ملتقى الاستفسارات عن الدكتورات ( plan A + B )

[رفّات حُلم]

أنا خُطة آ، السليمانيّة

* مهارات اتصال؛
درّستني د/ أميرة النّمر.. تجنّن ياربّ يسعدها،
مرّة تفهم، وكل شي بقصّة عشان ما ننساه! وقت المُزاكرة خلاص المُخ يسترجع كلامها
تعرفنا وحدة وحدة، ودرجاتنا، وكل شي .. جدًا مُهتمة، ومُلتزمة.. حتى لو محتجي ترسل رسالة لليدر من اليوم اللي قبله.
قبل الدوري والنّهائي عملت لنا مُراجعة للاختبار، وعادي انّه شعب تانية يحضُرو.
ما يحتاج تكتُبي الملاحظات اللي تقولها، بس أسمعيها وممكن لمّا ترجعي تدونّي المهم وحتفتكري بعد قراءة الدرس، مع انه ما يجي الا اللي في الكتاب!
باختصار؛ يا بختُه اللي يدرس عند د/ أميرة .

* حاسب؛
درّستني أ/ بسمة السلمي، طيبة جدًا، بس صُوتها واطي شويّا، المادّة عمومًا تعتمد عليكِ،
التواصل معاها جميل ومررررة سهل
بالابليكيشن حق الجامعة، دايمًا ترسلنا عليه سواء انها نزلت الدرجات ، او انها حتّى حطت أوقات العملي، وفين ووصف المكان، وتجاوب بسرعة.. الله يسعدها.
دايمًا الدرجات اللي تحت يدها العملي تنزلها ع موقعها بسُرعة، اما النظري مو منها من الوحدة، وأول ما تجيها تنزلها ع الموقع..
نحنا آخر شُعبة في اليوم ( 2-3 ) وكان عندنا. قبلها بريك ساعة، فازا اي وحدة تبا تحضر بدري، تحضّرها مع الشعبة اللي حضرت فيها وخلاص!
وحتّى شُعبتنا مرّات في العملي تتقسّم؛ فكانت تنزل شُعبتنا وتشوف أزا مُناسب او لا لنا، اهم شي عندها مصلحتنا ^^
إزا اعتزرت تقول من بدري.

* فيزيا،
أول أسبوع نزلت لي ( أماني السريحي )، ما عجبتني طريقتها .. تشغل سلايدات وتحل عليها وتقرأ، مررة ما استوعب انا كدا، الفيزيا عندي لازم كتابة ع السبورة!
ولله الحمد، تغيرت تاني أسبوع ع طول؛ صارت د/ سناء أباظه،
ياربّ يسعدها، تفهّم مررررررة كويس!، تكتب وتحل معانا وتعطينا فرصة في المشاركة في الحل، اساسًا تقرأ السؤال بعدين تشرحه، عشان اللي ما فهمه!
لازم تجي المحاضرة مُزاكرة، لانها تسأل مرات.. بس لمصلحتك وعشان تِزاكري أول بأول :)
بعد رُبع ساعة ما تدخل، ومرّات ممكن بس انه أشري لها واستني ردها..
تتنرفز من رنّة الجوال! طردت بنتين لما مسكو جوالاتهم في المحاضرة؛ فاللي يدرس عندها يحترم نفسه!
تعمل مُراجعة قبل الاختبارات،. والقاعة تسير مرررة زحمة! القاعات التانية يحضُرو لها كمان.
لو عصّبت من البنات، يتكلمُّو وهيا حاولت تهدأ البنات، ممكن تلم أشياءها وتروح.
بس لا تنرفزوها وهيّ مررررة كويسة
والأحلى تخلص المنهج بدري. وكل الكلام اللي تكتبو ع السبورة او تقولو مهم جدًا كمان.وتعطي أفكار عن الاختبار ويجي منها.

