الحكايه
لانو م نزلت الجداول لنا
وابغى اعرف المواد وارقامها وايش افضل الدكاتره لها

[abody ahmed]

انا حطيت كالتالي ..

برمجه 1
محمد غ. عباس مالك (P) >> الي يعرف عنه يفيدنا .. !!!

مقدمة حوسبه

حطيت نفس شعبة هاني سندي .. بس مكتوب tba >> ^^



أساليب الكتابة العلمية

محمد م. منور (P)

نظرية الاحتمالات

ماحددو دكتور لسع ..

الثقافه الاسلاميه لقييت كل الشعب مقفللله ..
تتوقعون يفتحو بعدين ..

[Sly Fox]

سجلت في كل المواد ما عدا البرمجة والثقافة ومادري هل هذه هي الشعب كلها ولا في شعب تانية بتفتح بعدين

[Rayan Alsolami]

سجلت كل المواد عدا الثقافة ..

البرمجة مارضي يضيف عند احمد الزهراني ؟!!
لكن اخذت عند جونثان :)) مدري يمكن اغيره اخاف ما افهم عنده لكن في شباب يمدحوه في القروب ..

[abody ahmed]

المشكله في جونثان .. يقولو شديد في التحضييير والغياب ..

[سح ـآبه]

انا شايفة شادين حيلكم تضبطون الجداول !!!!

طيب انا في فرع الفيصلية لسى مانزلو الجداول صح ؟

[ƨɱƨɱ]

ماشاء الله متسعجلين على رزقكم ...
شوفي جداولكم في الااودس قبل الدراسة باسبوع ..نزلت كلها حياها الله..مانزلت كلها اضيفوا الناقص ..اذا قفلت الشعب او موراضي الاودس.. لاتخافوا روحوا الشوؤون الكلية واضيفوها وقت تبدأ الدراسة..
يعني انا نزلت 3 مواد وكان باقي لي اتوقع الاحصاء والثقافة اضفتهم بنفسي..
بس صحبتي للاسف تمرمطت طول الاسبوع الاول عشان الجدول ..
فانتوا ونصيبكم ..
^.^

[TRNOSHA7]

معليش سؤال مين فيكم انقبل موازي وقدر يضيف المواد ؟؟

لاانو انا مو راضي معايا :(

[MnemoniC]

سجلت مادة البرمجة عند جوناثان ..ترى يمدحونه ولو احد حاب يعرفه منزل فيديو شرح على موقعه
http://kau.cazalas.com/pages/samplelecture.php

بس زي ماقريت يقولون انه مشدد في حكاية التحضير.. الله يعين بس

[Rayan Alsolami]

انا غيرت ما عاد ابيه اذا شرحة كذا صعب تفهم معاه في البداية ع الاقل ..

استنى دكتور اياد يفتح شعبته