أرغب بمعرفة رأسي من قدماي قبل الأختبارات

[الفتى]

السلام عليكم ورحمة الله وبركاته

يا جماعة والله اني مشغول بالمذاكرة خاصة اني تخرج هذا السميستر إن شأ الله و صرت ادخل على خفيف للمنتدى وأشوف مواضيع تخص مقر الأختبارات في المناطق وخايف مادري هل بيتغير مكان اختباراتي ام لا خاصة بأني من سكان حائل ؟؟؟؟؟
اربشونا بقراراتهم اللي دايم تكون غامضة ولا فيها توضيح الله يصلح الحال يا رب.

[nour al3mr]

وعليكم السلام ورحمة الله و بركــــاته

آهـلاً بالعودة خريجنـا الوآعد بإذن لله

الله يعينك ركز في المذاكـرة وخلي المنتدى =)

المنـآطق المتـآحة للاختبارات النهـآية لمــــن أرآد [ الريـآض.. الدمـــام .. القصيم .. أبهـــا ]

الجدول خاص فقط : لطلاب كلية الاداب قسم اللغة الانجليزية وقسم علم النفس " اختبار المناطق " الرياض - الدمام - القصيم - أبها .

يمكنك الاختبار في إحدى هذهـ المنـآطق أو يمكنك الاختبـآر في جدة

جدول الاختبارات في جدة لم ينزل للآن
لكن جدول الاختبارات النهائية للمنـآطق هو ماتم إنزاله في الرابط أعلاهـ

موفق ..

[HaMaD2oO8]

هلاااا بالفتي يالله حيييه شد حييييلك وخلص تكفي هههه فرغ نفسك لمستقبلك ضح باشغالك
واختر القصيم من قريب هههه بعد العيد بيوضحون الاماكن

[الفتى]

المشاركة الأصلية كتبت بواسطة nour al3mr وعليكم السلام ورحمة الله و بركــــاته آهـلاً بالعودة خريجنـا الوآعد بإذن لله الله يعينك ركز في المذاكـرة وخلي المنتدى =) المنـآطق المتـآحة للاختبارات النهـآية لمــــن أرآد [ الريـآض.. الدمـــام .. القصيم .. أبهـــا ] الجدول خاص فقط : لطلاب كلية الاداب قسم اللغة الانجليزية وقسم علم النفس " اختبار المناطق " الرياض - الدمام - القصيم - أبها . يمكنك الاختبار في إحدى هذهـ المنـآطق أو يمكنك الاختبـآر في جدة جدول الاختبارات في جدة لم ينزل للآن لكن جدول الاختبارات النهائية للمنـآطق هو ماتم إنزاله في الرابط أعلاهـ موفق ..

يا ملا العافية يا نوووور ،
والله وانا اخوك مادري وش هالحظ الردي كل هالتغيرات ماصارت الا على عهدنا المدج ج بالعلم مادري شايفيننا دوافير يوم انهم يغيرون خططهم الله يهديهم
الله يخارجنا بس

[الفتى]

المشاركة الأصلية كتبت بواسطة hamad2oo8 هلاااا بالفتي يالله حيييه شد حييييلك وخلص تكفي هههه فرغ نفسك لمستقبلك ضح باشغالك واختر القصيم من قريب هههه بعد العيد بيوضحون الاماكن

هلا والله بخاااالي ،،، وش علومك يا خلفهم عسى أمورك طيبه
والله يا حمد اقراء ولا عدي اقراء بلشت بالترجمة والفهم والتحليل بصراحة الأدب يصعب على البشر اللي مخلوقين من نفس طينتي
الله يوفقك يا الخااال

[HaMaD2oO8]

المشاركة الأصلية كتبت بواسطة الفتى هلا والله بخاااالي ،،، وش علومك يا خلفهم عسى أمورك طيبه والله يا حمد اقراء ولا عدي اقراء بلشت بالترجمة والفهم والتحليل بصراحة الأدب يصعب على البشر اللي مخلوقين من نفس طينتي الله يوفقك يا الخااال

لا دامك خلصت اللغويات اعتبرك من قائمة الدوافير ههههه ذاكر وانا اخوك وشد حيلك وصدقني الشهرين القادمة مفترق طرق في حياتك المقبلة
والادب سهل جدا محتاج فهم وتجميع كلمات والله يوفقك واي مساعدة حنا بالخدمة مع ان المناهج تغيرت

[عبدالله بن عبدالرحمن]

يالبي قلوبكم ياهل حايل

:)
زرت مناطق كثيرة بس مثل طيبهم وكرمهم مافية ...
ورع عمرة 13 سنة وحالف على الا اتعشي عندهم ؟؟؟ولا اعرفة ؟؟؟سالتة عن الطريق ووقفنى...
وشلون ابوة اجل ؟؟؟
يا احفاد حاتم الطائي


اسف مشاركتى خارج الموضوع

[الفتى]

المشاركة الأصلية كتبت بواسطة hamad2oo8 لا دامك خلصت اللغويات اعتبرك من قائمة الدوافير ههههه ذاكر وانا اخوك وشد حيلك وصدقني الشهرين القادمة مفترق طرق في حياتك المقبلة والادب سهل جدا محتاج فهم وتجميع كلمات والله يوفقك واي مساعدة حنا بالخدمة مع ان المناهج تغيرت

يا بعد روحي والله يا حمد ، خيرك سابق ما قصرت الله يوفقك
بس يا خوك ودي بطريقة سهله لمذاكرة الدراما ؟

[الفتى]

المشاركة الأصلية كتبت بواسطة عبدالله بن عبدالرحمن يالبي قلوبكم ياهل حايل :) زرت مناطق كثيرة بس مثل طيبهم وكرمهم مافية ... ورع عمرة 13 سنة وحالف على الا اتعشي عندهم ؟؟؟ولا اعرفة ؟؟؟سالتة عن الطريق ووقفنى... وشلون ابوة اجل ؟؟؟ يا احفاد حاتم الطائي اسف مشاركتى خارج الموضوع

كلامك هذا يدل على طيب أصلك يا الغالي واللي مثلك يستاهل الطيب. ..

[HaMaD2oO8]

المشاركة الأصلية كتبت بواسطة الفتى يا بعد روحي والله يا حمد ، خيرك سابق ما قصرت الله يوفقك بس يا خوك ودي بطريقة سهله لمذاكرة الدراما ؟

اخوي بالنسبة للدراما دكتورها مايمدحه ابو عبدالله هههه بس ماعليك شد حيلك وفي دكتور اعرفه باكلمه لك اذا يسوي ملخص للمنهج مثل ملخص الادب واذا نجحت وتخرجت تعطيني الملخص ههههه