اايش اسم القلم المخصوص للاختبار

[طالبة بحره]

حتى نوعية القلم بشروط؟؟؟؟؟؟؟؟؟؟؟؟؟؟؟؟؟

[العلم والعالم]

كل شي يمشي عااادي ما فيه شي محدد

لكن القلم ذو النوعية الجيدة يفيد الطالب في حالة أن يمسح أو يعدل لا يبقى أثر

[ابو راشد]

القلم المخصص h2

[طالبة بحره]

ماعليه السعر الكارثه لاجيتهم راكضة مسرعه متحمسه وبالاخير قالولي وين القلم ذا الشروط المطلوبه


فرجاء فهموني سالفة هالقلم؟؟

الا عالطاري اشوفكم تحكون عن قلم رصاص والقلم الازرق فيه شروط؟؟

ولامااكتبه بعد؟؟؟

[banota-1988]

القلم الازرق ما تستخدمية غير في كتابة اسمك و رقمك الجامعي

أما المرسام (القلم الرصاص) تستخدميه في إجابة الاسئله.. إزا كانت موضوعية

احسن لك تجيبي الـ 2 معاكي يعني المرسام والقلم :)

وبالتوفيــــق ^_^

[سلطان747]

كبرتوها شوي
مايبغالها مرسام وقلم ازرق (ناشف سائل مجمد )

[طالبة بحره]

والله حيرتوني ازود

بس ماعليه ابجيب درزنين زرق ورصاص<<<من زود الدفاره

[somaosoma]

سلام ..
الحمد لله والشكر
وصلت الوسوسة لنوع القلم ؟؟ والله ماتنلامين من زود الحرص كلنا مستلجين قصدي مستجدين
اهم شي لايشوفون موضوعنا المراحل المتقدمة بيموتون علينا ضحك لوووووول

الا انا اقول ترى قلم الرصاص ماتهم نوعيته وحجمه وشكله

بأمكانك تجيب اي قلم رصاص من اي مكان حتى لو تجيب معاك فحم مو قلم

المهم في الحل شيئين رئيسيين :

اول شي كيفية التظليل للدائرة اللي امامك لازم تكون بشكل دائري ماتخرج عن الحواف ولا تنقص عنها .
ثاني شي لازم يكون غامق يعني مع الضغط على القلم حتى تصير الدائرة غامقة ( قاتمة ) يكون افضل .

سألتوني ليش !!!! انا اقولكم

السبب طالت اعماركم ان اللي يصحح ورقتي انا وانت وغيرنا هو الكمبيوتر ولا غير الكمبيوتر

يعني الكمبيوتر ينظر للدوائر في كل سؤال يلاحظ خمس دوائر بجانب بعض ولكن يقوم بأختيار الدائرة السوداء ( المظللة يعني ) ويختار القاتمة دون الفاتحة * طبعا بتقولون ليش ؟ بقولكم لان بعض الاخوان يقوم بتظليل دائرة ثم بعدين يمسحها ويختار غيرها وطبعا لما يمسح يبقى ظل خفيف ماينمسح الرصاص كله :) عشان كذا الكمبيوتر مايختار الخفيف ... تيب ؟

المهم ترى زود الحرص على نوعية القلم والشكل والحجم والاشياء هذي ماراح تعطيك درجات زيادة .. المهم المذاكرة والله الله في المذاكرة الطيبة والحل الصحيح والحرص على عدم اعطاء الكمبيوتر فرصة على كشف اخطائك عند حل الاسئلة والتظليل

وبالنسبة للقلم الازرق خله في جيبك عشان تكتب اسمك ورقمك ولا يمدي احد يمسحه ويسجل اسم غيرك وياخذ درجتك
والباقي يعتمد على ذمتهم الله يعطيهم العافيه

الا كيف الحال ؟؟؟ برب اكمل مذاكرة اشغلتوني

بالتوفيق للجميع التوقيع : عسكري ثالث مرة يدرس في جامعه سعودية :)