رايتك بيضاء يادكتور هرموش

[ABoroBA]

وعليكم السلام ورحمة الله وبركاته


المشكلة ..
احنا كطلاب انتساب لم نأخذنا حقوقنا كطلاب .. أسوة بالمنتظمين في نفس الجامعه

واذا حصل يوم, وأحد طالب بشي ..ايش يصير ؟؟!!

للأسف .. حنا نلوم بعض ..

"والدكتور رايته بيضا"
"ولا ياخذ في خاطره"
"خلونا نرسل له رسالة استعطاف"

وخذ لك من هذا الكلام اللي لايودي ولا يجيب , وكأن الدكتور وزير التعليم العالي
ولا بيفيدنا في شي

طيب ... انا ماتحز في نفسي لما اعيد ترم كامل ولا مو من حقي ازعل !!
لما يعاملني الدكتور كالمنتظمين عند التصحيح فقط

أما في المحاضرات "انتم منتسبين"
ويعطيك المنهج نهاية الترم وفي محاضرتين .. اللي يعطيه للمنتظمين في ثلاث اشهر

ولما يسلمك الشهادة "انتم منتسبين"
ويكتبها بالخط العريَض
وخذ لك اذا احد عينك



((( نظامهم مع المنتسبين في الاساس غلط )))




كلنا ذاكرنا واجتهدنا .. والدكتور ماقصر ونيته ان شاء الله طيبه
مادام تعاملهم مع المنتسبين فيه اجحاف وظلم لنا كطلاب
لا أحد يلومنا لما نروح نطالب بشي

وماشوف فيها اسائة لأحد .. من حقنا انه يسمعنا , ويسعى معنا .. ولا بتحز في نفسه لا تخاف
الله لا يهينه هذا من أولوياته .. مشاكل الطلاب ..



خلاص لاتتعب قلبي
ودمتم

[هيثم الشريف]

أولا مايحتاج تبيض راية الدكتور
الدكتور هرموش دكتور فاضل ومن أفضل دكاترة القسم
ثانيا أسلوبنا كمسلمين وطلاب أكادميين مايسمح لنا نخرج عن إطار اللباقة والإحترام
ثالثا اللي يقول لاتوصلها لرئيس القسم وخليها عند الدكتور هرموش يتفضل يجيب لنا الدكتور اللي جالس يتهرب منا
رابعا اللي جالس يتكلم بالمنتدى وماهو داري عن السالفة ويقول أتحدى تطلع لي سؤال من خارج المذكرة أقول له بارك الله فيك إنت الوحيد الفاهم من كل اللي إختبروا المادة والبقية اللي مو راضيين عن الإختبار موفاهمين مثلك
خامسا وأخيرا حنا قد بدأنا بخطوات لنوصل لحل يرضي جميع الأطراف بإذن الله ولا يخاف الطالب اللي ضامن درجة النجاح أننا راح نخرب عليه

تقبلوا مروري
ودمتم بألف خير

[البرستيج]

استغفر الله العضيم من كل ذنب عضيم

انا ماذاكرت وجاوبت بعض الاسئله من اللي سمعته من التسجيلات
وبعد ماراجعت الاسئله فعلا ولا سؤال من خارج المذكره ,,,يعني مالك حجه علي الدكتور

لو كان فعلا جاب سؤال من خارج الملف اللي اعتمده كلنا بنعترض (بدون استعطاف )

اتمني يكون عندنا حس تحمل المسئوليه ..ماذاكرت النتيجه واضحه رسووب

لكن يبدو في ناس استعطاف الناس هوايه عنده .

طيب لو نفرض انك طشيت وجهك ورسبك ..عاادي؟؟؟

اصلا امه ماجابته اللي استعطفه عشان يحن علي ..اذا لي حق اخذه من عينه واذا مالي حق انطم واتحمل نتيجة اهمالي وخطائي
ياعرب لا ابائكم ولا اجدادكم كانو يستعطفون الناس ويتسولون حاجاتهم ..تراها عيب .

انا اقول كلام اخونا خالد صحيح ميه بالميه ..بيض الله وجهك ياخالد ومشكور


اخر صيحات الطراره (استعطفه )

ويقوله ياوالدي ..انت تدري منه هذا اللي تقوله ياوالدي ..من اي مله ومن اي مذهب جايك ..والا اهم شي تنجح

بلوا ابتلينا فيها (الله يصلح الجميع)

[alsolmi]

نصحية لكم ياخون حاول تجتموا على كلمة واحدة ويذهب شخص منكم لمناقشة الدكتور اولاً
واذا استلزم الأمر مناقشة رئيس القسم تمنياتي لكم بالتوفيق

[_funny boy_]