* رياضيّات؛
صراحةً دكاترتي كلهم كانو ممتازين وأكثر الا الرياضيات، كويسة بس مهي زي البقية!
درّستني أ/ غادة باسندوة، كشرح هيا صراحة تفهم، بس ما تعطي فِكرة عن الاختبار، والمشكلة ندخل الاختبار ننصدم
صراحةً درجاتي حق الرياضيات مو حلوة، بس انه النهائي كان حلو الحمدلله وكان فيه كيرڤ أب!
ما عندها مشكلة حضرتي، ما حضرتي، رحتي حمام، اي شي!
باردة شويّا، وانا ما افهم من الناس اللي كدا ،
طبعًا محاضرات السكشن حقها مهمة لانها تكملة درس او درس جديد، مو كل ورقة توزيع المنهج تحلها، فيه أشياء لازم انتي تحليها ولو واجهتك مُشكلة كلميها وتعاليلها في مكتبها
الأفضل بنظر الكل ( ليندا ألزبن ) لو صار عندك فرصة تحضير لها أحسن


وبس xD !

[Doaa66]

السلام عليكم
أنا خطة أ السليمانية
صراحة أنا وجودي في المحاضرة زي عدمه يعني ماتفرق عندي الدكتورة تشرح كويس ولا لا لأنه غالبا ماأكون مركزة معاها مع العلم أن ماعندي غيابات

الرياضيات : درستني دكتورة نهلة الدواليبي ممتازة و كل بنات شعبتي مرتفعة درجاتهم في الرياضيات

الفيزياء : درستني دكتورة لبنى سندي تشرح بس أحسها تركز على اللفظي أكثر بالنسبة لي كان اعتمادي في هذي المادة في كل الاختبارات ع فديوهات يوسف زويل و ملخصات أشرف بركات و مافتحت الكتاب و لا السلايدات و لا تست بانك و لا نماذج فقط هدولا الإثنين وجبت الحمد لله a+

مهارات الإتصال : درستني أستاذة شيماء جستنيه محاضراتها ممتعة و بالنسبة للتكاليف الأفضل تسويها قبل المدة الي تطلبها عشان تسأليها اش فيها أخطاء و تعدليها و ادا مشيتي على كلامها خطوة خطوة بتضمني ال30 ولا تاخذي التكاليف الجاهزة في المنتديات لأن أغلبها أخطاء وهي لها معاير و طلبات تختلف عن باقي الدكتورات شويتين .

الحاسب: درستني أستاذة ندى من حظكم يمكن مااتكون موجودة الترم الجاي ماكنا نستفيد منها شيء تقرأ السلايدات وماتعطينا تمارين و تطبيقات أنا كنت أذاكر الكتاب و السلايدات و أطبق و ادا صعب عليك في العملي في فديوهات تعلم كل شيء في اليوتيوب أحسن من شرح الكثير

[Yasmina95]

انا خطة ب بالسليمانية

الكيمياء: ليلى الحربي
الأحياء: حنان الشاذلي
الاحصاء: سماح سندي

نصيحة مهمة:
ريما و لميس العامودي و دعاء بوقري كلهم كويسين ماقلت شيء
لكن مايدوكي جميع الافكار اللي تجي عالمسألة
سمااح سندي تديكي جميع الافكار اللي تجي في الاختبار و تقولك بايش البنات بيغلطوا وقت الاختبار
في بنات لمن كنا بنختبر وقفوا على حاجة و هما ما أخدوها مع أستاذتهم! واحنا حليتها لأنو سماح قالت عنها الفكرة في المحاضرة!!
نصيحة روحوا عند سماح سندي

[Sahary]

خطة ب سليمانية..
احصاء: دعاء بوقري تفهم مرا كويس مشالله عليها و نفسها تفيد الي قدامها و تخليه يستوعب المعلومة و غير كدا هي المنسقة ف عندها فكرة شاملة عن الأسئلة. يعني ممتازة و غير كدا ترحب ب الي حاب يسألها على مكتبها و كدا و تركزلك المعلومات اثناء الشرح. لكنها حازمة و عصبية احيانا بس ما يهم. و جربت استاذة سماح كمان ممتازة جدا و شرحها واضح و تفهم يعني اذا في شي ما فهمتي احضري سكشن ل د سماح سندي و توضح عندك بإذن الله. و السكشن مهم جدا لانه مو كل الافكار تنطرح بالمحاضرة.

