ساعدوني:( .. اختبار القبول في قسم اللغة الانجليزية..(فرع السليمانية)

[سديم خالد]

السلام عليكم و رحمة الله و بركاته..

انا سجلت لاختبار قبول قسم اللغة الانجليزية و الاختبار على بداية الدراسة ان شاءالله(:


الله يسعدكم ابغى منكم اللي قد اختبرتوا في هذا الاختبار.. أو اللي ما اختبرتوا لكن تعرفوا معلومات عنو..

طبعا طريقة الاختبار يجيبوا موضوعين..و أنا اختار واحد منهم و اكتب عنه بارقراف..


ايش هي النصايح اللي تنصحوني فيها للاختبار؟؟

و ايش هي المواضيع اللي قد جاتكم او سمعتوا انها جات لزميلاتكم؟


و لمن اكتب بارقراف حيكون ثلاث اقسام: 1ـمقدمة 2ـالموضوع 3ـخاتمة
لما ابدأ في كل قسم اترك من بدايته مسافة كلمة؟

ولا بس المقدمة اللي في بدايتها مسافة كلمة؟



بلييز الله يسعدها و يوفقها اللي تقولي ولو معلومات بسيطه

[خـا!لـد]

وعليكم السلام ورحمة الله

في بداية كل براقراف تتركين مسافة خمس أحرف أو مسافة ضغطة زر tap في الكمبيوتر

في فرق بين كتابة مقال وكتابة براقراف.


*طريقة كتابة البراقراف:

في كتابة البراقراف نترك مسافة خمس أحرف في البداية، بعد كذا نكتب الكلام كله مرة وحدة وخلاص ،المقدمة.. النقاط اللي بتكلم عنها،، ونكتب تفصيل أو تحليل كل نقطة، بعد كذا الخاتمة.

____________مقدمة_مسافة

_______تفصيل_________نقطة__
________تفصيل_______نقطة___
_____تفاصيل__________نقطة___
______خاتمة____________

(قد تبدأ الخاتمة في نص السطر اللي قبل الأخير مثلاً).



*طريقة كتابة المقال essay

طريقة كتابة المقال هي نفس طريقة كتابة البراقراف ولكن نضع كل جزء في براقراف لوحده وطبعاً نترك مسافة خمس أحرف في بداية كل براقراف.

_________مقدمة___مسافة
_____________
_____________

__________موضوع___مسافة
________تفاصيل______
______________


_________موضوع____مسافة
_______تفاصيل_______
______________

_________خاتمة___مسافة
______________
______________

[سديم خالد]

شككرا جزاك الله خير (:

[white rose]

وعليكم السلام ورحمة الله وبركاته

حياك الله اختي الكريمة وافادك اخي المستشار الفاضل الله يجزآه الجنة

ايضاً بالرابط اختبار زميلاتك بالترم الاول : http://www.skaau.com/vb/showpost.php...45&postcount=4

وكذلك هذا الرابط اقرائيه بالكامل راح يعطيك افكار ويساعدك على تطوير نفسك : http://www.skaau.com/vb/showthread.php?t=706092

بالتوفيق :-)

[rana xx]

متى موعد التسجيل انا رحت عندهم وقالو مافي تسجيل الان ضروررررري ردي الله يسعدكي

[rana xx]

وكمان وين رحتي سجلتي الله يجازيكي الجنه

[سديم خالد]

المشاركة الأصلية كتبت بواسطة rana xx متى موعد التسجيل انا رحت عندهم وقالو مافي تسجيل الان ضروررررري ردي الله يسعدكي

ليش مافي تسجيل؟؟

انا رحت قبل اسبوعين اظن ما افتكر

قصدهم انه قفل التسجيل ؟

[سديم خالد]

المشاركة الأصلية كتبت بواسطة rana xx وكمان وين رحتي سجلتي الله يجازيكي الجنه

سجلت في كلية الاداب و العلوم الانسانية

في غرفة 136 عند السكرتارية

في الدور الارضي تلاقي الغرفة على يسارك

[سديم خالد]

المشاركة الأصلية كتبت بواسطة white rose وعليكم السلام ورحمة الله وبركاته حياك الله اختي الكريمة وافادك اخي المستشار الفاضل الله يجزآه الجنة ايضاً بالرابط اختبار زميلاتك بالترم الاول : http://www.skaau.com/vb/showpost.php...45&postcount=4 وكذلك هذا الرابط اقرائيه بالكامل راح يعطيك افكار ويساعدك على تطوير نفسك : http://www.skaau.com/vb/showthread.php?t=706092 بالتوفيق :-)

الله يسعدك و يووفقك ..مشكووووره


بس في سؤال..
هو الاختبار بس نكتب 10 جمل؟ .. ولا 150 كلمة؟؟

[white rose]

المشاركة الأصلية كتبت بواسطة سديم خالد الله يسعدك و يووفقك ..مشكووووره بس في سؤال.. هو الاختبار بس نكتب 10 جمل؟ .. ولا 150 كلمة؟؟

واياك يارب اختي الكريمة

تكتبين 10 جمل اقل شيء وتقدرين تزيدين اذا حابة بس الافضل تلتزمين بعشرة جمل عشان لا يكون عندك أخطاء بالقرامر او الاسبلنغ ولا تنسين تحطين عنوان للبلجراف بالنص قبل لا تبداين الكتابة

الله ييسر لك كل خير ويوفقك :-)