لازم الفصل قبل التعيين

[فطيس]

السلام عليكم ورحمة الله وبركاته
اما بعد
اليوم رحت الخدمة المدنية وسألتهم هل الفصل قبل التعيين ولا بعد التعيين قالو لازم تفصل قبل التعيين
ولا ماراح يتعاملون معك
قلت له اجل ابي افصل قال لي حرام عليك لاتفصل
ورحت للمدير وسألته ونفس كلامه

ياشباب وشرايكم افصل
تكفون عطوني رايكم والله محتار
وكل عام وانتم بخير

[جُحا]

اسمك طلع مع المرشحين وإلا ما طلع .

[فطيس]

ايه طلع

[فهد111]

ما هو عملك وفي اي قطاع

[kastro]

والله انا اخوك هذا يعتمد على وظيفتك هل انت مرتاح فيها ولا لا وعلى الراتب ورغبتك في التعليم يمكن اغلب الانتساب عسكر وانا منهم نبغى الفكه بس انت والمكان اللي ترتاح فيه والله يوفقك

[ابـ ريان ــو]

شف في البداية لابد انك تدرس وضعك بالكامل وانت أدرى, يعني: حسب معدلك اذا كان مقبول او جيد منخفض راح يكون فيه خوف من ناحية التعيين لأنه هناك من هو أفضل منك بالمعدل وانتظام وتربوي ربما أقدمية التخرج. اما اذا معدلك مثلا جيد مرتفع أو جيد جدا فيه أمل انك تنافس وانت مرتاح شوي.
طبعا لا تنسى انك انتساب وغير تربوي وتخصصك لغات اوروبية في المرتبة الاخيرة في الاولوية, حسب احتياج وزارة التربية رتبت التخصصات حسب الاولوية كالتالي:الدرجة الجامعية في أحد التخصصات التالية :
آداب وتربية تخصص تدريس اللغة الإنجليزية ، أو آداب تخصص اللغة الإنجليزية ، أو اللغات و الترجمة تخصص اللغة الإنجليزية وكليات المعلمين ، تخصص اللغة الانجليزية ،أو اللغات الأوربية تخصص (لغة انجليزية) .
الافضل انك تنتظر لحين الترشيح النهائي بعد المطابقة مباشرة ربما 22 / 9 أو 23 / 9 إذا طلع اسمك تقدر تفصل لأنه يتبقى الفحص الطبي والمقابلة فقط. وتقدر تأجل فصلك بعد المقابلة بعد ما تتاكد انك اجتزتها من نفس اللجنة.
ولكن حسب مرجعك اسأل كم يستغرق الفصل وتعديل المهنة أذا كان 3 أيام أو 5 عادي لكن اذا شهر فهنا يختلف الوضع.

[A.S]

طيب ليه تقدم على الوظيفه دامك متردد تفصل ام لا ؟؟؟؟؟

ممكن فيه غيرك كان محتاج هذي الوظيفه

[رومنسي مصرقع]

اللي اعرفه اذا كنت على المرتبة السادسة لازم يكون بين الفصل والتقديم 6 أشهر

تأكد من هذه المعلومة

واذا ماهي شرط شف وضعك بين عملك والتدريس ايهم افضل واستخير وتوكل على الله

[عبدالرحمن الزبيدي]

السلام عليكم ياشباب موشرط ست شهور ولد عمي طلع اسمه وعينوه وهو ع راس العمل بالدفاع المدني وقبل مايباشر فصل وقالوله لاتباشر الابعد العيد والان قاعد يتبطح بالبيت عموما تخصصه لغات اوربيه متخرج له سنه ونص وبالمرتبه السادسه.

[صـخــر]

يا خوي فطيس ترى السالفه ما يبي لها مطوع
قرصة وجاتك لا تضيعها
من بكره قدم انهاء خدمات من عملك وبسرعه ما عندك وقت
خصوصا ان انهاء الخدمات واخلاء الطرف تاخذ حوالي شهر
ولا تخاف ترى المفاضله النهائيه تطلع بعد 8 ايام
يعني لا تخاف لو لا قدر الله ما طلع اسمك تقدر تتراجع عن انهاء الخدمات وترسل فاكس تلغيه
اما اذا طلع اسمك تكون استغليت الوقت وقطعت شوط في فصلك
اذا طلع اسمك في المفاضله النهائيه فعتبر نفسك تعينت بمشيئه الله
لانه محد يرسب بالمقابله او الكشف الطبي
انا اقولك رأيي من واقع تجربه مع احد زملائي في العمل السنه الماضيه
نفس موضوعك
موفق خير