الايساااااااااااااااااااااااي

[الطالبه الأم]

سلام
ياجماعه انا اخذت الرايتنق ذحين
واللي اعرفه ان الاختبار حقه ايساي بس
تيب كيف اذاكر الايساي
كيف اتدرب عليه
ماني عارفه بصراحه دلوني على طريقه تكفووووووووون

[Andalus ~]

شوفي ياقلبي انا اختبرت دي المادة من سنة و نص
لكن اللي افتكره مزبوط انو اللي نجحني في هالمادة بفضل الله

ركزت على الفواصل و النقط
كثرت من دي الكلمات However , but , in addition , also
و غيرها من دي الكلمات حسيتها اني مطبقة لقواعد الكتابة
و يبقى شيئ مرة مهم و هوة تكتبي الأسماء والشهور والأيام
أول حرف كابيتال و دايما البنات ينسو يكتبو عنوان الإيساي عالورقة
وينسو يكتبوه كابيتال .. أي كلمة بعد النقطة لازم تكون كابيتال
و الأهم من ده كله لمن تبدئي تكتبي تسيبي فراغ مسافة خمس أحرف
كل ما خلصتي براغراف مو بس في البداية

شوفي هادا ايساي مكون من 4 براغرافات
أقرئيه بتمعن و أسالي نفسك

http://wadhha.blogspot.com/2009/01/m...riendship.html

كيف كتبت المقدمة ؟

حتلاحظي انها جابت معلومة عامة عن الصداقة كلنا عارفينها
ويمكن يسموه التوبيك
بعدين كتبت وجهة نظرها عن الصداقة على شكل نقاط

كيف اتعمقت (البودي) ؟

بعد ما كتبت النقاط في المقدمة بدأت تتكلم عنهم بإسهاب و بتفصيل
عشان كده اتشكل عندها براغرافين و الله لو تكتبي المقدمة مزبوط
حتلقي البودي ينكتب من حاله هههههههههههههههههه

كيف ختمت ؟

بالنسبة لي انا شخصيا ،، كنت دايما أدور على عبارة أبدأ فيها الختام
مثلا at the end , finally , in conclusion
عادة الختام يتكلم عن أهمية الموضوع اللي كتبتيه
مثلا البراغراف الاخير تكتبي عن أهمية الصداقة بعد ما أعطيتي تعريف لها في المقدمة و كتبت رأيك و أسبابك و شرحتيهم بعدين اختميها بأهمية الصداقة للإنسان

مثلا لو الموضوع عن الــ junk food
تكتبي في المقدمة ايش هوة الجنك فود و أسباب حبك وحب الناس لده الأكل مثلا
و تشرحي الأسباب بعدين في البودي
وفي النهاية تختمي با اعترافك عن ضرر ده النوع من الاكل

الحكاية سهلة يا الطالبة الأم
لكن العيب فينا او في مدارسنا اللي ما علمونا ودربونا عالكتابة

دحين انتي ايش تسوي ؟
تطبعي الإيساي عن الصداقة في ده الرابط

http://wadhha.blogspot.com/2009/01/m...riendship.html

وتجيبي ورقة وقلم وتفصفصي المقالة بأكلملها وتشوفي ايش هية التكنيكات اللي استخدمتها
وايش كتبت في المقدمة والبودي والنهاية (تحليل)

بس أسألي نفسك
كيف كيف كيف كيف كيف
وكله يطلع معاكي بإذن الله وحاولي تكثري في الإختبار من ادوات ترابط الجمل
هادا يترك انطباع مبدئي عنك اني فاهمة و بتطبقي استراتيجيات الكتابة

هادا ابط تاني فيلو براغرافات
لا تقريهم وتضيعي وقتك عليهم بس شوفي
كيف بدأو الكتابة .. كيف كيف كيف كيف كيف

http://forum.hawaaworld.com/showthre...881873#Scene_1

ياويلك لو ما فهمتي علية و أبغى دعوة في ظهر الغيب
مو تكتبيلي هية عالنت !!!!!!!!!!!

[Andalus ~]

هادا موضوع جانا في الاختبار و كتبت عنه
عن الإنتساب ..

في المقدمة كتبت ايش هوة الإنتساب بشكل عام
و كتبت رأيي فيه وليش ماحبيت هالنظام و حطيت 3 أسباب يمكن
1 2 3 .

اتكلمت عن الثلاث نقاط في براغراف واحد لانو كان مطلوب منا بس 3 براغرافات

في النهاية احترت ايش اختم لأني وانا بأكتب قصتي المريرة مع الانتساب
انفعلت و سيطر الحزن علية و قلبتها كآآبة في الاختبار شوشلي عقلي
ونزت دموعي هههههههههههههههههههههههــ

بعدين لقيت طريقة اختم فيها انو قضاء وقدر وربي يختار للإنسان خير
و عسى انا تكرهو شيئا وهو خير لكم و انا لية اجر الصبر
وربي ما رح يخذلني و يضيعلي تعب
و شيء احسن من لا شيء و شهادة الانتساب الانجليزي
قوية وبكرة ربي يفتحلي آفاق جديدة من خلالها ... الخ

و صلى الله و بارك
هادا موضوع اكتبي عنه وادربي عليه
مو تتدربي عالموضوع نفسه .. لا لا تتدربي على طريقة الكتابة

موفقة

[الطالبه الأم]

يا شيخه روحي ربي يوفقك ويريح بالك وينولك اللي في خاطرك
اما على الانتساب لا تشكيلي وابكيلك.......))نفس الازمه((
تيب كيف كان الاسبلنق حقك كان تمام ميه ميه
لان انا ذحين قاعده اتدرب على جمل اساسيه تساعدني في اي نوع من الايساي
والكلمات الثانيه اللي راح تكون عن الموضوع اللي راح يجيبونه الله يعين راح ابدع من عندي
ما ادري انا صح او لا

[pop corn]

أنا احس مشكلتي لو جابوللنا التوبيك كلمة ما أعرف معناها
زي الاخت اللي قالت موضوع عن الانتساب ؟؟
يعني لو جاتك كلمة ماتعرفيها ممكن يساعدوكي أو يشرحولك
لأنو طبعا مو كل الكلمات نعرفها <<< فيه كلمات كتير نعرفها و كلمات كتير مانعرفها

[عبير العسيري]

http://spellcheckplus.com/

هذا الموقع يصحح لك اخطائك في القرامر او في الاسبلينق وحتى الكلمات اللي لازم تكون كابيتل يصححها لك

انا لما كنت بالمستوى الثالث كنت اتدرب على كتابة التعابير عليه وكان يصحح لي الاخطاء فتعودت اني اعرف اكتب الصح مباشرة يعني تعلمت منه كثيييييييييييير

نصيحه ذاكري عليه

موفقه