انصحوني يا بنات النظم

[محبة رسول الله]

السلام عليكم ورحمة الله وبركاته..

مين احسن استاذات في برمجة 2 ,مبادى نظم معلومات ,مقدمة في الادارة الحديثة ؟
وشكرااااااااااااااااااااااااااااااا

[@فراشة الربيع@]

بالنسبة للبرمجة درستنا وحدة باكستانية البرمجة يمين وهي يسار ولاتأسسنا في البرمجة غير نص الكورس يلي إتحذف لأنها تأخرت شهر وشوية بس بالصراحة أسئلة سهلة مقارنة بلي شفتو في ++c!
النظم يلي تديهااا وحدة إسمها نوف بركاتي ...لاتعليق !
لكن بالصراحة في الفاينل رفعتنا قريد يعني يلي كانت +c إذتها b وهكذا!
المادة يبغالهااا حفظ
الإدارة غادة نعمة الله أسئلتها سهلة مقارنة يلي في الحاسب يعني أحفظي يلي تديكي هو وتحلي !
بس حد علمي قالت ماراح تأخذ شعب حاسب لأنو بنات الحاسب يقعدولهااا على الربع والنص درجة
هادايلي عندي إن شاء الله غيري يفيدك أكثر!

[محبة رسول الله]

شكرا ماقصرت على الرد حياتي والله يجعلو في ميزان حسناتك

[MeEnSAt]

وعليكم السلام ورحمة الله وبركاته

برمجة 2
طبعا المادة يبغالك تشتغلي على نفسك فيها , ولا تستني الأستاذة تقولك كل شي <-- أنسي دا الشي في الحاسب =$
,, خديها مع أ. أروى لنجاوي و أ. أمل المنصور (لاب) هيا صح تتعب في الواجبات ,, بس تطلعي فاهما صح ^^

مبادئ نظم ,,
أخدتها مع أ. صالحة الماليزية ,, يقولوا بترجع الترم الجاي , حبابة وأسئلتها سهلة
ومرة تراعي ,, بس المشكلة لهجتها الانجليزي شوية صعبة علينا !


مقدمة إدارة ,,

أخدناها مع أ.د. أسماء باهرمز ,, بس بيقولوا د.غادة بتعطيها دحين
مرة عسوووولة دي الآدمية وطيوووبة وكل شي

وان شاء الله ما تشيلي هم المادة معاها ,,

بالتوفيق ^^

[محبة رسول الله]

صراحة يابنات النظم الواحد يستحي يقولكم شكرا, والله يسهلكم زي ما سهلتووولي

[قلم تائبة..!!]

احم احم ..

انا دوبي اخذت هذه المواد..

أولا:برمجة 2 زي ماقالت الأخت فراشة الربيع أخذنا مع "عظمى" هي في ناحية واحنا في ناحية ..هي طيبة وأسئلتها سهلة بس ماتعرف تشرح وكل تركيزها على النظري وتحب التعريفات ماتهتم بالأكواد ..وطبعا أهم شي في البرمجة الأكواد..وضعنا في اللاب ..بس كانت أ.عبير حقة اللاب تحاول تفهمنا الله يسعدها ..

بالنسبة للاب مع أ.عبير هي شديدة بالذات في مواعيد الواجبات هي تعطينا فرصة أسبوع بس لازم تسلميه في وقته حتى لو فين كنت تحت الأرض لازم تسلميه بس تفهم بصراحة ..

ثانيا:مقدمة في الإدارة
أ.غادة نعمة الله ..طيوبة دمها خفيف ..المادة سهلة جدا اذا تعرفي تحفظي رح تجيبي معاها الدرجة الكاملة بسهولة هي تصحيحها شوية غريب بس اذا انت ذاكرتي كويس ماعليك..والمادة قليلة 6 شباتر بس والمذاكرة من السلايدات

ثالثا:مبادئ نظم

مع أ.نوف بركاتي
هي مررره ذوق وأخلاق ..لكن شرحها سريع والمحاضرة تجيب النوم..أسئلتها شوية صعبة ..وماتعترف بالمذاكرة من السلايدات ..لكن كانت تراعينا في مواعيد تسليم المشروع ..ولما يكون عندنا اختبار بعد محاضرتها كانت ممكن ماتعطينا محاضرة.
اللاب كان شوية ممل "ساعتين" مع أ.ثريا هي مرره طيبة بس شرحها مو مره
هوا كان كله أكسل وآكسس..مو مره صعب

وبس أحس إني قرقرت واجد بس أتمنى إنك تستفيدي..

والله يوفقك..