// يا من اجتازوا اختبار step أنقذونا \\

[MesSsk]

بنات ..هذا رابط موضوع ام بندر الله يجزاها خير

http://www.skaau.com/vb/showthread.php?t=175338

ادعولها ،، وادعولي ،،

[أم بنــدر]

بالنسبة للاختبار ماشاء الله سجلت في معهد اخدت مستويين وبعد كذا بدات اشوف مواقع الانترنت واحاول اقرأ والحمدلله بس حاولي تبدئي شوفي الموضوع تبعي وتبع اختنا الي وضع الاخ عماد الرابط تبعه وربنا يوفقكم

[كناري]

الجزء الاول عبارة عن حوار وتختاري الاجابة الصحيحة وحسب حظك ممكن السماعات ضعيفة وماتقدري تركزي

مجموعة مقالات متنوعة وتحتها اسئلة تختاري منها الاجابة الصحيحة
مثلا قطعة عن اثر الحروب علي العالم - الماكولات حول العالم --------- وهكذا

[بنت جدة المنكوبة]

ياحبايبي
اهلا وسهلا بعد الغيبة الطويلة
الي غبتها عن منتدانا الحبيب
وجاية مشرفتكم في موضوع من المواضيع إلي كانت مجننتني
الي هو موضوع اختبار ستيب
والحمد لله عديتوا في ثالث اختبار من اختبار ستيب
بس نصيحة مادام المدة قصير بين هادي الفترة وفترة الإمتحان ركزوا على شيء معين في المذاكرة
ابداوا اول شي بالقواعد لأنها اسهل شي في الإختبار ومضمونة درجاتها...زاكروا من كتاب عدنان نعيم (قواعد اللغة الإنجليزية لجميع المستويات) وحتلاقوا في النت نسخة بوربوينت عن القواعد هيا نفسها تبع عدنان نعيم
بإذن الله...طبعا هادي النصيحة للمطلوب منهم52 في ستيب فقط
الله يوفقكم

[MesSsk]

المشاركة الأصلية كتبت بواسطة بنت جدة المنكوبة ياحبايبي اهلا وسهلا بعد الغيبة الطويلة الي غبتها عن منتدانا الحبيب وجاية مشرفتكم في موضوع من المواضيع إلي كانت مجننتني الي هو موضوع اختبار ستيب والحمد لله عديتوا في ثالث اختبار من اختبار ستيب بس نصيحة مادام المدة قصير بين هادي الفترة وفترة الإمتحان ركزوا على شيء معين في المذاكرة ابداوا اول شي بالقواعد لأنها اسهل شي في الإختبار ومضمونة درجاتها...زاكروا من كتاب عدنان نعيم (قواعد اللغة الإنجليزية لجميع المستويات) وحتلاقوا في النت نسخة بوربوينت عن القواعد هيا نفسها تبع عدنان نعيم بإذن الله...طبعا هادي النصيحة للمطلوب منهم52 في ستيب فقط الله يوفقكم

انا عندي كتاب احمد الصغير / الانجليزية لجميع المستويات (تنصحيني اذاكر منه ؟)
طيب بعد القاعدات ايش افضل ابدأ فيه ؟؟ هل ابدأ بسماع مقاطع ؟؟ولا احفظ كلمات ؟
مامعنى تحليل الكتابة في الجزء من اختبار الستيب ؟

[بنت جدة المنكوبة]

كتاب أحمد الصغير أنا مازاكرت منو كتير بس بعض المواضيع
بس تقدري تطلعي نسخة عدنان نعيم من النت
اكتبي قواعد اللغة الإنجليزية في جوجل حيطلع ملف البوربوينت حمليه من النت وزاكري منو
تحليل الكتابة مرا سهل هي عي بارة عن متى تحطي الفواصل ومتى تحطي الحروف الكبيرة وكمان ممكن يجوبولك رتبي قصة أو حدث معين بس كل الأسئلة إختياري إنتي حملي نموذج الإختبار من موقعهم

هما شرحين طريقة الإمتحان باضبط وحاطين أمثلة عليها
إدخلي موقع القياس وادخلي على رابط اصدارات ونشرات وحملي نموذج ستيب

[بنت جدة المنكوبة]

حتى كاتبين أسماء القاعدات في النموذج ركزي عليها بس

[bandar_r]

ام بندر
بنت جدة
كناري
الله يسعدكم جميعا ويرضى عنكم
بجد ماقصرتوا .....

يعني القرامر اللي جات فالاختبار سهلة وواضحة؟؟وكم فقرة تقريبا؟
انا بس ابغى 52درجة ...

ولو فاكرين شي من الاسئلة اكتبوه ...

[بنت جدة المنكوبة]

القرامر عليه تقريبا 30 درجة
وجزء القراءة عليه 40 درجة
والسماعي 20درجة
وجزء التراكيب عليه 10 درجات
ركزوا على القواعد مرا كتيييييييير لأنها سهلة مرااااااااا
أكتر شي ركزوا عليه في الإمتحان
أزمنة الأفعال-ولو الشرطية
يعني ركزوا تمام على القواعد
القواعد
القواعد
زاكروا من كتاب عدنان نعيم
ولاتعمدوا بس على الكتاب في الفهم القواعد
طلعوا الدروس من النت لأن مرت تكون أفهم وأوضح
في روابط أنا حطيتها لبعض الدروس فيها موضوع
هيا معا لنقهر ستيب
هيا الدروس ماكانت واضحة ومو مفهومة في كتاب عدنان نعيم بس
بس لمن حطيتها في النت فهمتها

[Areej alrefai]

في أحد جاب الدرجه المطلوبه من اول مره ؟؟؟؟؟
وأذا كان أيوه كيف كان مستواه ؟؟؟