جديدة مو دارية عن الدنيا ..ساعدوني في الجدول <<

[دودو خالة لولو]

السلام عليكم...
ساعدوني في وضع الجدول ...



انا ماابغى انزل مواد القسم الجديدة (الشباب وقيم المواطنة- مقدمة في العلوم الطبيعية- الفكر الفلسفي في ضوء الاسلآم)

فاقول انزلها الاترام الجاية ...
يصير جدولي ...

ثقافة 2
قراءة 1
كتابة 1
استماع تحدث1
عربي 2

كذا تصير 14 ساعة ..

ممكن كمان اضيف مادة حرة ...
اش رايكم.. ولا كذا كفاية اخاف اضغط نفسي
اتمنى المشورة ..

وكمان طلب رشحو افضل الاساتذة للمواد اللي حنزلها

جزاكم الله خير
<<مالي غيركم بعد الله

[ام حمدان]

وعليكم السلام ورحمة الله وبركاته

هلابك عزيزتي :)

افضل تاخذي 6 مواد
عادةً ناخذ المستوى الثالث والرابع 6 مواد ونتخلص من مواد البيسك حتى نخفف الضغط علينا في المستويات الي بعدهم

ولاتخافي اذا كنتي مجتهده وتذاكري اول باول فامراح تحسي بالضغط من 6 مواد

زيدي حره اذا كنتي مو حابه تضيفي شي من المواد الجديده

بقيه استفساراتك مااقدر افيدك عنها لانه مو عارفه مين بيعطيكم موادكم

إن شاء الله غيري يفيدك

وياليت ياعسوله لو عندك استفسار ثاني تكتبيه في الموضوع المثبت تبع الاستفسارات وإن شاء الله بنرد عليك

موفقه ياعسل

[nour al3mr]

وعليكم السلام ورحمة الله و بركـــــآته

بدآية أبارك لك التخصص بعد ساعات من القلق ^^
الله يجعله خير لك ويوفقـــك

آما جدولك فحسب طاقتك و مخططك للتخرج ..
إن اردتي التخرج بالمدة المحددة 4 سنين ستحتاجي ان تدرسي 6 مواد .. اما إن كانت لا تفرق لديك فخذي 5 موآد

3 موآد تخصص + فرنسي + ثقــــآفة

أو 3 مواد تخصص + عربي + ثقــآفة

موفقة ..

[mml]

وعليكم السلااااااام والرحمة

منوره ^^
انا ماراح ازيد ع كلام الاخوات
مسألة تاخذين 5 او 6 مواد راجعه لك
يعني ع حسب قدرتك
لاني اشوف 6 مواد ضغط شوي خاصة انك توك بالبداية ويبيلك تركزين ع مواد القسم
والله شوفي اذا عندك القدرة تاخذين 6 مواد قو اهيد
اهم شي تذاكرين اول باول
واذا حابة تضيفين ماده حره حلوه ومافيها اي ضغط
عندك سيره نبويه مررره سهله وكلها معلومات انتي عارفتها
عن حياة الرسول والخلفاء الراشدين


بالنسبة للاستاذات
انا اذكر اخذت واحد من مواد العربي ماذكر 1 او 2
المهم كان مع حنين الدعجاني وكانت كويسه الصراحه واسألتها سهله
بس هالكلام قبل سنه ونص مدري اذا تغير اسلوبها
روحي منتدى قسم العربي واسأليهم


استماع 1 كان مع د.صفاء منصوري مررره كان حلو
مدري اذا بتدرسه هالترم او لا

قراءة وكتابة 1 كلهم كانوا مع رشا
اممم رشا شوي دقيقه ع التصحيح
شوفي اذا في ابرار مجددي مررررررررره كويسه

ثقافة ماتذكر من اخذت معها
بس عادة مايفرق الاسئله موحده وغالبا كلها اختياري
لاتشيلين همه


واذا احتجتي اي شي انا حاضره^^

الله يوفقك

[قمر بين النجوم]

اعتقد ان الاخوات سبقوني يعطيهم العافيه
بس بخصوص 5 او 6 مواد , انا اشوف تاخذين 6 لان المواد الموجوده كلها سهله
والله الله في المذاكرة ترى المستويين هذي الثالث والرابع تحدد معدلك بشكل كبير
بالتوفيق لك

[nour al3mr]

^
فعلا المعدل في المستويات الاولى يرتفع بسهولة .. اما بالمستويات الاخيرة فيكون ارتفاعه بطيء و قد يثبت

[mohshehri]

انا كان جدولي كالتالي قراءة1 , استماع وتحدث 1 , كتابة1 , ثقافه اسلامية 2 , عربي 2 , فرنسي 1

واتوقع الفرنسي واحد لازال موجود بس الفرنسي 2 هو اللي شالوه والله اعلم وبالتوفيق

[nour al3mr]

^
فعلا ما انحذف هو فرنسي 2