{شآركينآ يوميآآتكـ أخسري آلوزن آلزائد معنآ~

[برزاويه]

انا نظام نومي مره ملخبط
بس الحمدلله باعده عن السكريات
يعني خففت منها كثير وجالسه
على الخبز والجبنه على فكره
لي خمسه ايام مااكلت رز
وكل بين ساعه وساعه اشد بطني على جوه
طبعاا تمارين حالتي الصحيه مااقدر اعمل تمارين
بس يعني اتحرك في البيت وقللت ساعات نومي

[amal refaei]

صباح الخيرات

ياليت تعذروني لاني ماراح اقدر ادخل كل يوم احط يومياتي عشان مسؤولية البيت والاولاد

وكمان عندي بيبي صغيره عمرها 4 شهور

لكن بحط وزني كل اسبوع ان شاء الله ووقت ما افضى اديكم اخباري

المهم انا بسوي الشوربه الحارقه الى جانب التخفيف في الاكل

والله يوفق الجميع لما فيه الخير

[غزاله ومايصيدونها]

المشاركة الأصلية كتبت بواسطة ama_si اما اليوم بديت فطوري كاس حليب وبيضه مسلوقه غدا ربع خبز اسمر وادام عشاء نص بر اسمر وشوية فول وقت الجوع اشرب شوربه كثرة مويه بس باقي المشي ان شاء الله كنت حايسه في مكاتب الجامعه وبمشي باذن الله بالليل

تمام مشالله استمري ي عسسل

المشاركة الأصلية كتبت بواسطة برزاويه انا نظام نومي مره ملخبط بس الحمدلله باعده عن السكريات يعني خففت منها كثير وجالسه على الخبز والجبنه على فكره لي خمسه ايام مااكلت رز وكل بين ساعه وساعه اشد بطني على جوه طبعاا تمارين حالتي الصحيه مااقدر اعمل تمارين بس يعني اتحرك في البيت وقللت ساعات نومي

اهاا كويسس موفقه عزيزتي

المشاركة الأصلية كتبت بواسطة amal refaei صباح الخيرات ياليت تعذروني لاني ماراح اقدر ادخل كل يوم احط يومياتي عشان مسؤولية البيت والاولاد وكمان عندي بيبي صغيره عمرها 4 شهور لكن بحط وزني كل اسبوع ان شاء الله ووقت ما افضى اديكم اخباري المهم انا بسوي الشوربه الحارقه الى جانب التخفيف في الاكل والله يوفق الجميع لما فيه الخير

اٍُهٌـــاٌٍ* الله يخليهم لك موفقه يارب

[ام دالين]

انا لي اسبوعين باديه في الرجيم ووزني مره مايتزحزح عشان عندي كسل غده بس استخدم لها علاج من سنين
وزني 58
وطولي 157 ابي اوصل 50
ومعاي كرش
اكلي الفطور بيض وجبنه وخبز بر الغداء كم ملعقه صغيره رز وربع دجاجه او لحمه وعشاي اشرب قهوه ومعاه حلا
انا قلت يمكن الحلا بس مو معقوله احسني مااكل وكمان اشرب طول اليوم زنجبيل ونعناع

[fofo_27]

هاي قيرلز
انا زي ماقلت ليا أسبوعين قبل ماابدأ معاكم بس الحمدلله لما دحين مستمره
اول اسبوع كنت اصحى العصر تقريبا وابدأ اشرب مويه ممم تقريبا كاستين وعلى طول البس الجزمه وعالسير مشي 10 دقايق وهروله كمان 10 هوا في البدايه تعب شويا بس مره ماوقفت الحمدلله كنت اشجع نفسي لما احس انو اوه باقي كمان 5 دقايق كتير وانا جسمي مكسر اقول يالله انا قدها لازم اتعب عشان اوصل وبعد مااخلص مشي ابدأ اسوي تمارين شد للجسم كلو للجزء السفلي وتمارين بطن وارفع اوزان تقريبا 5 كيلو لكل يد كان كل تمرين اسويه 20 مره بعد مااخلص من هادا كلو اروح اتروش وبعدين افطر
فطوري عادة تونه او بيض مسلوق واكل حبه موزه وعصير فواكه او حليب بأي نكهه معاه شوكلت او نسكافيه لانو مااحبو لوحدو بس ماعندي فطور محدد
الغدا ممم كل يوم اكل من طبخ ماما بس ازا كان رز مااكل اروح اسويلي ساندويش خضار مع دجاج والسلطه دايما تكون بالاكل احاول ازينها واخليها بألوان اكتر عشان تفتح نفسي ((( عشان ابغا اكل صحي اكتر صرت اطبخ واخترع ههه اسوي بيتزا بالدقيق الاسمر تكون بالخضار مثلا او حتى اعصر الفواكه واسويلي كوكتيل ^^ )))