كيمياء: ليلى الحربي.. هذي الدكتورة في كلاسها مافي مغرز ابرة. ممتازة و تفهم و طريقتها في الشرح جدا كويسة و تدخلك المعلومة في مخك. و هي المنسقة يعني تديكي فكرة شاملة عن الاسئلة ف محظوظ الي يكون معاها ب صراحة👍 و ركزو على التست بانك الي ف موقعها هو اهم شي.

احياء: بالنسبالي مادة حفظ درجة اولى. كنت مع د سالينا هي سريعة فعلا لكن عادي كلاسها يعدي بسرعة هههه و تخلص المنهج بدري جدا. بس الحقيقة لو كان في شي يحتاج فهم ف تركز عليه و تفهم. و زي ما قلت هي مادة حفظ يعني من السلايدز ف ما يبالو 😝

و هدي كانت تجربتي :) و الله يوفقكم كلكم و لا تشيلو هم 😊

[Ranad Ayman]

انا خطة ب سليمانية
حتسمعوا كتير يقولوا صعبة .. سيبوكم منهم خطة رائعة وجميلة ..

بالنسبة للدكاترة اووصصيي بيهم نصييحة
1. سماح سندي ((احصاء))
جددا رائعة مرررة تفهم تدخلوا الاختبار وانتو عارفين كل شي .. بس نصيحة اكتبوا الملاحظات معاها

2. ليلى الحربي ((كيمياء))
والي نصيحة لا تراسلوها كثير الا للاهمية هو الحلو فيها انها انها تحب تتواصل مع البنات بس للاسف البعض استخدم اساليب غير لائقة ابداً معاها اصلا كان كل يوم في المحاضرة تهزيء على الرسايل الي بتجيها هههههههههه

3. حنان الشاذلي (( احياء))
صراحة اعجز عن اختيار احسن الكلمات للتعبير عنها جدااا راائععة

ولكم مني جزيل الشكر ..

[أسرار سامي♥]

شكرا على تفاعلكم
اِمسكوا "$$

السليمانــــــــيه


خطه (أ)

الرياضيات
كِنت عند د.دعاء قَاروت
شرحها مره حلو وسلس متعاونه جِدا
و ممكن أي وقت تروحي لها ما بتقصر أَبداً

الفيزياء
د.نعمت مصطفى
صراحه ما كنت أرتاح لشرحها ولا أفهم معها كويس
ما تحل تمرينات كثير * في بنات كانوا معاها و بيبفهموا
نقلت لِـ د.لبنى سندي الله يسعدها ياارب ما أخرج من المحاضره الا وانا فااهمه
و كنت اكتب معاها كل الملاحظات مره استفتدت منها
ومتعاونه بعد اذا رحتي لها تشرح لك

مهارات الاتصال
أ.رغداء قطب
معيدة تدرس من قلبها
متعاونه جِداُ في التكاليف
و اعطتْ ببونس للطالبات اللي كل تكاليفهم كامله و كذا
عموما مهارات الاتصال الاختبارات تعتمد على حفظك
و التكاليف حسب الدكتوره في دكتورات يسهلوا وفي يعسروا "(


الحاسب
أ.سماهر الغامدي
مره متعاونه وشرحها سلس
وتطبق معاك خطوه خطوه و تعيد ما عندها مشكله :*
و تعطينا تكاليف نتدرب عليها في البيت
وُ ما تحب حدا يتأخر عن المحاضره
الله يسعدها