أتفق مع الأخ خالد , من أول ما شفت الأسئلة , وشفت عددها , تأكدت إن الدكتور ناوي يتساعد مع الطلبة
يعني بالعقل , يطلب منك حل 13 سؤال من أصل 15 سؤال وتتوقع إنه راح يحاسبك على الكبيرة والصغيرة ؟؟؟!!!
صحيح إنه وعد بأنه راح يجيب أسئلة إختيارات وصح وخطأ , ولم يأتي بها طبعاً , وذا إلي نرفزني وقتها
بس خلوني أقولها وبكل صراحة , نحن أدمنا على الأسئلة الصح والخطأ والإختيارات للأسف
وذا مو مقياس صحيح لقياس تمكن الطالب في اللغة , يعني تخيلوا تجي تقدم على وظيفة معينة ويكون فيه إختبار تحريري (كتابة طبعاً)
أتوقع أنواع الأخطاء واللخبطة راح تصير , وأنا أولكم

الدكتور له حقه من الإحترام , ولو صار أي إخفاق في ها المادة لا سمح الله , أنا شخصياً أتحمل خطأي إلي وقعت فيه

وخلوكم متفائلين بالخير , " والإختلاف لا يفسد للودة قضية " على قولتهم

[ابومحمد552]

ارى بان الدكتور وضع اسئله صعبة وبالاخص في القصائد التي لم يشرحها والدليل هو بان الدكتور وضع ثلاث نماذج اسئله مختلفة جدا عن بعضها وكلامه في قاعة الاختبار بان الاجابة تكون من كلمه او كلمتين ولو الدكتور كان يبي يتساعد معانا كان اقل شي يقول اشرح القصيدة بصفة عامه ولم يحددد في اسئلتة
اتمنى من الاخ ابو جميل الاجابه
هل يعقل بان معنى كلمه واحدة فقط عليه 8 درجات؟؟؟
حاب كلمتين ب 16 درجة

[صمتي قرار]

السلام عليكم

اخواني لا تستعجلون خلو النتائج تطلع وعقبها لكل حادث حديث

اتمنى التوفيق للجميع

[حامد م]

الدكتور هرموش دكتور احترمه و اقدره
اخذت معاه الترم الصيفي برمضان اللي فات
بعدين ما جاب شئ غريب ابد ولكن صياغة بعض الأسئلة غير مفهومه لأغلب الطلاب (اللي فاهم صياغة السؤال راح يكتب تعبير على الاقل الدكتور راح يجد شئ مفهوم)
وليش العجلة
تفاءلوا بالخير تجدوه إن شاء الله
الشئ الأخير الاخ خالد طرح الموضوع للنقاش و ليس للجدل
No pain, no gain
في نهايه المناقشة نريد نصل.... لهدف الموضوع
شكراً

[هدددددء]

انا خريج ولكن ماعمري شفت نقاش في المنتدى بهذي الطريقة!!
ملاحظة:
اللي يرددون دائما ( حنا انتساب لا يعاملونا على انا انتظام ) هم نفسهم اللي يقولون ليش التعليم يبغون انتظام ولا يقبلوا انتساب ومافيه فرق بيننا!!
الله يوفق الجميع والدكتور طيب انا سمعته يقول لواحد من الطلاب ان شباب المناطق سلموا اوراقهم فاضيه حتى ماكتبوا اي شي عشان الواحد يقدر يتساعد معاهم ..
اتوقع اللي كتب اي شي حول المواضيع بينجح والله أعلم..
..
وفي الأخير لاترمي باللوم على غيرك ولكن اعمل اللي عليك جيدا
وانا ضد الاستضعاف والذل حتى لو النتيجة رسوب..

[saadoony]

المشاركة الأصلية كتبت بواسطة هيثم الشريف ثالثا اللي يقول لاتوصلها لرئيس القسم وخليها عند الدكتور هرموش يتفضل يجيب لنا الدكتور اللي جالس يتهرب منا

الدكتور لا تهرب ولا شي كثير من الطلاب واجهوا الدكتور وكثير من إتصل على جواله وكانت الإجابة

سأتغاضى عن الأخطاء الإملائية وسأعطي الدرجة الكامله لمن أجاب في مضمون المعنى ولو بكلمه واحده >>> كلام مليان فيه أوضح من كذا

تخيل أنت في مكان الدكتور وكل شوي جايك واحد يقرق عليك في النهاية الدكتور وعدنا وأن شاء الله أنه يكون قد وعده

الدكتور هرموش تراه مثله مثل رئيس القسم كلهم دكاتره يعني لو كلمه رئيس القسم ما راح يقدم ولا يأخر

الأخوان اللي سلموا الورقه بيضاء مستحيل أنه ذاكر ومن الإستحاله أن الدكتور يعطيه درجة النجاح حتى لو حملت الماده ماهي مشكله بل بالعكس تزيده إصرار في الأترام القادمه على النجاح بدرجات مرتفعه بإذن الله مع تمنياتي للجميع بالتوفيق