رأيي في قسم اللغة الانجليزية (كخريج من هذا القسم و طالب ماجيستر tesol ) في نيويورك

[السحر الحلال]

السلام عليكم ورحمة لله وبركاته أجمعين. سيداتي سادتي طلاب وطالبات هذا الصرح العظيم. راح أطرح رأيي وأتمنى من الجميع يتقبل الموضوع بكل رحابه صدر

التحقت بهذا القسم في العام 2006 وتخرجت 2011. عشت ايام جميلة في هذي الجامعه وهذا القسم بالتحديد. الحمدلله تخرجت بمعدل يفوق ال4 وتم قبولي في برنامج خادم الحرمين الشريفين ومن حسن حظي انه تم ادراج تخصصات اللغه الانجليزية ضمن البرنامج يعني شدو حيلكم عشان تلحقونا ان شاء لله لبلاد العم سام.
شهادة حق, ان قسم اللغه الانجليزية ولله الحمد كان دعامه قويه جدا لي في مجال اللغه. صحيح اني دخلت القسم بخلفيه قوية عن اللغه الانجليزية لكن مايمنع اني انسب وضعي الحين لله ثم هذا القسم. من خلال دراستي لماجيستير Teaching English to Speakers of Other Languages او TESOL لحد الان اخذت 4 مواد. مرينا على أشياء كثيرة درستها في قسم اللغه في جامعة الملك عبدالعزيز. ومن العجيب ان هذه الاشياء لازال الطلاب الامريكيين يواجهون صعوبة شديده فيها مع انها لغتهم. على سبيل المثال, مادة الصوتيات والمورفولوجي والسوسيولنقوستكس. جميع هذه المواد لازال الطلاب الامريكان في اقسام اللغه الانجليزية يواجهون صعوبه. اقسم بلله العظيم اني كنت احسن منهم كلهم او على الاقل معظمهم في مناقشة هذه الموضوعات. والي درس هالمواد الثلاث راح يعرف عن ايش اتكلم.

يعني لاتستهين ابدا في الحصيلة العلمية الي يقدمها قسم اللغه الانجليزية في الجامعه لاني ادركت ان المواد الي درستها كانت في صميم اللغه الانجليزية بالرغم اننا كنا كسولين جدا ومانحب الواجبات ولا نقرء كتب ومصادر. وعشان اوضح لكم قصدي احسبو كم واجب أو بحث اخذتوه في هذا الترم أو حتى منذ التحاقكم بالقسم. ماعتقد انه راح يتجاوز 10 واجبات وبحث واحد او اثنين. انا وصلت لقرابه 40 واجب في السمستر الواحد واكثر من 3 أبحاث ومنها دراسه على طفل ( يعني شيء عملي). قلت في نفسي ليش كنت أتذمر من طلبات دكاترتنا في القسم . والواجبات ماكانت فراغات مثلا. بل كانت واجبات ماتقل عن 500 كلمة في كل واجب. الكتابة عندي صارت شيء سهل مع الوقت

الدكتور فيزو لله يذكره بالخير كان يقول لنا حطبق النظام الامريكي, حضرو الدرس الفلاني وحسالكم فيه وراح اخصم درجات لو ماجاوبتو. وكنا بعد كل محاضرة زعلانين كيف يعطينا شيء ماخذناه ويحاسبنا عليه. المفروض يدرسنا بعدين يسالنا مو العكس. لكن اكتشفت ان هذا النظام هو المعمول فيه هنا في بعض التخصصات النظريه وهذا الشيء يعطيك دعامه قويه للدرس.

الشيء الي مزعلني من القسم هو عدم تدريس مادة القرامر. بحجه ان الطالب يكتسبها مع الدراسه. وانا ضد هذا الشيء لاني للاسف لازلت اواجه صعوبه في استخدام القرامر في كتاباتي (حالي حال بعض الامريكان).

باختصار القسم حليو ومفيد جدا لكن انصح كل طالب وطالبه يخطط على التخرج بمعدل طيب و لغة كويسه انه يطور نفسه بنفسه خارج المنهج الجامعي ( مشاهدة افلام ) (حفظ كلمات يوميه دارجه ) ( مشاهدة برنامج عربي مع دبلجة انقليزية) ( الحفاظ على ملخصات القسم خصوصا في المواد الي ذكرتها في بداية الموضوع ) لانها راح تفيدك باذن لله اذا تخصصت ماجيستر في اي ميدان من ميادين الغه الانجليزية.

