تـعـالـوا نـرتـب جـداولـنـا ومـوادنـا~

[CoLoRes SoUl]

المشاركة الأصلية كتبت بواسطة loves.me.not محاسبة :سحر الجبروني سياسة عامة وصناعة قرار : خديجة الحربي تنمية موارد بشرية : هيفاء عبد الفتاح أدارة محلية : عنود السبعان إدارة خدمات صحية : وفاء اليافى ثقافة 3 : ابتسام كمال ابغاكم تشوفولي جدولي حلووو من حيث السهولة والصعوبة وهل الاستاذات كويسين وكيف اسلوبهم في الاسئلة و الكتب المطلوبة وشكرااااا

جدولك حلو وسهل ...
د.سحر ما جربتها
سياسة عامة وتنمية موارد اخذتها هذا الترم
ادارة محلية ما اخذتها بس د.عنود تمممااااااام
ادارة خدمات صحية ..اسم الكتاب << راحت تشوف
اسمة ادارة منظمات الرعاية الصحية لــ.فريد
الله يعينك على د.وفااااء ترا ما تشرح البنات هما اللى يشرحوا تخيلي الكتاب 12 فصل كل مجموعة تشرح فصل ولازم اوراق عمل مع كل فصل (او تكليف) ونهاية الترم سوت معانا ورشة عمل اما اسئلتها اممممم ما تتعمق في الأسئلة بس تجيب صح وخطأ ومثلي بمثالين وسوال مقالي كأنو استشارة بس في النهائي كانت اسئلتها سهلة وعلى فكرة كانت تقول لنا كيف الأسئلة وتعطينا امثلة
وفي الأخير استاذة طيبة وتقدري تتناقشي معها

الثقافة ما يحتاج اتكلم عنها

[loves.me.not]

تسلمي CoLoRes SoUl

الله يسعدك ويوفقك يارب

[memoooo.]

المشاركة الأصلية كتبت بواسطة ابودانه2 موادي لهدا الترم الاخير بازن الله بحوث عمليات وموازنه ماليه ومادتين حره وتمويل صحي وقراءه اداريه بالانجليزي وبحث وتدريب

انا زيك في ماده بحوث عمليات وموازنه ماليه
يارب نلاقي احد يفيدنا اكتر
بالتوفيق اخويا
:]

المشاركة الأصلية كتبت بواسطة ميكي ميكي مرحبا صبايا انا موادي هذا السمستر .. بحوث عمليات محاسبه حكوميه تخطيط استرتيجي اقتصاديات الصحه(مين يدرسها ومين افضل دكتوره او دكتور) ماده اختياره(مني عارفه وش اسهل حاجه) ايش رايكم في ادارة مشروعات عامه ماده حره ابي ماده سهله وحلوه[/color] بعدين الي تسال عن تامين صحي انا اخذتها زمان مع نرفانا ماده يبيلها تركيز وبعدين ما في بحث ولا شي وقراءات اداريه اخذتها مع نرفانا حلوه اصلا الدكتوره هذي الله يسعدها تجنن قمة ف الاخلاق اي ماده معها لا احد يتردد فيها رهييييييييبه ما ترسب ترا وبالتوفيق جميعا

محاسبه حكوميه مرا حلوه دي الماده
وتعتمد على محاسبه واحد مرا كتير
لما درستها اعطونا ملزمه مو كبيره
وفيه ملخص مسويته عذاري اعتقد
بيفهمك الماده بالتفصيل

ماده اختياريه اخدت علاقات عامه الماده حلوه وسهله
بس ما انصحك تاخديها مع سناء باناجه
كمان حكومه الكترونيه يقولوا حلوه وسهله
انا ناويه انزلها دا السمستر ان شاء الله
وربينا يوفقك
:]

المشاركة الأصلية كتبت بواسطة ميكي ميكي بعدين متي تبدا الدوره التاهليه في شهر 3والا شهر 4مرا حايسه مع جدولهم النايم ذا

انا كمان نفسي اعرف وان شاء الله
يكون بدري عشان نرتب وضعنا ونداكر
من بدري..

