إجراءات التخرج , للطالبآت :)

[ساكو]

السلام عليكم ورحمة الله وبركاته
أسعد الله أوقاتكم جميعا
كلمة شكر من أعماق قلبي لكل شخص كآن له بصمته بهالصرح الكبير
من التحضيري لمن آخر مستوى شكرا لكل شخص تحمل اسئلتي وغثاي
وقرقرتي الي ماتخلص من الاعماق شكرا لكم جميعاااا ..
احاول قد ماقدر اعطيكم كثر ماعطيتوني وأكثر والله يقدرني ويكتب اجركم جميعا
حابه اذكر تفاصيل بسيطه تخص طالبات التخرج ~
طبعا النظام الجديد صار التقديم من الاودس يعني تعدلين بياناتك الشخصيه وتتأكدي انها مطابقه للجواز
<< الي حابين يكملون برى ابتعاث وماشابه ..
الي ماعندها جواز عادي جدا مايحتاج تقارن ولا شئ تتأكد من اسمها كيف مكتوب بالعربي وبالانجلش وبس
و تضغط ع كلمة تحديث ..


وعشان تتأكد انها اكملت كل موادها وخطتها تراسل استاذه ندى الوعل او داليا النزاوي
هذي ايميلاتهم ..

أ. ندى الوعل
nmrajeh@kau.edu.sa

أ. داليا النزاوي
D.m.2006_@hotmail.com

هالمره رحت الجامعه عشان استلم الوثيقه ~
طبعا مسار الطالبه عشان تستلم وثيقتها وتخلص اجراءات التخرج
العماده - تصوير الوثيقه والسجل خارج الجامعه - العوده للجامعه او العماده للختم طبق الاصل
انا كنت حابه آخذ توصيات وو بس الكادر ماكان موجود قلت اجيهم بعدين ف ماعرف كيف الطريقه
ان شاء الله نلاقي أحد يفيدنا بهالخصوص ..
ع العموم العماده غيروا مكانهم وصار قريب من مبنى 420
<< مايحتاج أشرح كيف الأجواء من البوابه الغربيه الى الشماليه
وبدون غولف يعني مشيتها غصب وحر الله لايوريكم
ماعلينا وصلت المبنى وسألت عن المركز الشامل اعتقد قالوا بالدور الاول
المهم كان فيه شبابيك اخر شباك ع اليسار كان هو حق تسليم الوثائق و إجراءات التخرج
ماطلبت مني اي كرت العائله ولا بطاقة شخصيه فقط اسمي ورقمي الجامعي بعدين آخر شئ خذت بطاقتي الجامعيه
انا بصراحه سألت وحده من البنات قالت لازم تجيبي الجواز مارح يسلموك الا بالجواز واجيبه ويدي على قلبي من الرياض لجده
خوفي يضيع او انساه :( بس حسافه مادروا عنه
اعطتني ورقه اعبي فيها اخلاء طرف اسمي ورقمي الجامعي والسجل المدني وتوقيعي وبسسس
وورقه ثانيه اوقع اني استلمت وثيقتي .. اعطتني الوثيقه ومعاها السجل الأكاديمي مختم وكلها بملف كبير ..
طبعا لاتنسون تتأكدون من الاسم والسجل الاكاديمي وتاريخ التخرج قبل تطلعون منهم ..
طبعا لازم تاخذون نسخ طبق الاصل و انا اخذت وهنا كانت المشكله
قالوا التصوير برى الجامعه ومافيه مجال ابدا هنا .. بس انا مافيني حيل اطلع برى الجامعه ابدا ابدا
وبعد واسطات وحب خشوم صورت نسختين طبق الاصل ادري شوي وماتستاهل بس ع الاقل استفيد منهم هالفتره ..
وختمتهم من نفس الشباك والحمدلله خلصنا أهم الاجراءات باقي شغلات احتاج أرجع للجامعه اخلصهم بس مبدئيا اجراءات التخرج الحمدلله سهله
بس موضوع التصوير شوي متعب والي حابه ترجع لهم وسبق واستلمت وثيقتها لا تنسى تسوي منها 10 نسخ هي والسجل الاكاديمي وتروح بس للتختيم
وماتاخذ وقت ابدااا .. ونسخ طبق الاصل جدا مهمه ورح نحتاجها بأمور كثيره زي تقديم الوظايف وماشابه ..
الله يوفق الجميع ويكتب لنا ولكم كل خير ولا يضيع لنا تعب يااااارب
اتمنى اني افدتكم ولو بشئ بسيط