المواد الحرة

[Haneen78]

ايها الشعب الجميل


ايش المواد الحرة اللي بـ 4 ساعات ؟؟؟؟؟؟؟


كيف اعرفها ؟
اليوم رحت الشوؤن التعليمية قالو ماندري :)


بليز في اي احد عندو خلفية ؟؟؟؟؟؟

[ام حمدان]

هلا عزيزتي


مااتوقع تلقي مادة حره متاحة لطالبات الاداب ب4 ساعات

بس لو قصدك انه طبعتي خطتك في الشؤون ولقيتي المطلوب منك 4 ساعات حره فهذا مايعني انه شرط تدرسي مادة ب4 ساعات

الي ممكن تسوية تدرسي مادتين كل وحده بساعتين او حتى مادتين كل وحده 3 ساعات مايهم

المهم تكوني مخلصه الساعات المطلوبة قبل تتخرجي ولو درستي ساعات زياده عليها فمافي اي اشكال

انا مثلا واغلب طالبات دفعتي كان مطلوب منا 4 ساعات حره
ودرست مادتين كل وحده 3 ساعات عادي :)

موفقه

[Haneen78]

ايوا فاهمه عليكي

بس الترم دا كان نازل انو عادي ناخد مواد حرة ب 4 ساعات
و منها الفلك 1
بس مررررررررة مو قادرة افتكر باقي المواد < زهايمر :s

[ام حمدان]

^

هو ذا المشكله المواد الي ب4 ساعات قليل مره :(

بس لو تبغي رايي خذيهم مادتين كل وحد ابو 3 ساعات افضل اختاري اثنين يكون مواد سهله وخفيفه وتضمني بحول الله الامتياز فيهم لانه لمن تجيبي امتياز في مادتين مجموع نقاطهم 6 بتساهم برفع المعدل اكثر من مادة وحده ب4 ساعات
وهذا السبب الي يخلي ناس كثير تدرس مواد حره زيادة
اتمنى فهمتي علي

موفقه

[Haneen78]

المادة ابو 3 افضل من ابو 4 !!!!!!!!!!!!!!! :O
واااه

كيف افضل x_x
مافهمت ال6 نقاط

[ام حمدان]

ياعسل انتي يمكن تعرفين انه فيه حسبة معينه للمعدل وعدد ساعات المادة كل مازاد كل مازادت معه نقاط المعدل طبعا في حال درجاتك فيهم كانت عاليه

يعني مثلاً عندك مادة من التخصص وجبتي فيها a+ تساوي عندهم 5 مضروبه في عدد ساعات المادة

ولو جبتي a تساوي عندهم 4.75 ونفس الشي يضربوها في عدد الساعات للمادة وهكذا لكل تقدير فيه حسبة معينه

مثلاً الa+

5 * عدد الساعات الي هو 3 غالباً = 15

ولو مادة جبتي فيه برضو ايه بلس بس بساعتين بيكون 5 * 2= 10
بعد كذا يجمعوا كل ناتج النقاط تبع كل ماده ويقسموه على عدد الساعات الكلي للمواد المسجلة بجدولك ويطلع المعدل الفصلي

وزي ماشفتي من الشرح اعلاه انه لمن تجيبي امتياز في مادة ب 3 ساعات تكسبي نقاط اكثر من لمن تكون بساعتين

وانتي ناويه تاخذي مادة ب 4 ساعات يعني كانك درستي مادتين كل وحده بساعتين

والنقاط الي بتكسبيها في المعدل بتكون اقل من لمن تدرسي مادتين كل وحده 3 ساعات

عشان كذا قلت لك تدرسي مادتين كل ب3 افضل طبعا في حال لقيتي مادتين سهله وخفيفه ماتتعبك

اتمنى فهمتي علي الحين :)

[Haneen78]

ايوووووووووااااااااااااااااااااااااااااااا

الله يسعد قلبك
مرررررررة شكراً :*