المشاركة الأصلية كتبت بواسطة well done السلام عليكم كيفكم شبااااب ياريت تفيدوني بنزل مقرر حر ومقرر اختياري ومني عارف بليييييز فيدوني في اسرع وقت عشان انزلها في الجدول

ادارة علاقات عامه الماده حلوه مع دكتور اسعد
دايما بيمدحوا دا الدكتور
وكمان عندك حكومه الكترونيه بيقولوا سهله
ربي يوفقك
:]

المشاركة الأصلية كتبت بواسطة loves.me.not محاسبة :سحر الجبروني سياسة عامة وصناعة قرار : خديجة الحربي تنمية موارد بشرية : هيفاء عبد الفتاح أدارة محلية : عنود السبعان إدارة خدمات صحية : وفاء اليافى ثقافة 3 : ابتسام كمال ابغاكم تشوفولي جدولي حلووو من حيث السهولة والصعوبة وهل الاستاذات كويسين وكيف اسلوبهم في الاسئلة و الكتب المطلوبة وشكرااااا

محاسبه انا اخدتها بس مو فاكره عند مين
بس يبغالها مداكره وتركيز كويس

سياسه عامه وصناعه قرار مع دكتوره خديجه روعه
ركزي معاها في الشرح كل الي تقولوا يجي في الامتحان
واسئلتها 100 سؤال وبتساعد البنات مرا كتير
ربي يسعدها.. والمقرر يكون كتاب مصور وتحدف منه
كتير لاتشيلي هم دي الماده..

تنميه موارد بشريه اخدتها السمستر الي فات
بس مع دكتور ماده تجيب الهم داكري فيها
شويه شويه كل يوم الين تخلصيها ودكتوره هيفاء
يمدحوها وانه بتساعد واعتقد الماده معاها راح تقل صعوبه

اداره محليه ان شاء الله راح اخدها دا السمستر ومع دكتوره عنود

خدمات صحيه حلوه الماده اخدتها مع نيرفانا وتحسي كلها
كلام مكرر من المواد الي درستيها قبل بالذات في النظريات

ثقافه 3 ماده تجنن سهله وبسيطه ولو دخلتي الاختبار
وانتي مو مداكره وحليتي بس من مفهومك راح تجيبي 80
وعموما جدولك حلو بس تركزي على المحاسبه والتنميه
وربي يوفقك
:]

المشاركة الأصلية كتبت بواسطة شجره المسك أنا إن شاء الله هذا الترم تخرج وموادي إقتصاديات الصحه إداره مستشفيات ماده حره ماده إختياريه بحث وتدريب بالتوفيق للجميع

يــارب تلاقي الي يفيدكـ ياعسل
:]

المشاركة الأصلية كتبت بواسطة الــدولار الله يسعدكم على التعاون

ويسعدك ربي
:]

المشاركة الأصلية كتبت بواسطة basma ali مرحباا بنات كيفكم , شفت اغلب البنات كاتبين انو عندهم بحوث عمليات ,, بصراحه دي المادة مرا غثيثه وصعبه وتعتبر مادة علمية فنصيحه الي حياخد تمويل صحي وبحوث عمليات وكمان اقتصاديات الصحه مع بعض فـ مرا مايصلح حاولو تقسموها , انا موادي السمستر دا قررت اخد تقييم البرامج الحكومية -- ماعرف بس اظن مع دكتوووووور ماده اختيارية2 " اداره المشاريع " -- مع بدرية اظن بحوث عمليات -- بشوف مع مين امل او اسماء ولو نزل مع استاذ يكون احسن لان اغلب الاساتذة ينزلون تمارين الحركان اداره المستشفيات -- مع نيرافنا مافي غيرها

ربي يوفقك وان شاء الله
تلاقي الي يفيدك ياعسل
:]

المشاركة الأصلية كتبت بواسطة هديل الحمام السلام عليكم ورحمة الله وبركاته صباح الخير حبيت اشارك معاكم انا جدولي باذن الله راح يكون ادارة تامين مع دكتوره نرفانا محاسبه حكومي مع انيسه تركستاني قانون اداري مع صباح المصري ماده اختياري /حكومة الالكترونيه مع الدكتوره عواطف مادة حر/ النظام السياسي السعودي واللي بتكون معاي في اي مادة تقول علشان نتعاون مع بعض

صباح النور
ادارة تأمين ما اخدتها بس دكتوره نيرفانا ممتازه
محاسبه حكوميه ماده حلوه وانيسه مرا كويسه
قانون اداري ماده دسمه نوعا ما بس مع دكتوره صباح روعه
ماده اختياريه انا كمان ناويه اخد حكومه الكترونيه
وربي يوفق الجميع
:]

[basma ali]

بنات ايش المواد الاختيارية بالنسبة لقسمنا احنا اداره مستشفيات
اعرف المواد الاختيارية / حكومة الكترونية - اداره علاقات عامة - ادارة مشاريع
في مواد اختيارية ثانية غيرها؟؟ وتكون سهله ؟
انا باقي لي مادتين اختيارية .. اخدت حكومة الكترونية مرا سهله
ومحتاره اخد علاقات عامة واداره مشاريع
ولا في مواااااااااد ثانية اختيارية بس اهم شي تكون سهله ..

