{..تنظيـم الجدآول و اختيـآر المـوآد للفصل الدرآسي الجديد..طـآلبـآت الإنتساب..}

[سهر]

بنات بما انهم مو حاطين اسماء الاساتذه لمادة المودرن وشكسبير والدراما
ف سهر الذكيه استنتجت حاجه

اللي حيدرسها هوا عمر باقبـــــــص

[s.w]

بنات اللي جربو حنان جبر انا حذفت مادتها واضفت فرنسي كذا احسن والا عادي اخذ معاها انا مررة محتارة بس انا نجحت مع مايا الطيبة عالحافة فاخاف من احد يدقق
ابغى مشورتكم

[white rose]

سهر ربي يسمع منك وان شاء الله يطلع الدكتور عمر يااااااااااااااااااااااااااااااااااارب .

[Nawal200000]

ممكن احد يساعدنى فى اختيار مادة حرة سهلة:(

[الدلوعة]

مين معي بنفس شعبي

علم الاصوات - شعبة 1 - ليلى هاشم
لغويات تطبيقية - شعبة 1 - خولة زهران
نقد ادبي - شعبة 1 - سهام فطاني
علم الدلالة - شعبة 1 - ----


من اللي راح تحضر الدورة التاهيلية وتزودني باللي يصير فيها
وكمان ابغى استفسر عن الكتب لاني مره اعاني من الكتب كل مره اطلب من خوارزم ويرسلون لي كتاب غلط او شي قديم


احتاج كتاب النقد الادبي واللغويات التطبيقية من وين اشتريها غير خوارزم ابغى مكتبة موثوقة
بليز ردو لي باسرع وقت قبل مااروح جدة عشان اجيب الكتب معي

[سهر]

المشاركة الأصلية كتبت بواسطة الدلوعة مين معي بنفس شعبي علم الاصوات - شعبة 1 - ليلى هاشم لغويات تطبيقية - شعبة 1 - خولة زهران نقد ادبي - شعبة 1 - سهام فطاني علم الدلالة - شعبة 1 - ---- من اللي راح تحضر الدورة التاهيلية وتزودني باللي يصير فيها وكمان ابغى استفسر عن الكتب لاني مره اعاني من الكتب كل مره اطلب من خوارزم ويرسلون لي كتاب غلط او شي قديم احتاج كتاب النقد الادبي واللغويات التطبيقية من وين اشتريها غير خوارزم ابغى مكتبة موثوقة بليز ردو لي باسرع وقت قبل مااروح جدة عشان اجيب الكتب معي

حبيبتتي
انا امس رحت مكتبة الامين واخذت كتاب النقد

[ركن المشاعر]

انا عندي مشكلة
لقيت وانا اضيف المواد مادة اجبارية بالاحمر اسمها soc 102
ليش دخلتلي هذي المادة معني متاكدة انها ما كانت فيه غير هالترم تتوقعو جالسين يدخلولنا مواد كمان يعني ما يبغونا نتخرج وله ايش؟
ومتى رح تفضى الشعب لان كل موادي مليانه شعب مو قادرة اضيف

[toofey]

ام حمدان انا حملت رايتنق 1 وابغى اضيفها بس هم منزلين لها شعبتين بنفس التوقيت وكلها تتعارض مع الليسننق2
طيب ايش اسوي اذا رحت لهم وطلبت اضيفها حتى بدون ما ابغى احضر المحاضرات ينفع والا ما يرضوا لان جدولي الحين فيه بس 4مواد وانا ضروري ابغى اخلص من رايتنق 1 وكمان ما ابغى ااخرالليسننق2
ايش الحل في رايك؟يسعدك ربي ياعسل

[toofey]

سوري بس كمان بخصوص مراجعة ورقة الامتحان ياترى نزلوا اليوم شي على البورد لانهم قالوا الاربعاء
ياليت اللي عرفت شي تقولنا

[s.w]

^^
توفي انتي الترم اللي فات كنتي مع مين في رايتنج1 يعني مع اي استاذة ؟؟