منصدم ومآأدري وش الموضوع , لخبطة مو طبيعية في الأودس !!!!!!!!!

[girl.k.s.a]

وعليكم السلام ورحمة الله وبركاته

لا ان شاء الله انو خطأ
لأنو ياما صارت اخطاء عندي واروح اراجع وتتعدل
وبعض البنات كمان كدا وفي ناس درست مواد خطة الأدبي بالغلط وعادي كملو معانا في العلمي
يعني اغلاط كتيرة بالهبل

اتوكل على ربنا وان شاء الله ما يجيك إلا كل الخير

. . . . . . . . .

أخوي خالد ادا انتا درست المواد اككككككككيد خطأ وشي عادي من كليتنا يصير
اما ادا انك ما درستها فهادي مشكلة لأنو بقي مواد كتتتتيرة وانتا لسا ما خلصت
وبرضو تصير ، بس كيف نزلوا لك مواد ? لاني اللي اعرفو مع الاودس الجديد كل واحد يضيف لنفسو جدول
وإلا عشان لسا ما اتخصصتوا?

على العموم ربي يوفقكم كلكم ويسهل اموركم ولا تقلقوا كل شي يصير لكم خير من ربنا

[ما أصعب الحياة]

المشاركة الأصلية كتبت بواسطة باور هورس اولا اسمحلي اللي واضح انك مو مهتم ولا جاد لأنك دوبك تنتبه ان تخصصك اقتصاد ثانيا تخصص الاقتصاد متاح العلمي والأدبي يعني مو عشان انت دارس تحضيري علمي بيدخلوك تخصصات العلمي فيها مفاضله حسب المعدل ثالثا اي مادة تدرسها غير موجودة في خطتك تدخل في كشف الدرجات والمعدل وبإمكانك تخليها حرة لكن أشوف انك تأخذ حرة واللي درستها الله يعوض عليــــك خاصة اذا درجاتك سيئة فيها لان الحرة دائماً نأخذ مواد سهله نجيب فيها درجة حلوة ترفع المعدل الآن اللي مفروض تسويه انك تعبي ورقة تحديد التخصص وتكتب مستجد اعمال عام وتروح عند الاستاذ مساعد في الشئون التعليمية طبعا اذا كنت تبغى تخصص اعمال عام وقله انك كنت تبغى اعمال عام وحطوك اقتصاد وانك درست مواد اعمال عام اذا وافق وخصصك يصير تختار المواد اللي تبغاها وتعبئ ورقة الحذف والإضافة وتعطيها الشباب اللي في الصالة يضيفولك المواد واذا انك تبغى الاقتصاد يصير تفتح الخطة عندك ( حقت الاقتصاد ) وتشوف موادك وتضيفها اذا باقي مفتوح الحذف والإضافة واذا مقفل تضيفها من الشئون التعليمية والمواد اللي درستها تقدر تخليها حره فقط وتقدر تسحب غليها وهو الافضل وتأخذ حره سهلة زي ما قلت لــك فوق وما يحتاج انك تروح لاحد ولا شيء واللي أتوقعه انه مافي غلط ولا شي انت اخترت اعمال عام وخصصوك اقتصاد لان معدلك ما يسمح وانت اعتقدت انك تخصصت اعمال ونزلت مواد الاعمال بدون ما تتأكد اش خصصوك ما عمري سمعت ان احد تخصص في شيء بعدين غيروه او حتى النظام يصير فيه خلل بس مو يتغير تخصص !

طيب الشؤون كيف نزلتلو مواد اعمال عام وخلته يتمرمط سمستر كامل !!
بما انو من البداية اقتصاد!!!!!!!!؟؟

[khaled.91.11]

المشاركة الأصلية كتبت بواسطة ما أصعب الحياة طيب الشؤون كيف نزلتلو مواد اعمال عام وخلته يتمرمط سمستر كامل !! بما انو من البداية اقتصاد!!!!!!!!؟؟

لسببين:
الأول/ أنه زحمة وما حيقدروا يدققوا لكل واحد
الثاني/ أنه في الأول والأخير الطالب هو المسؤول عن جدوله وعشان كذا لما نروح نبغى نزل مادة من الشؤون يخلونا نعبي ورقة ونوقع تحت

[ما أصعب الحياة]

المشاركة الأصلية كتبت بواسطة khaled.91.11 لسببين: الأول/ أنه زحمة وما حيقدروا يدققوا لكل واحد الثاني/ أنه في الأول والأخير الطالب هو المسؤول عن جدوله وعشان كذا لما نروح نبغى نزل مادة من الشؤون يخلونا نعبي ورقة ونوقع تحت

مقنع