[alaa1407]

مررره موضوع حلو واتمنى تساعدوني حابه اسال عن صعوبة المواد وعن اسلوب الاساتذه
مواد اختياريه :
اساليب وطرق العمل سناء باناجه
اداره موارد طبيعيه عنود السبعان
اداره علاقات عامه خديجة الحربي
تقييم برامج حكوميه حياة راجخان
قراءات اداريه بالانجليزي خديجة نويرا عبدالله

[memoooo.]

المشاركة الأصلية كتبت بواسطة basma ali بنات ايش المواد الاختيارية بالنسبة لقسمنا احنا اداره مستشفيات اعرف المواد الاختيارية / حكومة الكترونية - اداره علاقات عامة - ادارة مشاريع في مواد اختيارية ثانية غيرها؟؟ وتكون سهله ؟ انا باقي لي مادتين اختيارية .. اخدت حكومة الكترونية مرا سهله ومحتاره اخد علاقات عامة واداره مشاريع ولا في مواااااااااد ثانية اختيارية بس اهم شي تكون سهله ..

شوفي ياعسل دا الموضوع راح تستفيدي منو

افضل المواد الاختيارية لتخصص ادارة عــامـــة - جميع المسارات

معليش بسألك اخدتي حكومه الكترونيه مع مين؟

عشان انا ناويه اخدها دا السميستر

المشاركة الأصلية كتبت بواسطة alaa1407 مررره موضوع حلو واتمنى تساعدوني حابه اسال عن صعوبة المواد وعن اسلوب الاساتذه مواد اختياريه : اساليب وطرق العمل سناء باناجه اداره موارد طبيعيه عنود السبعان اداره علاقات عامه خديجة الحربي تقييم برامج حكوميه حياة راجخان قراءات اداريه بالانجليزي خديجة نويرا عبدالله

مادة اساليب مادرستها بس اخدت علاقات

مع دكتوره سناء هيا طيبه ولزيزه في المحاضرات

وتتواصل مع البنات الله يسعدها بس عمري ماراح

اخد معاها تاني اسألتها في الامتحان كلها لف ودوران

وجبت عندها درجه مو تمام رغم انه مادة العلاقات

حلوه ومفهومه..

دكتوره عنود ودكتوره خديجه يجننوا ماشاء الله عليهم

خدي عندهم وانتي مغمضه

ربي يوفقك

:]

[basma ali]

ميمو / حكومة الكترونية اخدتها مع دكتورة عواطف ,

[basma ali]

بنات سؤال ..
التطوير التنظيمي بالنسبة لمسارنا " تعتبر مادة حره او اختيارية "
لأني ملخبطة
اخدت حكومة الكترونية < اختيارية
و تطوير تنظيمي < اخدتها كـ حره بس ما ادري ابغا اتأكد خخخخ لأتكون اختيارية -_-
وسلوك انساني في المنظمات .. < هادي اكيد حره

[شوشوالاموره]

مرحبااااا صبااااياااا

ياليت تساااعدوني في جدولي ^^

انا موادي السمستر دا

قانون اداري , ثقافه اسلاميه 2 , محاسبه , اخلاقيات العمل , نظرية التنظيم , إدارة الخدمه المدنيه

قوليلي ايش هي المواد الصعبه والسهله

[شجره المسك]

المشاركة الأصلية كتبت بواسطة basma ali بنات سؤال .. التطوير التنظيمي بالنسبة لمسارنا " تعتبر مادة حره او اختيارية " لأني ملخبطة اخدت حكومة الكترونية < اختيارية و تطوير تنظيمي < اخدتها كـ حره بس ما ادري ابغا اتأكد خخخخ لأتكون اختيارية -_- وسلوك انساني في المنظمات .. < هادي اكيد حره

السلام عليكم
التطوير ماده حره
أسألك عن حكومه إلكترونيه بالنسبه لي أنا أحب الفهم أكثر من الحفظ تنصحيني فيها ؟
بالتوفيق للجميع