أحب أوصل تحياتي الكبرى للي وثقو فيني وعطوني توصيات ساعدتني في الالتحاق بجامعتي الحاليه بامريكا وهم ( الدكاترة محمد فوزي و طارق سيدة و عبدلله الشهري ) وتحياتي الحارة لجميع منسوبي هذا القسم العظيم. مع اسفي الشديد لاستثناء أحد الدكاترة الكبار أداءا وعلما والي حرمني من درجة عاليه بسبب اسلوبه في توزيع الدرجات (شختك بختك) وراح يعرف قصدي من إكتوى بناره.

واي ملاحظات انا راح اكون سعيد بها
والسلام ختام

[أرق]

الله يوفقك أخوي كلامك كان بمثابة البلسم والدافع القوي للمثابرة في هذا القسم ..
عقبال الدكتوراة يا رب والله يسهل أمورك يا غالي .

[Hoofa]

ماشاء الله تبارك الله
قسم بالله اديتني دفعة معنوية جدا عالية خصوصا اني احمل نفس طموحك وهو الدراسة برا
وتوبة ماراح اتذمر من الدراسة وبمشي على نصايحك

والله يوفقنا وياك وبإذن الله لاحقتك

[المسعودي الهذلي]

ماشاء الله تبارك الله

حللت اهلا ووطئت سهلا
كلام جميل وتوجيهات ونصائح وارشادات لاتقدر بثمن

ربما يكون كلامك أكثر توجها لطلاب الانتظام بحكم احقية الابتعاث
ولكن اسمح لنا بالمداخلات كطلآب انتساب لنستفيد من خبراتك
وتجاربك ..
سؤالا واحد فقط ولا أطيل ..

ماهي الطريقه اللتي انتهجتها او العوامل اللتي ساعدتك في تطوير لغتك قبل
الدخول الى الجامعه ؟؟؟

مع خالص الاحترام والتقدير ,,

[المحروم..@]

طيب اللي معدله تحت 3 وانتساب ودرس ست سنوات هل له امكانية يدرس في بلاد العم سام لو بالواسطة

[السحر الحلال]

المشاركة الأصلية كتبت بواسطة أرق الله يوفقك أخوي كلامك كان بمثابة البلسم والدافع القوي للمثابرة في هذا القسم .. عقبال الدكتوراة يا رب والله يسهل أمورك يا غالي .

امين يارب العالمين. الحمدلله كل شيء موفر لي المطلوب مني هو الشهاده وان شاء لله اكون عند حسن ظن الجميع.

المشاركة الأصلية كتبت بواسطة hoofa ماشاء الله تبارك الله قسم بالله اديتني دفعة معنوية جدا عالية خصوصا اني احمل نفس طموحك وهو الدراسة برا وتوبة ماراح اتذمر من الدراسة وبمشي على نصايحك والله يوفقنا وياك وبإذن الله لاحقتك

لله يوفقك اختي وعلى فكرة البنات أحسن من الأولاد وأسرع في تعلم الامور النظريه ومنها اللغات وقبول البنت أسهل من الولد في الالتحاق بالبعثه بالفعل. اهم شي جيبي 3,75 وان شاء لله نشوفك في امريكا. ولا اقلك نيويورك هههههههه.

المشاركة الأصلية كتبت بواسطة المسعودي الهذلي ماشاء الله تبارك الله حللت اهلا ووطئت سهلا كلام جميل وتوجيهات ونصائح وارشادات لاتقدر بثمن ربما يكون كلامك أكثر توجها لطلاب الانتظام بحكم احقية الابتعاث ولكن اسمح لنا بالمداخلات كطلآب انتساب لنستفيد من خبراتك وتجاربك .. سؤالا واحد فقط ولا أطيل .. ماهي الطريقه اللتي انتهجتها او العوامل اللتي ساعدتك في تطوير لغتك قبل الدخول الى الجامعه ؟؟؟ مع خالص الاحترام والتقدير ,,

