اللي تسكنو علوم ويبو يحولو لكليات صحية .. تفضلو افيدكم :)

[dr.imey]

السلام عليكم

طالبات التحضيري اللي تسكنو بشي مايبغوه

لا تيأسو ثم لاتيأسو ثم لاتيأسو

عندك فرصة توصلي لحلمك

دامك اتسكنتي وماعندك خيار اخر مثل منحة خارجة او كلية تانية

يعني مالك غير عبد العزيز وفي نفس الوقت تبغي تدرسي بحلمك..

انا اقلكم نصيحة مجربة

كنت زيكم العام وتعبت وسمعت اراء كتيرة لكن ف النهاية كملت هنا

تخصصت كيمياء حيوي وعملت جدولي..
السمستر الاول ..
كيميا حيوي bioc201 .. مع سوسن خوجة حتفيدك
مصطلحات طبية bioc 391 .. مع ميسون عشان تتعادل
ثقافة isls 101 .. مع اي استاذة عشان تتعادل
عربي arab 101 .. اي استاذة عشان تتعادل
اقتصاد جزئي econ 101 .. او احسن خدو اي مادة حرة اسهل عشان ترفع معدلك

السمستر التاني ..
ايض bioc 211 .. مع اماني فاروق كمان حتفيدك مرا لمن تحولي
ثقافة isls 201 .. مع اي استاذة عشان تتعادل
عربي arab 201 .. مع اي استاذة عشان تتعادل
قران isls 211 .. او خدو اي مادة حرة تانية عشان ترفع معدلك
اقناع com 205 .. مع انمار عشان ترفع معدلك
سيرة نبوية hist 211 .. مع سمر ابراهيم عشان ترفع معدلك

اذا جبتي فوق 4.5 إن شاء الله وحولوكي
مواد الثقافات والعربي ماتاخديها
والمصطلحات تتعادل
والبايو كمستري حيكون نصو عارفتو وفاهمتو من الايض

حتخف عدد موادك من 9 الى 6 او 5
ويخلص دوامك بسرعة بدل ماتقعدي ل 4 و 3 تخرجي 11 او 12

ووبسسسس هادي نصيحتي

ملاحظة ..
هادا الجدول والامل باذن الله يتم للي فقققط حاليا معدلها اعلى من 4
اللي اقل من 4 ومصرة على الكليات الصحية تقدم منحة تروح البترجي او ابن سينا افضلها

إن شاء الله اكون اعطيتكم امل وساعدتكم شويا

مانتظر منكم الا الدعوات

[zooz19]

قصدك معدل السنة التحضيرية يكون اعلى من 4 ؟؟
طيب واللي معدلها 3 وحآجة ماينفع بعدين تحول ..

[دروووووووب]

الا يتفع تقدري تاخدي مواد كثير وتكوني جااااادة وتشدي حيلك وحايرفعو معدلك بادن الله

[samrona]

كيف كثير لازم اضغط على نفسي :(
طيب اكثر من المواد الحره والا كيف الوضع :(

[dr.imey]

المشاركة الأصلية كتبت بواسطة zooz19 قصدك معدل السنة التحضيرية يكون اعلى من 4 ؟؟ طيب واللي معدلها 3 وحآجة ماينفع بعدين تحول ..

انا مابغا اديكي امل وبعدي تزعلي لوماتحولتي

لكن من وجهة نظري .. محينفع

لانو انا كان تخرجت من التحضيري ب 4.17

واخدت اكتر عدد ساعات واسهل مواد وشديت حيلي

وماجبت في مادة اقل من a

ويادوب اترفع الى 4.55 في السنة كلها

فانا انصحك من دحين

اذا معدل الثانوي والقدرات والتحصيلي يسمحلك

قدمي على موارد بشرية والا منحة داخلية

وروحي ابن سينا او البترجي

اعرف ناس بمعدلات اقل مني سووها والحمدلله ماشيين ماضيعو سنة من عمرهم زيي عالفاضي وكمان دخلو الطب يعني صارو احسن مني

[kudonaden]

مشكوره انا معدلي 4 وحاجه جد جد طموحي طبي بس ما انقبلت في كليه العلوم التطبيقيه عشان النسبه الخاصه
وان شاء الله اشد حيلي واحول ..كثير قالوا لي ان التحويل من كليه علوم الى كليه العلوم التطبيقه شيء شبه مستحيل
بس لما قريت كلامك تفائلت ..الله يجزاك خير ومبروك التخصص والله يوفقك

[دروووووووب]

والله لو مصررررة عالتحويل لازم تضغطي على نفسك بالدات لو معدلك واطي
مو بسهوله راح يشطح فوق الاربعه

كل ما زادت المواد مثلاا سته او سبعه وشديتي حيلك فيها مرررررررة وجبتي في كل مادة 95راح يرتفع المعدل اعلى من لو كانت عندك بس اربعه مواد وجبتي في كل مادة 95 مثلاا


فهمتي قصدي ,, بس طبعاا لازم تكون المواد معقوله يعني مادتين دسمه والباقي سهل ومع ثقافه وعربي وحررة

بادن الله انك تقدرين

بالتوفيق

[اسوومي]

الله يسعدكم كلامكم مرررره يررررريح الله يريح بالكم=)
ومادام الله موجود ف الأمل موجود..خلوا هذي الجمله داااائما نصب اعينكم..

[doodle]

يعني الحين يحسبو نسبه التخصص + نسبة التحضيري كمان !!!!!!

مو بس السنه الثانيه لحالها ؟؟؟

[doodle]

لا بنات احد يرد عليا مررره انقهرت احسب بسالمعدل حق هذي السنه بدون التحضيري !!!!!

ومن الفلاحه خليت بس 5 مواد هذا الترم 11 ساعه بس طيب ايش اسوي الحيين :((((( وانا جبت 4 بالتحضيري يعني خلاااص ماعندي اي اامل ؟؟؟؟