هل سيطوى قيدي من الجامعة

[بالقران نحيا]

السلام عليكم ورحمة الله وبركاته

انا تخصصي كيمياء المفروض اتخرج العام
لاكن انا كنت اضيف اربع خمس مواد في الترم
ودحين باقيلي مواد كثير ويمكن مااتخرج دي السنة
هل يطوى قيدي بعد السنة الخامسة
وهل اقدر اضيف مواد لها متطلب
ياليت تفيدوني وتطمنوني
وجزاكم الله خير

[LeLou]

و عليكم السلام و رحمة الله و بركاته..

أول شي انتِ من أي دفعة 10 و لا 11؟!
ما أظن يعملوا لك طي قيد طالما أنك بتداومي و بتدرسي..

و غريبة ما خلصتي 4 و 5 مواد ممكن تخليكِ تتخرجي..
إلا لو كنتِ تحسبي الأمن و السلامة و المعامل مواد :)

تقدري تاخذي صيفي و إن شاء الله تتخرجي؟؟
كم ساعة مكتسبة عندك؟؟

+

لو أنك خريجة ممكن يضيفوا لك عدد ساعات فوق 18..
و في الصيفي ممكن يدوكِ أكثر من 9..

::

بالنسبة لأنك تضيفي مادة مع متطلبها ممكن يحصل بس أظن لازم دكتورة المادة الثانية توافق أنك تــاخذي منهجها و انتِ مو ماخذة المتطلب..


//

في المنتظمين إن شاء الله يفيدوكِ أكثر بخصوص طي القيد و ما إلى ذلك..

بالتوفيق||~

[بالقران نحيا]

انا من دفعة عشرة
ساعات المكتسبة 70
معدلي كويس واقدر اضيف اكثر من 18 ساعه
لاكن ماقدرت بعض المواد لها متطلب وبعضها يتعارض وقتها
محااقدر اتخرج دي السنة بسسبب المتطلب والتعارض لانهمم فاتحين شعبة وحده لك مادة

[بالقران نحيا]

ابغى اعرف مااقدر اكمل سنة سادسة
وراح يطوى قيدي
لان كلية العلوم خمس سنوات

[LeLou]

المشاركة الأصلية كتبت بواسطة بالقران نحيا انا من دفعة عشرة ساعات المكتسبة 70 معدلي كويس واقدر اضيف اكثر من 18 ساعه لاكن ماقدرت بعض المواد لها متطلب وبعضها يتعارض وقتها محااقدر اتخرج دي السنة بسسبب المتطلب والتعارض لانهمم فاتحين شعبة وحده لك مادة

أوبس..
كون أنك من دفعة 10 و ساعاتك 70 دا مرة قليل لازم أقل شي تكون في التسعين..
بالفعل لو أيش ما راح تقدري تتخرجي لأنه اللي باقي لك 58 ساعة..

بالنسبة للمعدل الكويس،، لو معدلك كويس أقصى شي 18 و لو مو كويس أقصى شي 15 أظن بس مو متأكدة..
و لو تخرج يضيفوا لك فوق 18..
أصلاً مستحيل تاخذي 58 ساعة في ترمين أيًا كانت الظروف سواء تعارض مو تعارض متطلب مو متطلب انتِ كذا يبغالك تاخذي كل ترم 29 ساعة و دا شي مستحيل تقدري عليه و لسا وراكِ بحث و تدريب..

المشاركة الأصلية كتبت بواسطة بالقران نحيا ابغى اعرف مااقدر اكمل سنة سادسة وراح يطوى قيدي لان كلية العلوم خمس سنوات

أنا عن نفسي أقول لك ما أتوقع يطووا قيدك و لا شي،، أعرف واحدة دفعة 07 و اتخرجت سنة 12..
فما أظن أنهم يطووا لك قيدك.. و اتأكدي من عمادة القبول و التسجيل..

اللي ممكن يروح عليكِ هي مرتبة الشرف،، حتى ما أدري أيش أقصى حد تكوني زودتيه عشان تستحقيها..
بس هو في شرط لها أنك تكوني ما قضيتي في الجامعة أكثر من فترة معينة..
دا ممكن يأثر ع الوظيفة أحيانًا على حد علمي و على حسب ما أسمع،، يقولوا لك ليش طولتي في الجامعة و كذا..

و الله أعلم..
موفقة||~

[بالقران نحيا]

الله يعطيك العافية

[صلاح الدين]

يااختي عشان اريحك لو تجلسي في الجامعة 10 سنوات مايطوي قيدك الا في حالة واحدة الا وهيا اذا كانت معدلك تحت 2 وبذلك تاخدي علي كل تيرم معدلك تحت ال 2 انذار بالفصل ولو اتجمعت 3 انذارات يطوي قيدك اما اذا كنتي متأخره ومعدلك فوق ال 2 فعادي لو تجلسي كمان 10 سنوات زيادة ..

[toleeen]

ارجع للحقيبه الطالب المنتظم العلوم 14فصل يعني سبع سنوات ارتاح يعني والله يوفق الجنيع

[toleeen]

أنا تقريبا زيك بس هذا عشان تطمني بالتوفيق www.skaau.com/vb/showthread.php?t=83819

[صلاح الدين]

صحيح في النظام مكتوب انه 7 سنوات بس انا اعرف ناس كانو في القسم معانا في كلية الهندسة ولهم 12 سنة ياختي وانا اتخرجت وهما باقي لسا فااتطمني عادي ..