تخرجت بفضل من الله بتقدير ممتاز

[ساري ياغرام]

المشاركة الأصلية كتبت بواسطة حبي لذاتي قمة أولوياتي ~ على البركة بس سوال اخوي نزلوا له مواد 6 هذا الترم بدون ما ضيف له مقدمه لغويات مسرحيه ادب القصة النقد الادبي تدريب عملي 2 الشعر ؟؟ كيف كويسه مع بعض وإلا ؟؟؟

هي تعتبر 5 مواد لأن التدريب العملي لايحتاج مذاكرة فقط تقرير يكتبه يقدر ينتهي منه الآن والمواد تعتمد من الدكتور وهل هو خريج

[khaledalharby]

الف الف مبررروك
موفق اخووي

[ساري ياغرام]

الله يبارك فيك اخوي خالد

[Yasminali]

المشاركة الأصلية كتبت بواسطة waleed818 مبرووووووك ما شاء الله الف مبرووووك الله يوفقك

الففففففف مبروووك وانشاءالله الدكتوراه

وماااشاء الله تبارك الرحمن على نسبتك.

انا السميستر دا سجلت مع العلم اني ماخذه 3 إنذارات و فصل وهذا السميستر رجعوني للدراسه بفرصه اخيره.

بس ياريت تقوليلنا كيف كانت طريقتك في المذاكره (بالتفصيل الممل جداَ) عشان ابغ ارفع معدلي زيك.

وكمان ابغ اعرف ايت اسهل ماده من هذه المواد:
مقدمه في اللغويات
المسرحيه
الادب الحديث
التدريب العملي
الشعر
التقد الادبي
مناهج البحث.

عشان ابغ انزل اسهل 3 موادعشان ارفع معدلي

ومين الدكاتره الي ينجحو سواء بأسلوب المحاضرات او بالدرجات يعني مايرسبو؟

و ايش رايك بالدكتور محمد هرموش؟

ولكي مني دعوه في ظهر الغيب كل ما أتذكر مساعدتك.

أتمنى الرد السريع

انا السميستر هذا حنهار من التفكير

[ساري ياغرام]

الله يبارك فيك اختي ياسمين
بالنسبه للمادة الأسهل تعتمد على الدكتور ودائما احرصي على المواد الي تعتبر فرص بحسب تجارب الطلاب وبخصوص الدكتور هرموش هو ممتاز جدا وانا أقل من أن أقيم دكاترتنا الأفاضل ولكن بحسب تجربتي معه في أكثر من ماده هو يشرح بطريقه مميزه وتشعر معه بارتياح وان الماده جدا سهله وممتعه ولكن أحيان تكون بعض الاسئله طريقتها مختلفه عن شرحه وهذا يأثر على الي يبي درجة عاليه فقط وأحيانا تكون الأسئلة من صميم الشرح انا أنصح بالمواد معه ولكن بشرط سماع محاضراته أكثر من مره وإعطاء الماده حقها من الجهد
بالنسبه لطريقتي في المذاكرة البدايه من أول الترم وخصوصا مثل المواد الي منهجها واضح مثل مقدمة في اللغويات أو مناهج البحث أو الصرف والنحو وغيرها يعني مو محتاج اعرف الدكتور عشان اعرف المطلوب مثل بعض المواد الادبيه وأحاول اسمع المحاضرات المسجله قد ما اقدر والمواد الي أحطها في بالي ابدا أقرأها قراءة سريعه يعني يوم أو يومين حتى اعرف وش الماده الي تحتاج وقت ومجهود أكثر بعدين ابدا المذاكرة الفعليه وطبعا عندك الأسبوعين الاخيره الي مع الدوره التأهيلية تكون الأمور كلها أصبحت واضحه ويكون وقتي كله للمذاكرة فقط وقت النوم واصحى ارجع نفس الوضع مذاكرة حتى تنتهي الاختبارات وأي شي صعب راح تلقين له شروحات باليوتيوب والدكشنري أي كلمه صعبه اشوفها
الموضوع يحتاج فقط وقت للمذاكرة والدكاتره في الجامعه أغلبهم طيبين ويحبون يساعدون وعندك المنتدى هنا خليك متابعه دايم وكل دكتور تأخذين عنده ماده حاولي تشوفين أسئلته السابقه وخذي فكره عن طريقته في الاسئله والأشياء الي ركز عليها هذا جدا مهم
وبالتوفيق

[حبي لذاتي قمة أولوياتي ~]

المشاركة الأصلية كتبت بواسطة ساري ياغرام هي تعتبر 5 مواد لأن التدريب العملي لايحتاج مذاكرة فقط تقرير يكتبه يقدر ينتهي منه الآن والمواد تعتمد من الدكتور وهل هو خريج

توني اعرف منك ياقمر انه تقرير ويكون عن ايش زي يتدرب في مكان معين ويكتب عنه والا شنوووو


؟؟

بقي له 10 مواد بس ولا جاه ولا انذار الحمد لله : )

[ساري ياغرام]

المشاركة الأصلية كتبت بواسطة حبي لذاتي قمة أولوياتي ~ توني اعرف منك ياقمر انه تقرير ويكون عن ايش زي يتدرب في مكان معين ويكتب عنه والا شنوووو ؟؟ بقي له 10 مواد بس ولا جاه ولا انذار الحمد لله : )

التدريب العملي له نموذج موجود على النت يطبع ويوقع ويختم من مكان التدريب مثل شركة أو مؤسسة أو مستوصف أو غيرها ويكتب الطالب تقرير عباره عن صفحتين يكتب فيها مثلا انا طالب في كليه الآداب والعلوم الإنسانية تخصص أدب انجليزي وهذه السنه خريج وطلب مني كتابة تقرير وذهب لشركة .... وخبرتهم برغبتي بالتدريب لديهم وبعد الموافقه وجهوني للقسم .... بالشركة وكنت تحت إدارة فلان وبعدين يكتب كيف مارس اللغة في العمل وكيف أن الدراسه الجامعيه أفادته باللغة وكيف اكتسب مفردات جديده من خلال التدريب ومثل هالاشياء وموجود بعض النماذج بالنت

[ابوالحمزة]

مبروك ياساري تستاهل كل خير

بالتوفيق إن شاء لله ..تحياتي

[emooo0]

مبارك تخرجك
منها للاعلى ان شالله

[ساري ياغرام]

ابو الحمزة، emooo شكرا لمشاعركم الطيبه وأسأل الله لكم التوفيق والنجاح