اتمنى تقرى اقتباسي للاخ الي تحتي بخصوص الابتعاث. بخصوص كيف حصلت على دعامه قوية في اللغه ( قبل دخولي الجامعه ) هو الالتحاق بمعهد مستوى مبتديء عشان اخذ فكرة عامة عن طريقة صياغة الكلام والمحادثات (قرامر-التحيه-اساسيات اللغه-الضمائر) لكن الشيء المفصلي هو اني اخذت دفتر أبو 40 وصرت أي كلمة تتكرر كثير في البلايستيشن مثلا على طول ابحث عنها وادونها وغير كذا الكلمات الدارجه جدا لازم احفظها ( تقريبا كان عندي 1000 كلمة قبل دخول الجامعه ) باختصار حفظ الكلمات والفريزز راح يسوي نقلة نوعيه في لغتك. ولله يوفقك

المشاركة الأصلية كتبت بواسطة المحروم..@ طيب اللي معدله تحت 3 وانتساب ودرس ست سنوات هل له امكانية يدرس في بلاد العم سام لو بالواسطة

لاتشيل هم يا غالي. بما انك انتساب لغه انجليزية فاتوقع انك تملك اساسيات اللغه الانقليزية. جمع لك فلوس تكفيك على الاقل 6 شهور ابتعاث. التحق بمعهد لغه انجليزية في امريكا. ومن خلال تقدمك في المستوى الدراسي وحصولك على درجات حلوة وعدم الرسوب راح ترسل نتايجك للملحقيه واذا شافو انك مستواك متصاعد بعد 4 شهور باذن لله يتم ضمك للبعثه وهذا هو النظام هنا واعرف كثير سوو نفس الشيء على الرغم انهم 0 على الشمال في الانجليزي لكن طموحهم خلاهم يتعلمون الانجليزية بسرعه.و عندك موقع مبتعث ان شاء لله راح يفيدك

[لمارمبارك]

اولا الله يوفقك

ثانيا قسمكم يا الطلاب يساعد الواحد يحضر دكتوراه مع طريقه الاسئله المبسطه والملخصات الابعض الاساتذه وهم موكثير لاكن قسم الطالبات تعجيز وعراقيل وتحطيم والكتاب كامل معنا ما اقول الاحسبي الله على كل استاذه ماتساعد الطالبات ....

معليش فضفضت شوي من حره التعب والمذاكره ...ربي يوفق الجميع

[طالب في]

الله يوفقك وييسر لك امرك
عندي سؤالين الاول ليش ماخليت ابتعاثك على بريطانيا ماتشوف انها احسن
والثاني :حسب ماقرأت في شروط الابتعاث لبرنامج الملك انها مافي تخصص لغة انجليزية والى الان غير موجود في الموقع؟
فهل انت قدمت على تخصص ثاني وبعدين حولت يوم وصلت هناك؟
والله يسهل دراستك وترجع بالدكتوراه ان شاء الله

[السحر الحلال]

المشاركة الأصلية كتبت بواسطة طالب في الله يوفقك وييسر لك امرك عندي سؤالين الاول ليش ماخليت ابتعاثك على بريطانيا ماتشوف انها احسن والثاني :حسب ماقرأت في شروط الابتعاث لبرنامج الملك انها مافي تخصص لغة انجليزية والى الان غير موجود في الموقع؟ فهل انت قدمت على تخصص ثاني وبعدين حولت يوم وصلت هناك؟ والله يسهل دراستك وترجع بالدكتوراه ان شاء الله

بريطانيا مقفلة من الملحقيه اذا كنت ناوي تطلع على بعثة.
نعم قدمت على تخصص ثاني وبعدين حولت يوم وصلت هناك. لكن الحين المسؤولين ذكرو ان تخصصات الانجليزي متاحه في البعثه وسمعناهم في ملتقيات الابتعاث ذكرو هالشيء لكن مادري ليش باقي ماضافوها في موقعهم على الانترنت

[Dmar]

تصحيح العم سام خطأ يقع فيه الكثير من العرب

والاصل ان سام ابو العرب

باقي الموضوع مالي تعليق عليه

لكن اوصيك بتقوى الله في السر والعلن