خطه (ب)

كيمياء
د.اكرام دانش
*قلوووب* شرحها جدا جدا جميل
ما تخرجي الا وانتي فاهمه و تعطي امثله وتدريبات كثير
هذا أهم شي انك تتمرني مع الدكتوره
و سلايداتها فيها المهم
و تنزل تدريبات في موقعها أنصحكم تتدربوا عليها


إحصاء
د.شفياء حضيره
شرحها واضح و سلس
و تراجع معانا كثير
يعني قبل كل دوري محاضرتين مراجعه
مره نحل تدريبات
مره نراجع وتجاوب على أسئلتنا
يعني بجد بتفكر في الطالبه و مصلحتها
الله يعطيها العافيييه يارب


أحياء
كِنت عند د.فريال ستيته
تقرأ تقرأ بس ")
بعدها تغيرت وجاتنا د.منى
تشرح كل نقطه و أمينه
و كل شوي تقول أنا نفسي تفهموا
حقيقه أستفدت منها
ود.حنان الشاذلي
كنت أحضر لها كَمان
* نصيحه الأحياء مين ماكانت دكتورتك يعتمد عليك وعلى حفظك أول بِأول .. أول بِأول *



* تذكروا
العمل والجهد الأساسِي عليك انتِ
و مذاكرتك و اهتمامك
في شي ما فهمتيه روحي لأي دكتوره *حتى لو ماكانت بتدرسك *
و أسأليها أغلب الدكتورات ما بيقصروا
و ممكن تطلبي مساعده من صحباتك بس الأفضل تسألي الدكتوره
يعني اذا جبتي درجات مو كويسه لا تخلي الدكتوره شماعتك
موفقين جميعاً
وٌ اتمنى يثبت الموضوع

[Dinah]

السليمانية مين يعرف الهام اعظم في الكيمياء كويسه وكيف شرحها ؟

وكمان نعمت ك. مصطفى عوض هذه للفيزياء

[ساروشكا]

السلام عليكم ورحمه الله وبركاته
خطه أ
الرياضيات مع أ هدى افندي حلو شرحها وجدا أخلاق الاستاذه في بنات كانو يقولوا انها سريعه
نصيحه الرياضيات ذاكرو من الكتاب لانو واضح وشوفو فيديوهات زويل فيها بعض الطرق للاختصارات فادتني انا كانت غلطتي فالدوري الاول اني مافتحت الكتاب وذاكرت من ملخصات السعدي وكنت اكتب معاها كل الامثله فالدفتر بعد الدوري الاول معد مسكت الدفتر وكل شيء فالكتاب ومامسكت الملخصات و بس فتحت فيدوهات زويل وذاكررت الكتاب والحمدلله درجتي تحسنت بكثير عن الاول

الفيزياء مع أ لبنى سندي شرحها واضح وكنت افهم معاها فالكلاس لكن ماكنت اذاكرو اول باول فتراكم جدا عليا برضو جداااا فادتني فيدوهات يوسف زويل وحقيقي انصحكم بنماذج السنوات السابقه لاستاذه هناء فرحان تلاقوها فالجامعه تنباع وللاسف ماذاكرتها غير فالنهائي

مهارات الاتصال مع أ دعاء سالم هيا ماده سهله لكنهم بيلعبو فالاسئله فالنهائي وأنصحكم ادرسوا عند منسقة الماده أ اميرة النمر اعطت بناتها بونس درجتين وغير كذا تعمل مراجعه قبل كل اختبار

[almr7r7]

اللله يسسسعدكم كيف د ريما العمودي احصاء
د سالينا احياء
د ليلى الحربي كيماء

[Dinah]

المشاركة الأصلية كتبت بواسطة almr7r7 اللله يسسسعدكم كيف د ريما العمودي احصاء د سالينا احياء د ليلى الحربي كيماء

ريما وليلى كويسين
لكن سالينا ما اعرف عنها