طلعلي مواد في خطتي الدراسيه لكن غير موجوده في المواد المتبقيه - هل هدا طبيعي

[جيجي21]

سلام عليكم - حد يطمني الله يخليكم - دحين انا علي اساس ان باقيلي احصاء وماده حره وتدريب عملي وسيمنار وعلم الاصوات اخدهم الترم الجاي واتخرج - تمممام

المهم انا اكتشفت اليوم لما طلع في اودس الخطه الدراسيه رحت اشيك لقيت مواد مش موجوده في المواد المتبقيه بس موجوده في الخطه ومحطوط جنبها اكس يعني مااخدتها

انا في الاساس محوله من جامعه تانيه درست فيها سنتين وبعدين جيت عبد العزيز وعادلولي هدي المواد :




وبعدين بقيت اخد مواد حسب ماهو مكتوب في المواد المتبقيه واهي المواد المتبقيه - ودحين اللي باقينلي هما اللي علاهم علامه حمرا لان التانيين خلاص بختبرهم دحين فاينال-





وهنا اهو في الخطه لقيت مكتوب مواد زياده وهي الانجليزي 1 و2 و 3 و 4


وبعدين في شي تاني كلنا عارفينه اللي هو :




وانا اخدت الفرنسي 2 واخدت الاداره العامه لكن مش مكتوبين في الخطه ومكتوب اهو اني لازم ادرس مواطنه وكمان فكر فلسفي






يعني دحين كيف ؟؟ ايش حكايه مواد الانجليزي هدي اللي طلعالي في الخطه وحكايه الفكر االفلسفي والمواطنه

وللمعلوميه : انا دفعه 2008

[خضرر]

الافضل لك مراجعه القسم والله يعينك

[جيجي21]

خلاص قلت لصحبتي وهي تخرج ده الترم وقالت ليا حتي هي تخرج وعندها نفس المشكله فشكله السستم بس ملخبط

[nour al3mr]

و عليكم السلام و رحمة الله و بركآته

موآدك تنقسم لِـ 3 أقسـآم

متطلب جآمعة / متطلب كلية / متطلب تخصص

متطلبـآت الجآمعة هي :
موآد الثقافة الإسلامية بمستوياتها الأربعة + مهارات الإتصآل + مهارات التعليم و التفكير (التفكير و البحث العلمي سابقًا) + الإحصاء في التخصصات النظرية + الحآسب الآلي + الإنجليزي بمستوييه 101 و 102

لازم تدرسيهم كلهم في حال ما تم معادلتهم لك .

::

متطلبات الكُلية :
الثلآث موآد الجديدهـ (الفكر الفلسفي / الشبآب و قيم الموآطنة / مقدمة في العلوم الطبيعية)
و إن درستي اللي يعادلهم من موآد ، يصير ما يلزمك إعادة دراستهم

::

متطلبآت التخصص :

تتضمن جميع موآد تخصصك المطالبة بدراستهم من أول مستوى لِـ حين التخرج

::

اللغة الإنجليزية 3 و 4 هذهـ خآصة بالإنتظـآم بالخطة الحديثة .. لكن يعادلها لمن سبق لهم دراسى elca 101 & 102

الله يوفقك .

[white rose]

وعليكم السلام ورحمة الله وبركاته

حياك الله اختي الفاضلة

لا تقلقي المشكلة انو الاودس ملخبط لك الدنيا والعبرة بكشف المواد اللي درستيها و تعادلت لك

وقت لمن تسوي اجراءات التخرج راح تسويها يدوي مو بالاودس يعني حتيجيبي ورقة بكشف المواد اللي تجاوزتيها و تعادلت لك للمس المسئولة عنك وقت عمل اجراءات التخرج وهيا راح تراجع معك الخطة كلها

بالنسبة للانجليزي 1 و2و 3 و4 المقصد منها انك تدرسين مستويين انجلش فسواء درستي 1 و2 او درستي 3 و4 تعتبري خلاص أنتي مُجتازة للمتطلب الخاص بالكلية

واذا درستي الفرنسي والمبادئ للادارة فتعتبر معادلة لك حتى لو ما نزلت بكشف الاودس انا اتكلم لك عن تجربة شخصية انا ما كانت متعادلة عندي بالاودس لكن وقت اجراءات التخرج عادلتها ليا يدويا المس المسئولة عن الجدول والاجراءات بالقسم للانتساب وهيا مس جميلة مشطاطي طبعا كمنتظمة اي مس بغرفة 119 ممكن تسوي لك الاجراءت بترم التخرج ان شاء الله

فلا تقلقي الاودس دايم يخرف بالساعات وبالمواد خلي اعتمادك على كشف الدرجات + كشف المواد المتعادلة لك وهيا الاساس

موفقة:-)