العشا عاده اكل مره خفييييف زي زبادي مع فواكه او سلطة
كمان خلال اليوم اشرب مويه كتير بس مره مااشرب مع الاكل او بعدو على طول
وكمان أشرب مشروبات ساخنه شاهي أخضر, احمر - نعناع - زنجبيل ( بدون سكر )

كمان قبل ماانام ارجع اسوي التمارين تاني بس بدون المشي والجري
هادا كان اول اسبوع ليا
وتاني اسبوع الي زاد عنو انو زدت التمارين ل 30 مره كل تمرين وزدت دقايق المشي والجري وصلت ل 25 دقيقه مشي و25 جري
وثالت اسبوع كمان زودت صار 35 مشي و35 جري والتمارين زادت ل 50 مره وألبس أوزان الي زي الربطات لما اجري واسوي تمارين احطها على ساقي من تحت عند الرجل
مع الرياضه صرت مررره نشيطه اشغل في البيت اتحرك وكمان في ايام تجيني مره اتكسل اقول خلاص خليه اليوم راحه بكرا اسوي رياضه بس مرره مااسمح للنفسي أأجل واضغط على نفسي وصح غصبن عني ولما اخلص اقول الحمدلله اني قمت وسويت رياضه اكون مبسوطه ويرجع نشاطي
بس الجمعه عندي اجازه :)

مممم ترى مااعتمدت برنامج غدائي من دكتور ولا شي بس كلو من راسي ^^ يمكن يكون في شي غلط اسويه خخخ
من يوم بدأت كنت 59 تأكدت من الدفتر طلع مو 57 زي ماقلت في الموضوع الي فات يعني ابغا انزل 14 كيلو
اول اسبوعين نحفت 5 كيلو تقريبا صار 54 لاتخلو الارقام تأثر فيكم ممكن تكوني شديتي حيلك بس تكوني خسرتي قليل هادا يعني العضلات بدأت تنشد وتكبر وتاخد وزن وكدا انتي تحرقي دهونك

ولا ني معاكم بدأت الاسبوع هادا لسا ماقست يوم الجمعه ان شاء الله
وكمان النتايج بدات اشوفها دا الاسبوع جسمي مره تغير وصار مشدود اكتر وهدفي طبعا 45 بس عندي اهم هدف هوا اكون صحيه اكتر واشد جسمي

كمان الشي الحلو انو العيله كلها بدأت تاكل اكل صحي ويمشو كم يوم بالاسبوع =))
محا اقدر اكتب كل يوم قلت خليها كل اسبوع ان شاء الله
good luck for all

[غزاله ومايصيدونها]

نظام ممتاز موفقات يارب

[تبسمـ]

يلا فاتني هالاسبوع ان شاء الله الاسبوع الجاي احلى


بديت امشي تقريبا نص ساعة كل يوم

[غزاله ومايصيدونها]

^
حلو موفقه عزيزتي

ي حبوبات جا وقت الاوزان
يلا كل وحده تكتب كم كانت قبل اسبوع وكم اليوم

[بحر الذكريات ..!!]

بسبب نقص الؤونة ف المنزل واكلي المريح كنت 71 والحين 70
بعني نقصت كيلو واحد فقط
وبإذن المولى غداً راح ابدأ مزبوط بعد ما اشتريت اكل صحي

[الشوق الجارح]

اعتذر عن عدم دخولي يوميا

كنت مشغوله هذا الاسبوع

بس الحمدلله مخففه بالاكل

وخبصت حبتين خميس وجمعه بس كنت احاول ما اكل حلى كثير

ع العموم نقصت كيلو

كان وزني 74 صار 73 >>>شاكه بالميزان

بس تحمست ارجع بقوه باذن الله