محتاجتكم ضروري ربي يوفق كل من يرد على لاني في امس الحاجه

[المغتربه 2009]

السلام عليكم
انا في مستوى خامس وعندي مقدمه فاللغويات مع الاء وفالترجمه مع منال ومقدمه فالبحث مع ابتسام فكهاني ومقدمه فالادب مع سوزان فكهاني
سوالي ياليت تفهموني اش طبيعة الاسئله وكيف راح تكون
ومادة الترجمه هل الاختبار كله ترجمه من انجلش لعربي والعكس

والي عندها نماذج من اختبارت دي المواد ياليت تساعدني و ربي يوفقكم

[فتى الغربه]

ودي افيدك بس انتوا الظاهر تختلفوا عنا
ان شاء يفيدوك البنات بخبراتهم

[حنين الود]

المشاركة الأصلية كتبت بواسطة المغتربه 2009 السلام عليكم انا في مستوى خامس وعندي مقدمه فاللغويات مع الاء وفالترجمه مع منال ومقدمه فالبحث مع ابتسام فكهاني ومقدمه فالادب مع سوزان فكهاني سوالي ياليت تفهموني اش طبيعة الاسئله وكيف راح تكون ومادة الترجمه هل الاختبار كله ترجمه من انجلش لعربي والعكس والي عندها نماذج من اختبارت دي المواد ياليت تساعدني و ربي يوفقكم

دبدوبه شوفي الترجمه سهله لاتخافي منها بس ركزي لانو فيها ترجمه من عربي لانجليزي ومن انجليزي لعربي خلي معاكي الدكشنري وتدربي على كم قطعه من الكتاب كل مافضيتي وحتحسي نفسك اتطورتي والمنهج مرررره مفيد ورائع
وبالنسبه لدكتوره ابتسام في الانتظام فراغات وتعريفات يادوبك سطرين سهله بالمره اذا قدرت حشوف انزل الهاند اوت الي معانا
ومس الاء لاتخافي بالمررررررررره عسوله واسألتها حلوه تعريف وفراغات ومقالي اشياء واضحه في الكتاب بعض الاحيان عددي وكلها سهلللللله وايش كمان ياربي بس احفظي احفظي وافهممممي المنهج التشابترز الي معاكي ترى قليل وسهل واذا محتاجه حاجه قوليلي
ايش سويتي في البربوزال ؟؟ خلصتيه والا لسى ؟ اخترتي الروايه والموضوع ؟وبالنسبه لاختبار البحث حدورلك الأسئله كتبتها بعد الاختبار حنزلك هيا هنا ان شاء الله

[المغتربه 2009]

جزاكي الله خير من جد ريحتيني بس الادب كيف
وكيف احفط كل الشعراء

[مملكة عمري]

د.سوزان اعتني مادة ثانية
عموما اسئلتها ممكن تجيب كوتيشن وانتي تقولي مين قاله ولمين وايش المناسبة )Short answers(
وممكن اختيارات او صح وخطأ

واهم شي الايسي
في سؤال الايسي لازم اول في الانترودكشن تكتبي اسم الرواية والكاتب وتتكلمي عنها والثيث ستيتمنت لنفس السؤال

[مملكة عمري]

صح د.ابتسام كمان كانت تجيب تعداد
ولازم تحفظي امثلة على انواع الكتب , يعني هي تكتب لك النوع اونتي تكتبي اسم كتاب أو 2 أو 3 لهذا النوع >> ماني مفتكرة كم ..

[المغتربه 2009]

وش هو سوال الايسي يعني كيف راح تجيب السوال وانا راح اكتب من عندي يعني اختار الكاتب الي ابيه ولا كيف

[المغتربه 2009]

على فكره كتاب الاوت لاين مهم
احسه دش على بعضه ولا اش رايكم

[المغتربه 2009]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[شخصية مستهدفة]

أهلين حبيبتي..

أنا انتساب بس اللي فهمته من د/ سوزان عن الاوت لاين ان الفصل الأول ركزي على الاشياء المهمة فيه و بعد كذا الفصول الباقية تحفظي لكل أديب عمل أو عملين من أعماله المشهورة !!! بس .

يعني اللي فهمتوا منها انها حتجيب منه في الفاينال لكن ما حتركز عليه حيكون شي بسيط..جداً زي ما قلتلك كل أديب وعملين من أكثر أعماله المشهورة..!!

بالتوفيق ياعسل